Vill Víglundur virkilega koma Steingrími á Litla-Hraun?

Það væri dægilegur andskoti, ef rétt reynist að Steingrímur okkar hérna joð hafði gefið einhverjum skuggalegum hákapítalískum ófétum milljarða á milljarða ofan. Fyrr má víst gagn gera í höfingskap og þjónkun við erkiauðvaldið hér heima og erlendis. Ef þetta eru þakkirnar, sem Steingrímur fær fyrir að hafa unnið á akkorðshraða samfleytt í fjögur ár, án svefns og matar, við að bjarga sálufélögum Víglundar Þorsteinssonar og endurreisa Gamla Ísland, þá er það trúlega heimsmet í vanþakklæti.

Ekki hefi ég hugmynd um hvað Vígalundi vill að gert verði við Steingrím fyrir að hafa fært auðvaldinu góðgerðir að hætti hússins. Ekki trúi ég að Vígalundi, eins handgenginn og hann er auðvaldinu, vilji að Steingrímur verði hnepptur í fangelsi fyrir rausnarskapinn. Á það máske fyrir dáðasta syni þistilfjarðarframsóknarmennskunnar að liggja, að kjaga í mörg herrans ár um ganga Litla-Hrauns, með járnkeðju með kúlu í endann festa um ökklann, innanum herfilegustu glæpamenn þjóðarinnar?

Það væri svosem nógu broslegt að sjá hina gömlu og góðu vinkonu Steingríms, Margréti Frímannsdóttur fangelsisstjóra, taka á móti fornvini sínum í anddyri Hraunsins og leiða hann, stjarfan af íllsku yfir vanþakklæti og vonsku heimsins, inní fangaklefa og loka hann þar inni bak við lás og slá.

Stórfelld svik og blekkingar

Athugasemdir

[Ásthildur Cesil Þórðardóttir, 23.1.2015 kl. 12:55]

Landsdóm á hann og ekkert minna en það. 

[Jóhannes Ragnarsson, 23.1.2015 kl. 13:05]

Ég á ekki von á að það sé meirihluti fyrir því á Alþingi að draga gripinn fyrir Landsdóm.

En það er nauðsynjaverk að stofna Alþýðudómstól til að taka mál ýmissa suddamenna, arðræningja, auk alræmdra félagasamtaka og stofnanna, fyrir og dæma í þeim, án aðkomu lagatækna auðvaldsins.

[Ásthildur Cesil Þórðardóttir, 23.1.2015 kl. 14:05]

Alveg sama hvaðan gott kemur en nú er það augljóst að þessir svokallaðir alþingismenn og ráðherrar eru margir hverjir verstu þjóðníðingar og glæpamenn, þess vegna þarf að rannsaka þá ofan í kjölinn og dæmi í tilhlíðilega refsingu.  Þeir hafa of mikil völd til að láta það hjá líða. 

[Jóhannes Ragnarsson, 23.1.2015 kl. 14:37]

Fyrir nú utan ýmiskonar níðingsverk sem þessir paurar taka að sér, þá hafa í a.m.k. þrennum síðustu alþingiskosningum valist til þingsetu afspyrnu leiðinlegt og húmorslaust fólk með sáralitla pólitíska getu og hugsjónir sem einskorðast við það sjálft.

[Ásthildur Cesil Þórðardóttir, 23.1.2015 kl. 14:47]

Verð því miður að vera sammála þessu. 

[Guðmundur Ásgeirsson, 23.1.2015 kl. 15:09]

Landsdómur er fyrir brot sem varða ráðherraábyrgð, þau brot sem hér um ræðir varða hinsvegar við almenn hegningarlög.

[Ásgrímur Hartmannsson, 23.1.2015 kl. 16:28]

Á hrauninu á hann víst heima, kallinn.

Hahahaha!

[Kjartan Sigurgeirsson, 23.1.2015 kl. 18:13]

Það væri fróðlegt að vita hverjir útrásarvíkinganna eru Steingrími J. svo hjartfólgnir að hann teflir mannorði sínu og pólitískri framtíð í voða til að þeir fái veiðileyfi á íslenskan almenning. 

Það var ekki að sjá annað en að stór hluti þeirra nafna sem voru á lista yfir kröfuhafa í föllnu bankana væru nöfn sem bentu til að þar væru Íslendingar á ferð.   

[Sólbjörg, 23.1.2015 kl. 22:53]

Hin sanni Georg Bjarnfreðarson - einhver undarleg líkheit hafa alltaf verið með þeim tveim.

[Ellert Júlíusson, 26.1.2015 kl. 10:41]

Gott að sjá að lúkasarsyndrómið hefur ekki yfirgefið Íslendinga.