Leynigestur og leynivopn Bjarkar í Hörpunni mun slá í gegn

Fjarska er nú dægilegt að Íslendingar ætli að fjölmenna á tómleika Bjarkar í Hörpunni í október og nóvember. Mest er þó varið í að sjálfur guðfaðir Hörpunnar, sjálfur Björgólfur Guðmundsson kaupsýslumaður, mun koma fram með Björk á öllum tómleikunum og syngja með henni kunna standarda eins og Austan kaldinn á oss blés, Kindur jarma í kofunum, Gleðibankann og Áfram kristsmenn krossmenn. Það er því eftir miklu að slægjast fyrir þá sem voru svo heppnir að næla sér í miða á tómleikana.

Við upphaf hverra tómleika mun áðurnefndur Björgólfur lesa uppúr bókinni Glæpur og Refsing eftir Fjodor Dostojevski, en sögusvið þeirrar ágætu bókar er sem kunnugt Pétursborg í Rússíá, hvar sumir bestu synir íslenku þjóðarinnar brugguðu bjór forðum daga.

Uppselt á Björk

Athugasemdir

[Óskar Helgi Helgason (IP-tala skráð) 24.7.2011 kl. 15:49]

Heill og sæll Jóhannes; æfinlega !

Jú; sjálfsagt, hefir þú talið Björk Guðmundsdóttur stærri persónu en svo, að hún legðist ekki svo lágt, sem raun virðist vilja bera vitni.

Ég lít svo á; að allir þeir, sem iðka listgreinar nokkrar - eða þá, koma til einhverra mannfagnaða í Hörpu kumbalda þessum, séu þar með samþykkir - sem viðurkennandi; þau óráðssíu öfl, sem komu þessu ferlíki á laggirnar, á kostnað útgerðar og vinnzlu, við Reykjavíkur höfn.

Staðsetning, þessa hreysis, var beinlínis ætluð til, að stuða okkur, sem höfum viljað framgang framleiðslu greinanna, sem mestan, fornvinur góður.

Með kveðjum góðum; út undir Enni, vestur /

Óskar Helgi Helgason