Leita í fréttum mbl.is

Staðreyndir úr pestarforaði pólitískra valdastreðara

Já, það er best að koma því á framfæri, að Flokkseigendafélag VG gerði sér hægt um hönd og sagði Steingrími J. upp störfum sem formanni. Fremst í flokki, við þennan frumlega brottrekstur, vóru náttúrlega frú Álfheiður og Svavar Sendiherra og brúkuðu sér til aðstoðar smádrýsla úr flokkseigendaleikfangakassanum eins og Sóley Tomm og einhverra fleiri af því kalíberi.
Ástæðan fyrir uppsögn Steingríms er ofsahræðsla flokkseigenda við ítrekaðar vísbendingar í skoðanakönnunum um hörmulega lítið fylgi VG og yfirvofandi útþurrkun flokksins af Alþingi í næstu kosningum. Þetta voðalega gengi í skoðannakönnunum kenna frú Álfheiður og Sendiherrann, án þass að blikna, Steingrími kallánganum um og því slógu þau hann hiklaust af eins og horfallna og fótbrotna mertruntu, enda hefur harðlífið og nábíturinn verið að drepa þetta góða fólk síðan snemma í haust.
Þessi kostulega ákvörðun yfirherráðsins er bæði kátbrosleg og nöturleg í ljósi þess að Steingrímur er búinn að hrekja uppundir helming þingflokks VG úr flokknum meðfram því að ,, moka flórinn," eins og það heitir á tungumáli auðvaldsframsóknarkrata, dag og nótt í fjögur ár, af yfirnáttúrlegri elju og dugnaði.
En svona eru laun heimsins í pestarforaði pólitískra valdastreðara. Á þeim myrka vettvangi kunna þátttakendur sjaldan skil á Jesúsi og Júdasi hvað þá þeir þekki Karl Marx frá Rockefeller.
Það hefur svo orðið ofaná, að tefla fram núllinu Katrínu Jakobsdóttur til formanns, Swadeesý Sendiherrans til mikillar gremju og viðeigandi hrottalegs innvortis kvalapirrings.
Í miðju þessu mannfalli, leyfir svo hin fræga búrtík fallna foringjans sér þá skemmtun að gera kröfur sér til tanna um betra sæti á framboðslista VG í Reykjavík meðfram því að ágirnast varaformannsembætti flokksins þegar núverandi varaformaður sest í sjálft hásætið. Það er því ekki nema von að frú Álfheiður bölvi ekkisins búrtíkinni í sand og ösku við hvurn mann sem hún á tal af þessa dagana.

mbl.is Björn Valur íhugar að bjóða sig fram
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Gunnar Th. Gunnarsson

Kjarnyrtur pistill

Er það virkilega það sem hangir á spítunni hjá mann ræflinum að heimta öruggt þingsæti fyrir varaformannsembættið?

Gunnar Th. Gunnarsson, 17.2.2013 kl. 23:28

2 Smámynd: Guðjón Sigþór Jensson

Þetta gæti verið „copy“ og „paste“ af leiðaraskrifum Davíðs Oddssonar, allt meira og minna afvegaflutt. Blanda af sönnu og lognu.

Guðjón Sigþór Jensson, 18.2.2013 kl. 08:01

3 Smámynd: Jóhannes Ragnarsson

Jæja, Guðjón minn Sigþór, þú værir ef til vill tilleiðanlegur til að segja okkur hvað er satt og hvað er logið í pistlinum mínum.

Auðvitað er það samningsatriði innan Flokkseigendafélagsins hvernig starfslokaleikriti Steingríms verður háttað.

Jóhannes Ragnarsson, 18.2.2013 kl. 09:19

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband