Við viljum Ólaf Helga sem byskubb!

Miðað við þær veimiltítur og sótrafta sem hyggjast gefa kost á sér í byskubskjöri í sumar, er ljóst að þetta merka málefni er að verða ein allsherjar hringavitleysa og galskapur. Þá er ennfremur ljóst, að ef ekki á illa að fara verða aðrir og myndugri frambjóðendur að koma fram á sjónarsviðið. Í þeim efnum er mjög horft til Ólafs Helga Stones, sýslumans í Árnessýslu og Óttars Proppé, borgarfulltrúa í Reykjavík, en hann mun að margra áliti hafa mjög byskubslegt útlit. Þá hafa ýmsir nefnt Ólínu Þorvarðardóttur, alþingismann, til sögunnar, en helsta tromp hennar er innistæðulaus frekjugangur og rautt fax.

Er það von mín og meirihluta landsmanna, að herra Ólafur Helgi láti til leiðast að gerast byskub Íslands, því á þessum viðsjárverðu tímum ríður á að kirkjan hafi þungavigtarmann í forsvari.

Gefur kost á sér í biskupskjöri

Athugasemdir

[Jón Valur Jensson, 29.1.2012 kl. 19:43]

Láttu frænda minn Monsr. Ó.H. Stones í friði, Jóhannes!

Agnes er líka Ísfirðingur og aldeilis ekki með þeim böggum hildar sem einkenna sumar frekjur með rautt tagl. Faðir hennar var vinsæll prófastur, og sjálf er hún kannski ekki eins hryllilega frjálshyggjuleg og sumir aðrir frambjóðendur.

Annars eiga menn ekki að trana sér fram í biskupskjör.

En þu ert alltaf svo alvarlegur, Jóhannes, þetta gengur ekki!

[Jóhannes Ragnarsson, 29.1.2012 kl. 20:04]

Með hliðsjón af vanda kirkjunnar, Jón Valur, er vafalaust eftir miklu að slægjast í Ólafi Helga, því hann er röggsamt yfirvald sem kærir sig ekki um að láta fólk komast upp með moðreyk og pex.

[Jón Valur Jensson, 29.1.2012 kl. 21:27]

Góður !

[Jóhanna Magnúsdóttir, 29.1.2012 kl. 22:28]

"Frekjur með rautt tagl" ..  Jón Valur, ertu með fordóma gagnvart rauðhærðu fólki?

[Jón Valur Jensson, 30.1.2012 kl. 03:58]

Nei, alls ekki, því fer víðs fjarri, Jóhanna mín.

Eða hver ortI:

Redhead–––oh, ...