Leita í fréttum mbl.is

Nú ríður á að leggja Félagi sannra Íslendinga lið gegn föðurlandssvikurunum

landi_sekkur.jpgJahá, svo Guðni Th. er þá svona jargansmikill byltingarseggur og föðurlandssvikari. Þetta hefir mig lengi grunað. Það er náttúrulega útilokað að þjóðin fái leyfi til að kjósa slíkan varg í véum forseta Íslands. Þetta ástand minnir mest á þegar hinir ættjarðarlausu í Sviðinsvík undir Óþveginsenni gerðu aðsúg að Pétri Pálssyni og Félagi snannra Íslendinga um árið. Það verður fortakslaust að stoppa þennan Guðna af áður en honum tekst að gera eitthvað af sér, - eða væri máske betra að stoppa hann upp? ...

Og föðurlandssvikin liggja ljós fyrir: Þessi Guðni var að sögn jafn vingjarnlegur í garð Icesave samningsins og meirihluti Sjálfstæðisflokksinns. Og tilræði hans við stjórnarskrána er í einu orði sagt óverjandi. Nú verðum vér öll að leggjast á árarnar með Félagi sannra Íslendinga, rétt eins og presturinn og prókúristinn í Sviðinsvík á sínum tíma, og afvopna byltingarvarginn og steypa honum í fangelsi, eða það sem betra er, fyrir björg, annars sökkur landið. Það er nefnilega stór og miklil hætta á, og það borðliggjandi, að ef Guðni verður kosinn forseti af fáfróðum og heimskum lýðnum, þá lætur hann það verða sitt fyrsta verk að taka margblessaða stjórnarskrána úr sambandi og afnema kvótakerfið og borga Icesve skuldina með beinhörðum péníngum úr ríkissjóði. Og hvað verður um okkur þá? Það sjá allir góðir og heilvita menn að soleiðislagað má ekki gerast.

Við þetta er nauðsynlegt að bæta, að Kolbeinn Kolbeinsson skrifstofustjóri og framsóknarmaður sást blind-dauðadrukkinn á tali við Guðna þennan, sem allir eru að tala um í, kærkvöldi. Þetta er grafalvarleg mál, því það bendir til að Framsóknarmenn sitji á svikráðum við Félag sannara Íslendinga og bíði nú aðeins færis að geta rekið blóðuga búrsveðjuna í bakið á hinu góða félagi. Frú Ingveldi, eiginkonu Kolbeins, var að sjálfsögðu gert viðvart um andfélagslega iðju Kolbeins og kom hún undir eins á vettvang og rotaði bónda sinn með leiftursnöggu höggi og dró hann að svo búnu á annarri löppinni heim á leið. Svona eru tímarnir válegir og erfiðir og líklegt að allt fari í handaskolum á versta veg. Stjórnarskrá sannra Íslendinga má ekki líða undir lok, svo mikið er víst, og það fyrir atbeina eins landlauss föðurlandssvikara og landráðamanns.


mbl.is Segir Guðna vilja kollvarpa stjórnarskránni
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ásthildur Cesil Þórðardóttir

Þú meinar væntanlega hnífasettið sem stungið var í bakið á BInga?  Annars sammála þér í því að Guðni er hinn versti skapvargur hef ég heyrt, hann tryllist ef hann fær ekki það sem hann vill og hatast út í menn áratugum saman ef honum finnst menn svíkja sig.  Hann fær líka orma í eyrun ef hann hlustar á grasrótina að því mér er sagt.  

Ásthildur Cesil Þórðardóttir, 15.5.2016 kl. 22:26

2 Smámynd: Jóhannes Ragnarsson

Já, Guðni er áreiðanlega skaðræðisskepna, skapvondur og hefnigjarn.

Hnífasettið er ávallt til reiðu í Framsóknarfjósinu, brýnt uppúr fjóshaugnum á hverfisteininum gömlu Maddömunnar.

Jóhannes Ragnarsson, 15.5.2016 kl. 22:36

3 Smámynd: Anna Sigríður Guðmundsdóttir

Ég kann nú ekkert á alla þessa pólitísku flokka, hverju nafni sem þeir nefnast. Maður getur ekki flokkast eins og skoðanakúguð ósjálfstæð sál.

En Guðni blessaður er víst líklega Hæstaréttar og Háskóla Íslands spottastýrður "forsetaframbjóðandi", sem fjölmiðlar töluðu upp í hæðstu og ólýðræðislegu hæðir.

Það er ekki gæfulegt að vera forseta-strengjabrúða svikula æðstadómsstóls Íslands.

Ætlar fólk virkilega að láta skoðanakannana-fjölmiðla-plata sig til að kjósa gegn eigin sannfæringu?

M.b.kv. 

Anna Sigríður Guðmundsdóttir, 15.5.2016 kl. 23:20

4 Smámynd: Jóhannes Ragnarsson

Tja, það er úr vöndu að ráða, Anna Sigríður, þegar illræðismenn að oss steðja úr öllum áttum eins og hungruð villudýr í sauðargærum. En á eyrunum skulum vér þekkja þá, þá sjaldan þau koman undan hárinu.

Jóhannes Ragnarsson, 15.5.2016 kl. 23:43

5 Smámynd: Steindór Sigurðsson

Já það er skemmtilegt að þú skulir mynnast á eyrun. Því þau eru ekki af manneskju, heldur einhverju allt öðru fyrirbrygði.

Steindór Sigurðsson, 16.5.2016 kl. 10:53

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband