Leita í fréttum mbl.is
Embla

Eldur í bindi og blúndudama sigrar

binÞað verður að teljast dálaglegt afrek hjá Degi B. Eggerssyni að ná fyrsta sætinu, einkum í ljósi þess að hann var sá eini sem gaf kost á sér í það sæti. Ef Björk Vilhelmsdóttir hefði líka ágirnst fyrsta sætið hefði hún sigrað en Dagur tapað.

Annars er Dagur vel að toppsætinum kominn. Hann er ákaflega vel greiddur hvundags, með skottarapróf í lækningum og svo gífurlega háfleygur í tali, að ekki er á færi annarra en latínumanna að skilja hann til fullnustu. Þá mun Dagur öðrum fremri í að haga orðum sínum á þann hátt að sumir fara jafnvel að halda að þessi hástemmda blúndudama sé efni í stjórnmálamann. Einnig ku Dagur vera varaformaður Samfylkingarinnar, en það er ákaflega virðingarverð staða og vandmeðfarin.

Og rétt í þessu frétti ég af sanntrúuðum samfylkingarmanni, sem varð fyrir því óláni í kvöld að það kviknaði í bindinu hans þegar hann beygði sig fram yfir borð sem logandi kert stóð á. Eldurinn læsti sig óðfluga úr bindinu í nef mannsins og höfuðhár. Á þessari stundu er ekkert vitað um afdrif þessa óhamingjusama samfylkingarmanns, en fyrr í kvöld kom í ljós að hann hafði tapað illilega í prófkjöri. Á þessum manni hefur því á einni kvöldstund sannast hið fornkveðna: Þegar ein báran rís er önnur vís. 


mbl.is Átta atkvæði milli Bjarna og Dofra
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þorsteinn H. Gunnarsson

Það var jafn gott að það komst ekki eldur í bindið hjá dömunum!

Þeir Samfylkingarmenn verða að fara venja sig á að ganga með slaufu svo þeir verða ekki eldinum að bráð.

Það hefur einhver óvinurinn sett kertið þarna og viðkomandi fuðrað upp.

Þorsteinn H. Gunnarsson, 30.1.2010 kl. 23:31

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband