Leita í fréttum mbl.is

Þetta er verk íslamistana í Þjóðfylkingunni

war3.jpgEf mér skjöplast ekki því meir, þá er þessi sprengieldflaug úr vopnabúri íslamistana í Þjóðfylkingunni, en það eru sko menn sem kalla hvorki eitt né neitt ömmu sína og því síður afa. Ugglaust hafa þessir bráðhættulegu hryðjuverkarar ætlað að tæta skíðaaðstöðuna í Báfjöllum í loft upp með vítisvélinni, en týnt henni í ölæði. Það er enginn vafi á því, að okkur stafar veruleg ógn af Þjóðfylkingarmúhámeðstrúarmönnum, sem hér hafa haslað sér völl og komið upp bækistöðvum til að herja á okkur innfædda aríana.

Fyrir ekki svo löngu síðan hringdi einn af þessum hrottafengnu alkæítaistum inní símatíma á útvarpi Sugu og gjörði þáttarstjórnendur svo hrædda, að margfalt áfallateymi hefir ekki enn tekist að ná þeim hiður á jörðina. Maður þessi hótaði sem sé þáttarstjórnendunum að heimsækja þá í eigin persónu og berja þá í hausinn, bæði með Biflíunni og Kóraninum, til að vita hvort ekki rofaði til milli eyrnanna á þeim. 

Og fyrst hryðjuverkaslápar eru farnir að týna vítisvélum sínum hér og þar uppí sveit, þá liggur beinast við að álykta, að þeir hafi yfir gnægð sprengjueldflauga að ráða og taki nú til við að skjóta þeim í allar áttir þegar minnst varir. Fyrir utan útvarp Sugu, þá er líklegt að þeir velji skotmörk sín af kostgæfni og miði akkúrat í miðjuna á þeim til að valda sem mestum usla. Það væri til dæmis dálaglegt ef þeissir paurar sendu eins og eina eldsendingu og sprengiefnis beint í Áfengis og tóbaksverslun ríkisins og landið yrði brennivínslaust og allir myndu deyja úr þorsta á hálfum mánuði. Þá væri eftirleikurinn þeim auðveldur og þeir myndu á svipstundu hirða allan kvótann og togarana, breyta Seðlabankanum í mosku og Smáralindinni í hóruhús. Hugsaðu um þetta Spætuskratti og hættu að stela þvottinum af snúrum nágrannanna.


mbl.is Þjóðveginum lokað vegna eldflaugar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jóhann Kristinsson

Áfallateymið hefur sennilega verið upptekið við að koma Birgittu Jóns og Helga Hrafni á réttan kjöl, þess vegna hefur það ekki getað sinnt þáttarstjórnendum Útvarp Sugu.

Fyrst er að veita áfallahjálp í geðveikrahúsinu við Austurvöll áður en farið að veita áfallahjálp til hins almenna borgara.

Kveðja frá Houston

Jóhann Kristinsson, 27.8.2016 kl. 23:23

2 Smámynd: Jón Valur Jensson

Þú ert með hressasta móti í kvöld, Jói laughing

Jón Valur Jensson, 28.8.2016 kl. 00:22

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband