Leita í fréttum mbl.is

Svo kveikti hann í rassinum á Óla Apaketti

fire.jpgÞó svo að Óli GÞÞ Apaköttur sé ekki beinlínis ungur lengur þá lét hann ekki aldurinn aftra sér frá að taka þátt í sverðamorðaleiknum í Öskjuhlíð í dag. Óli Apaköttur er þekktur fyrir að vera rogginn og sperrtur eins og hani, er ákaflega hugrakkur í fábjánlegum bardagaleikjum, að ekki sé minnst á baktjaldamakkið sem er hans uppáhaldsíþrótt, þó hann sé blauðastur allra andspænis alvöru bardaga.

En burtséð frá hugrekki eða bleyðimennsku Óla GÞÞ Apakattar, þá gekk hann ekki ósár frá sverðabardaganum í Öskjuhlíð í dag. Á meðan Óli stóð og horfði á tvo lúðulaka berja saman spýtum í sverðalíki, læddist gamansamur þorpari með eldspýtur aftan að Óla og kveikti í rassinum á honum. Fyrst hljóp Óli æpandi og öskrandi í nokkra hringi en þaut svo eins og byssukúla beint útí sjó. Þegar hann skreið aftur í land stóðu bardagavinirni í fjörunni og hlógu groddalega að honum og sproksettu hann á ýmsa lund. Óli Apaköttur svaraði hlátrasköllum og háðsglósum félaganna með því að upphefja á nýjan leik skerandi öskur og óhljóð. Og nú öskraði hann á lögreglu og sjúkrabíl, hann væri að deyja af sárum sínum. Þetta fannst vinunum ógurlega fyndið og sögðu honum á móti, að ef hann væri ekki í rennblautum fötum myndu þeir kveikja í honum aftur.

Þetta mun vera í annað eða þriðja sinn sem kveikt er í bakhlutanum á Óla Apaketti. Það er snúin ráðgáta hvernig á því stendur að brennuvargar sækja svo grimmt í rassinn á þessum ógæfumanni.
mbl.is Sverðin á lofti í Öskjuhlíð
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband