Andviðskiptalegir höfuðórar Faðirvorsins

Það er sannarlega geðslegur félagsskapur þessi Lýsing og framúrskarandi kristilegur; sannkallað ljós í myrkri mannlegrar samkenndar og ljúfra viðhorfa. Á Lýsingarbænum gefa menn skít fyrir andviðskiptalega höfuðóra Faðirvorsins eins og ,,svo sem vér og fyrirgefum vorum skuldunautum" enda er Lýsingarselskapurinn framúrskarandi kristilegur eins og áður sagði. Ég geri fastlega ráð fyrir, að hugrakkir frjálshyggjukappar og bjarteygð heimdallsbörn gleðjist verulega, klappi höndum og stappi niður fótum af fölskvalausri ánægju, þegar þau frétta af því hvernig Lýsingarfélagar fara að því að láta höndur standa fram úr ermum, láta verkin tala, framkvæma lögmál og kenningar hinnar frjálshuga græðgi og strangs viðskiptasiðferðis. Ég býst ennfremur við, að ríkisrekni frjálshyggjuspámaðurinn við Háskóla Íslandi, leggi fjálglega útaf vel útfærðu menningarafreki Lýsingarmanna vestur á Rauðasandi í Vestur-Barðastrandarsýslu, við nemendur sína í vetur og geri þeim rækilega grein fyrir, að Rauðasandsmálið sé fram úr hófi fagur og lýsandi vitnisburður um skilvirkni og mýkt frjálshyggjuvélarinnar og að ekki dugi nein vatnsgrautarmiskunsemi við lamaða og fatlaða, láglaunafólk og aldraða.

Lamaður bóndi sviptur sérbúnum vélum

Athugasemdir

[Vilhjálmur Örn Vilhjálmsson, 30.8.2008 kl. 10:02]

Hvar hefur þú sannanir fyrir því að þessar náneglur séu kristnar? Mér sýnist Mammon vera guð þeirra. En Greinilegt er að lítilmennskan er enn í hávegum höfð á Íslandi.

En var Lýsing ekki einu sinni í eigu Landsbankans, þar sem í stjórn situr Kjartan slaufuskaufi Gunnarson, fóstbróðir og leikfélagi Davíðs Oddsonar. Hann er nágranni lama bóndans og hefur sölsað undir sig jarðir þarna á Rauðasandi. Ætli hann sé að reyna að ná jörðinni af Ástþór.

Exista á víst Lýsingu nú og Exista á líka 24% í Kaupþing Banka

Ætli gráðugu drengirnir ætli að nota traktorinn til að moka dölum bankahvelfingunni eins og Jóakim Önd eða er hallinn orðinn svona mikil í loftviðskiptum að menn eru orðnir harðir. Hvað sem það er er þetta léleg auglýsing fyrir græðgisliðið.

[Sigurður Þorsteinsson, 30.8.2008 kl. 10:55]

Hef í störfum mínum oft komið að því að aðstoða þá sem eru í greiðsluerfiðleikum. Oft hafa komið til aðilar til hjálpar sem hafa sameinast um að aðstoða þá sem minna mega sín. Það sem fór að vekja athygli mína var hversu þeir sem telja sig hvað lengst til vinstri, gengu langt í innheimtuaðgerðum sínum. Einnig hversu fáir þeirra voru tilbúnir til að rétta náunganum hjálparhönd þó þeir hefðu burði til. Trúi ekki öðru að að kommúnistinn úr Ólafsvíkinni taki sig til hjálpar manninnum.

[Níels A. Ársælsson., 30.8.2008 kl. 11:55]

Sigurður Þorsteinsson.

Jóhannes yrði sá fyrsti til hjálpar Ástþóri bónda ef hann ætti eitthvað aflögu.

Fáir þekkja betur aðstæður fátæka mannsins en Jóhannes Ragnarsson enda fyrverandi formaður Verkalýðs og sjómannafélags Snæfellsbæjar til fjölda ára.

Ég legg til að þú Sigurður minn hafir forgöngu í hópi manna og kvenna til aðstoðar Ástþóri bónda á Rauðasandi.

