Sá sem sparar vöndinn hatar son sinn

Eru ekki nema aumingja blessuð andlausu börnin að krefjast þess að morknaður strákhjallur, Bíbir heyrðist mér þau kalla hann, komi til Íslands. Maður á varla orð yfir lágkúrunni.

Ef krakkaskrímslin hefðu farið í kröfugöngu gegn óbótavekum Sjálfstæðisflokksins, hefði ég tekið ofan. En að krefjast Bíbirs til Íslands, nei takk, þessháttar fólska er ekki afsakanleg og æsku landsins til ævarandi skammar. Ojbara.

Þetta skammarlega framtak hins illa uppalda æskulýðs sýnir þó umfram allt að foreldrar landsins hafa sparað vöndinn hin síðustu ár svo um þverbak keyrir. Það er engu líkara en forsjármenn nútímabarna hafi svikist um að læra heilæðið góða, sem allir foreldar ættu að læra fyrst af öllu í uppeldisvísndum: ,,Sá sem sparar vöndinn hatar son sinn, en þeim sem hann refsar elskar hann." 

Þá ber Bíbirsgangan grunnskólum landsins illa söguna, svo ekki sé meira sagt. Enda hafa lýsisgjafir og áflog kennara við nemendur verið gerð burtræk úr skólum landsins, en þess í stað tekinn upp almennur vesaldómur og klapp á koll þeirra nemenda sem uppvísir verða af reykingum á salernum lærdómssetranna, klámkveðskap og drykkjskap á skóladansleikjum. Já.

Já. 

 

Vilja Bieber til Íslands

Athugasemdir

[Egill, 13.9.2011 kl. 16:46]

þú ert skrítinn maður, jamm og jæja, og frá ólafsvík líka, obbosí, og átt heima á öðrum tíma þegar ofbeldi skilaði árangri, jaseisei.

[Jóhannes Ragnarsson, 13.9.2011 kl. 17:00]

Það flokkast ekki undir ofbeldi að flengja uppivöðslusama krakka á heiðarlegan hátt. Það hefur alltaf gefist vel í Ólafsvík, Egill minn góður.