Framsóknargriðkan mátaði gáfumann Samfylkingarinnar í örfáum leikjum

Sú gamla framsóknargriðka gerði sér lítið fyrir í morgun og heimaskítsmátaði hinn stórmerkilega, stórgáfaða og virðulega Helga Hjörvar svo snoturlega, að umræddur Helgi er lagstur í kör fyrir fullt og fast. Þessa stundina er hann að láta skrifa bréf til forseta Alþingis, þar sem fram kemur að hann segi af sér þingmennsku frá og með deginum í dag.

Tildrög málsins voru á þá leið, að í morgun settust Sigrún og Helgi að tafli og telfdu ESB-skák. Helgi hugðist beita Sikileyjarvörn, þar eð Sikiley er innan ESB og fæðingarstaður Mafíunnar. En framsóknargriðkan varð fyrri til og opnaði á drottningargambít og mátaði Helga í 10 leikjum. Herra Hjarvarr varð svo um tapið, að hann lagðist yfirbugaður á gólfið og sjúkraflutningamenn báru hann burt á börum og óku honum heim.

Nú hafa Helgi Hjörvar og hans líkar hitt sjálfa sig fyrir. Ekki höfðu þessir ,,stórgáfuðu" og undurleiðinlegu apakettir fyrir því að efna til þjóðaratkvæðagreiðslu um hvort Ísland ætti að sækja um aðild að ESB. En þegar komin er ríkisstjórn til valda sem hefur engann áhuga á halda ESB-umsókinni áfram, rjúka Helgi og vinir hans í gáfumannafélaginu upp til handa og fóta og heimta þjóðaratkvæðagreiðslu um hvort eigi að halda ESB vitleysunni áfram. Framganga af þessu tagi bendir ekki til mikilla gáfna af hálfu þeirra er að standa, heldur þvert á móti virðist þetta lið velta sér eins og svín uppúr allri þeirri heimsku sem tiltæk er varðandi valdaafsal eins lands til kapítalísks einokunarbákns. Guð gefi að hinir stórgáfuðu blábjánar ESB-trúboðsins leggist allir í kör og bíði þar örlaga sinna.

Ekki þörf á þjóðaratkvæðagreiðslu

Athugasemdir

[Helga Kristjánsdóttir, 19.1.2014 kl. 22:13]

Nú varstu reglulega skemmtilegur,get ekki annað en útalað mig um það og játað. Þá hlýtur konan að hafa leikið þeim hvítu,fyrst þetta tók svona fljótt af.

[Anna Sigríður Guðmundsdóttir, 20.1.2014 kl. 20:03]

Annaðhvort vill fólk raunverulegt lýðræði, sem gagnast raunverulega lýðnum, (öllum almenningi samfélags), eða það vill hannað opinberlega fjölmiðlabullandi og ómarktækt ESB-rekið heimsveldis-elítu-"lýðræði".

Nú reynir á siðferðisvinnureglur RÚV, sem rekið er að lýðnum! Þörf áminning! Eða hvað?

Fjölmiðlar stjórna umræðunni. Það er mikilvægt að almenningur stjórni sínum eigin lýðræðisskoðunum, án áhrifa frá nokkrum öðrum.

Allur sannleikurinn, án undanbragða, er grunnurinn að raunverulegu lýðræði. Lýðsins skattpeninga-rekna RÚV á enn langt í lýðræðis-land, frá sínum tortímandi og áratugagamla brotsjó blekkinga.

Eða hvað?

M.b.kv.