Erfiðar aðstæður bóndans eru ekki bara af fjárhagslegum toga.

[Villi Asgeirsson, 30.8.2008 kl. 12:02]

Hægri vinstri. Skiptir engu. Það er bara smá munur á því hvernig þeir vilja kúga lýðinn.

[Jóhannes Ragnarsson, 30.8.2008 kl. 12:29]

Það er hverju orði sannara, Vilhjálmur, að lítilmennskan er í hávegum höfð á Íslandi, því miður. Hvort Lýsingarkempurnar séu hrifnar af kenningum og framgöngu Jesú Krists, eins og þeim er lýst í guðspjöllunum, efast ég um, held reyndar að þeir fyrirlíti meistarann frá Nasaret eins og hvern annann fátækan og nægjusaman hippa. Afturámóti er Mammon þeirra faðir til himins og jarðar enda vegsama þeir hann og tilbiðja af öllu hjarta og gera allt sem í þeirra valdi stendur til að gera veg hans sem mestan í mannlegu samfélagi.

Hvað Sigurð Þorsteinsson varðar, má af orðum hans ráða, að hann bregði sér oft í hlutverk ,,miskunsama samverjans", sem er gott og blessað útaf fyrir sig. En hvert hann er að fara þegar hann segir, að ,,þeir sem telja sig hvað lengst til vinstri séu innheimtuglaðir og ófúsir að rétta náunganum hjálparhönd," er mér hulin ráðgáta. Mér finnst að Sigurður ætti að gera okkur þann greiða, að nafgreina einhverja af þessum meintu vinstrimönnum til að opinbera skömm þeirra. Geri hannþað ekki, lít ég svo á orð hans um þessa nafnlausu ,,vinstrimenn" séu með öllu innistæðulaus, bara venjulegur þvættingur til að draga umræðuna frá því sem er á dagskrá. En Sigurður þarf ekki að hafa áhyggjur af því kommúnistinn í Ólafsvík komi ekki bóndanum á Rauðasandi til hjálpar á einhvern hátt því það starf er þegar hafið.   

[Sigurður Þorsteinsson, 30.8.2008 kl. 18:27]

Sæll Niels

Það vill nú til að ég reyndi strax í dag að hafa  samband við Ástþór bónda á Rauðasandi, en hann er ekki í símaskrá, og þá óskaði ég eftir aðstoð að vestan til þess að geta náð sambandi við hann. Hef þegar haft samband við aðila sem vilja koma Ástþóri til aðstoðar til frambúðar og var því vel tekið.

Jóhannes. Ég tala nú bara almennt um reynslu mína af fjármálaráðgjöf sem er allnokkur. Hef oft sárnað aðför að þeim sem síst skildi. Þá hefur það komið mér á óvart að lögmenn á vinstri vægnum hafa síst verðið þeir sem hafa sýnt samúð. Ef þér dettur í hug að þeir verði nafngreindir sýnir þú mikið dómgreindarleysi. Hef heyrt þá kenningu að þeir sem eru lengst til vinstri og lengst til hægri séu í raun á mjög svipuðum stað, komnir hringinn. Held að það sé nokkuð til í því.

Meðal vina minna í VG eru menn sem mér finnst ég eiga fullkomlega samleið í pólitík, en líka innan Samfylkingar, Framsóknarflokks og Sjálfstæðisflokks. Íslendingar með kristin gildi, sem grunnhugsun. Finn nú ekki fyrir þeim anda í bloggi Jóhannesar.

[Jóhannes Ragnarsson, 30.8.2008 kl. 19:34]

Fyrst þú getur ekki nafngreint þessa harðdrægu ,,vinstrimenn" þína, Sigurður, sem eru víst allir lögmenn, lít ég svo á þeir eigi allir sem einn lögheimili á milli eyrnana á þér og hvergi annarsstaðar. Ennfremur læðist að mér sá grunur, að fyrirbærið sem þú kallar ,,kristin gildi sem grunnhugsun" eigi ef til vill ekki ýkja mikið skylt við kenningar litla sósíalistans frá Nasaret.