Leita í fréttum mbl.is

En komirðu, karl minn! nærri, kynleg er menjagná

flokkseigendur_786424Heyr á endemi. Það er engin minnsta von til að meðlimir flokksráðs VG hafi minnstu hugmynd um hvað samfélagsbanki er, það er ekki fræðilegur möguleiki. Hinsvegar halda þessir loddarar að orðið ,,samfélagsbanki" sé ágætur frasi, stuttur og auðmunanlegur, og líklegt sé að hann gangi páfagaukslíka kjósendur. Svo tala þessar eiginir, og setja upp sérlega hannaðann gáfumannsvip, um ,,uppstokkun fjármálakerfisins" eins og flokkseigendurnir séu einkar vel að sér í kapítalískri fjármálaspeki. Hinsvegar minnast þessir tilberar ekki einu orði á nauðsyn þess að afnema hið kapítalíska þjóðskipulag, enda kunna þeir betur við sig við rúllettuborð kapítalismans en að vinna að sósíalismans.

En hæstum hæðum nær hræsnin og uppskafningshátturinn í ályktunardrasli Flokksráðs VG þegar farið er að fimbulfamba um að VG lýsi sig tilbúin að starfa með hvaða stjórnmálaflokki eða stjórnmálamanni sem er, sem vilji vinna að því að auka jöfnuð og hagsæld og byggja upp velferðarkerfi af norrænni fyrirmynd. Það er augljóst að ráðherrastólahórdómssýkin er kominn á sinn stað hjá Flokkseigendunum og þeir tilbúnir að leggjast með hvaða slordóna sem er ef þeir telja sig geta með hártogunum og hreinum lygum haldið því fram að slordóninn hafi komið eitthvað örlítið til móts við einstaka kröfur þeirra. Við sáum tilfæringar þessa óærlega fólks í síðustu ríkisstjórn, sem það af heimskulegri ósammfeilni sinni kölluðu ,,norræna velferðarstjórn" og jafnvel ,,vinstristjórn" þegar best lá á þeim í ruglinu.

lus.jpgÞað er hörmuleg staðreynd að þó nokkur fjöldi af vel meinandi og hjartahreinu fólki heldur að Vintrihreyfingin grænt framboð sé sósíalískur flokkur, en því veldur einfeldningsháttur þess, hrekkleysi og þekkingarskortur á innviðum VG. Skáldið Þórbergur Þórðarson orti ódauðlegt kvæði um Esjuna og kvinnurnar, sem að breyttu beytanda lýsa stjórnmálafyrirbærinu VG ofurvel:

Esjan er yndisfögur utanúr Reykjavík.
Hún ljómar sem litfríð stúlka í ljósgrænni sumarflík.

En komirðu, karl minn! nærri, kynleg er menjagná.
Hún lyktar af ljótum svita og lús skríður aftaná. 


mbl.is Landsbankinn verði samfélagsbanki
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Níels A. Ársælsson.

"ráðherrastólahórdómssýkin" Þetta er nýyrði í Íslenskri tungu og bara asskoti gott tongue-out...........

Níels A. Ársælsson., 13.2.2016 kl. 20:49

2 Smámynd: Jón Valur Jensson

Jói minn, þetta er alvarlegt ástand hjá þér!

 

Kynleg mörg er menja-gná að morgni, vinur,

þreyttur meðan þú þar stynur.

 

Hefnist þér að kneyfa kræfur kassa af bjóri.

Farðu að hætta þessu þjóri !

 

Ella vakna upp ótal skessur yfrið ljótar

og steypast yfir einn þar fljótar!

Jón Valur Jensson, 14.2.2016 kl. 01:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband