Leita í fréttum mbl.is

Vígð inní frægðarhöllina með landabruggi og smyglsprútti

ing12.pngUm síðustu helgi var Áslaug Arna formlega tekin inní frægðarhöll frú Ingveldar og Kolbeins Kolbeinssonar skrifstofustjóra og framsóknarmanns. Var mikið um dýrðir við það tækifæri og enn meira skálað í allrahanda landabruggi og smyglbrennivíni, því ekki þókti við hæfi að bjóða uppá ríkisrekið áfengi frá Áfengis og tóbakverslun ríkisins við þessa fagnaðarhátíð. Það var víst ógleymanlegt öllum, sem viðstaddir voru vígslu Áslaugar Örnu á heimili frú Ingveldar og Kolbeins, þegar frú Ingveldur sjálf, Máría Borgargagn, Vigdís Hauksdóttir, Hanna Birna og hin nývígða hvítvínsgyðja stilltu sér upp og sungu kvæði sem byrjar svona: ,,Úr fimmtíu sénta glasinu ég fengið gat ei nóg" og skáluðu á meðan í póstsendu bruggi með smyglvodka útí.
 
Það er nefnilega ekki á hvurjum degi, núorðið, að selskapur frú Ingveldar og Kolbeins fái til liðs við sig unga, ljóshærða frjálshyggjuskrukku með undurfrjálsa brennivínshugsjón. Enda var drukkið fast og af tilfinningu þessa nótt að heimili frú Ingveldar og Kolbeins. Fljótlega uppúr miðnætti sýndu Brynjar Vondalykt og Óli Apaköttur sínar allraverstu hliðar og höfðu hjónin Indriða Handreð og Máríu Borgargagn sér til aðstoðar við þær athafnir.

Hinn nýji aðalritari Sjálfstæðisflokksin hefir fengið þann byr í seglið, sem hún verðskuldar, strax á fyrstu dögum í embætti. Vart má hugsa sér meiri heiður innan íslenskrar borgarstéttar, en að vígjast svo snemma inní frægðarhöll frú Ingveldar og Kolbeins og fá að kynnast öllu því frábæra fólki, sem þar eru heimagangar. Framtíðin er sannarlega björt hjá Áslaugu Örnu aðalritara og hún á vafalaust eftir að éta mikið af humri og þamba fleiriþúsund lítra af hvítvíni með.


mbl.is Notfæra sér DHL í stað ÁTVR
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Geir Ágústsson

Enn og aftur skal hið íslenska vinstri rífa í sig og tæta í strimla kvenmann sem vogar sér að stíga fram á sjónarsviðið og taka að sér trúnaðarhlutverk. Þetta fer að verða aðalsmerki hjá vinstrinu. 

Geir Ágústsson, 12.11.2015 kl. 04:06

2 Smámynd: halkatla

Það er sko ekkert annað en bilaður heiður fyrir Áslaugu Örnu að vera skrifuð inní ævintýri frú Ingveldar og félaga með svona mögnuðum hætti :)

halkatla, 12.11.2015 kl. 15:01

3 Smámynd: Jóhannes Ragnarsson

Já, Geir, satt segir þú, að það er mikið trúnaðarhlutverk, að gerast aðalritari Flokksins. Enda var hún undir eins tekin inn í frægðarhöll frú Ingveldar og Kolbeins. En hún verður að standa sig, annars gæti ævintýrið endað með klunnalegri uppákomu.

Jóhannes Ragnarsson, 12.11.2015 kl. 15:42

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband