Leita í fréttum mbl.is

Hvur getur sannað að hann sé ekki kvennamaður góður?

bóndiOss skortir ennþá öll gögn sem sanna að Brynjar þessi sé ekki kvennamaður góður. Á meðan svo er, þá er það ekki minna en svívirðilegt að bera honum á brýna að vera á móti konum. Nú er oss heldur ekki enn kunnugt hvort karlinn á sér eiginkonu eða ekki. En ef hann á eiginkonu og máske dætur líka þá má telja næsta víst að hann sé með konum en ekki á móti þeim. En ef farið er yfir kvennforða þingflokks sjálfstæðismanna þá er ekki að undra, að gamli maðurinn verði úfinn og orðljótur þegar hann rennir augum sínum yfir þingheim. Svo er Brynjar öldungis ekki viss um hvors kyns fornmannsfígúra Björtu framtíðarinnar er, enda er Brynjar ekki þjálfaður í kyngreiningum, sem er mikið fag og einungis á færi glöggra og gáfaðra manna.

ingv32.jpgÞað má svo sem vel vera, að einhverjar friðlausar kerlingar hafi fengið augastað á Brynjari til að berja á honum með öllum tiltækum fémínískum lurkum og kvennlægum heykvíslum. En Brynjar er aungin kolbítur heldur karskur karl sem er óhræddur við að finna kérlíngar í fjöru hvað sem þær kunna að vera margar saman. Þá er og vitað að frú Ingveldur hefir miklar mætur á Brynjari og talar stundum um hann sem sinn eingetinn son. Það eru ekki svo lítil meðmæli.

kick3_1045735.jpgEf fer sem horfir, þá er gott útlit fyrir að Bjarni Ben og Benzi frændi hans verði hrópaðir niður innan skamms og þá veður vonapéníngur Sjálfstæðisflokksins formaður flokksins og jafnframt forsætisráðherra og sennilega líka dómkirkjuprestur. Þá verður gaman að lifa - fyrir suma. Og soleiðis formaður splæsir ekki ráðherrastólum undir gelgjugæsir, þvert á móti mun hann rífa slíka stóla undan rassgatinu á þeim og senda þær í helgarsamkvæmi hjá frú Ingveldi og Kolbeini manni hennar.


mbl.is Hefur ekkert á móti konum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Anna Sigríður Guðmundsdóttir

Jóhannes. Ég veit í raun ekkert um hvaða ferli þú ert að tala í þínum pistli.

Ég veit bara að ef Brynjar Níelsson getur staðið frammi fyrir mér, og fjölmiðlaða heiðarleikanum í sjálfum sér með sína verjanda-unglingaföðurlegu umhyggju, ja þá á hann von fyrir sjálfan sig.

Ef Brynjar Níelsson getur ekki fullyrt fyrir framan mig og aðra, án þess að blikka augum, að hann hafi alla tíð staðið með lögvörðum réttindum barnungra stúlkna og drengja á alþingi, þá á hann tæplega von á góðu gengi.

Ég hef mínar efasemdir um föðurlega vernd Brynjars Níelssonar á alþingi Íslands. Allir eru tjáningarfrelsis-skyldugir til að tala og lifa eftir sinni eigin réttlætanlegu og heilbrigðu gagnrýnihugsun.

Tíminn er framtíðarinnar farvegur upplýstra staðreynda og úrlausna fyrir alla.

M.b.kv.

Anna Sigríður Guðmundsdóttir, 8.1.2017 kl. 23:48

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband