Leita í fréttum mbl.is

Fangelsisvist varla umflúin

jailÞað verður aldeilis dálagleg uppákoma ef þannig fer að helstu póstarnir úr margrómaðri ríkisstjórn Gjeirs Haaarde verða dregnir eins og stagkálfar fyrir Landsdóm og dæmdir af sama miskunarleysi og hverjir aðrir snærisþjófar til betrunarvistar á sjálfu Litla-Hrauni - já og í kvennafangelsið í Kópavogi, því varla er viðeigandi að vista Sollu og Jóhönnu gömlu á Hrauninu. Eflaust verður mest gaman að sjá þegar þeir teyma blessunina hann Össur okkar hérna Skarphéðinsson eins og gæfan hrút inn eftir göngunum á Hrauninu og loka hann inni í herbergi, eða öllu heldur stíu, með einhverjum hroðlegum glæpamanni, kanske frá Litháen. Þá held ég tjói nú lítið fyrir okkar mann að fara með ESB-bænirnar sínar eða syngja kapítalíska kratasálma.

Ekki efast ég eitt andartak um að tugthúsvistin muni hafa betrandi áhrif á meðlimi ríkisstjórnar Gjeirs og Sollu; og að þau muni af afplánun lokinni snúa á nýjan leik að stjórnmálum af tvíelleftum krafti og vinda sér óðar í að leggja drög að næsta hruni.


mbl.is Jóhanna beitti þrýstingi
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Rúnar Þór Þórarinsson

Ætli fólk verði kært fyrir vanrækslu nema það hafi verið í rannsóknarskýrslu alþingis metið þannig. Það verður uppákoma já, en ég held við getum ekki verið án þess.

Rúnar Þór Þórarinsson, 10.9.2010 kl. 07:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband