Eru og verða alltaf helvítis þjófar og arðræningjar

Æjá, það er alltaf hálf ónotalegt þegar maður kemst að því að einhver frjálshyggjudelinn úr Sjálfstæðis- eða Framsóknarflokknum hefur brotist innum glugga og fjarlægt það sem honum þóknaðist. Þó er svona innbrot aðeins smámál hjá arðráni, fjárglæfrum og svindli umræddrar frjálshyggjudela. Það er svosem fátt eða ekker, sem hægt er að gera, til að sporna við þessum fjára: frjálshyggjudelar eru og verða alltaf helvítis þjófar og arðræningjar. Það mætti svo sem reyna róttæka sósíalíska byltingu, en þessháttar athöfn er fólki ekki eftirsóknarverð, því blessuðu fólkinu þykir svo ósköp gott að láta óráðvanda hægripésa arðræna sig og kúga á alla vegu.

Skemmst er að minnast þegar frú Ingveldur og Kolbeinn og þeirra fólk lúbörðu kommúnista nokkurn í stöppu, en hann hafði villst inní samkvæmi til þeirra hjóna og farið að predika sameignarstefnu og andfasisma. Á eftir fullyrti frú Ingveldur, að aldrei hefði annar eins viðbjóður borist inn í hús til sín eins og þessi mannræfill; hún og Kolbeinn hefðu orðið að þrífa allt húsið með sterkum sápulög og háþrýstidælu til að reka ólyktina af þessu kommúnistahræi útfyrir dyr.

Og við höldum áfram að njóta þess með sælubros á vör, að láta arðræningjana úr frjálshyggjudeildunum stela af okkur öllu steini léttara.

„Þetta var mjög óhugnanlegt“

Athugasemdir

[Aztec, 16.10.2014 kl. 13:55]

Jóhannes, þú vilt kannski frekar stalínistana í VG og landráðahyskið í Samfylkingunni sem vildu láta þjóðina alla bera ábyrgð á því sem feiti gaurinn stal af Bretum og Hollendingum. Því ekki datt þessu vinstrahyski í hug að fara í mál við þjófana sjálfa.
Það er enginn þjófur eins auvirðilegur og sá sem ásælist skattfé launþega. S(ån) J(ävla) S(ataner).

[Jóhannes Ragnarsson, 16.10.2014 kl. 14:45]

Ha, hverjir eru þessir stalínistar í VG? Kannast ekki við neitt soleiðis þar á bæ. Í VG eru bara venjulegir aumingjar með helblátt hor og slef.

En fyrst þú nefnir þjófa sem ásælast skattfé launþega, þá koma mér í hug þessir glorsoltnu einkavæðingarplebbar, sem vilja stofna fyrirtæki sem ríkið á að sjá um að fjármagna.

[Níels A. Ársælsson., 16.10.2014 kl. 20:57]

Góð mynd af Gumma auðnuleysingja :-)

[Jóhannes Ragnarsson, 16.10.2014 kl. 21:06]

Hann Gummi skohh - hann er nú einusinni ekki vitlaus fyrir ekki neitt, drengurinn sá. En það er einkennilegt hvað svona fyrirbrigði myndast alltaf vel.