Ungir vinstrigrænir á pöbbarölti og róttækir eftir því

Það var aldrei að ungir vinstri grænir funduðu um helgina. Og ekki virðast ályktanir þeirra á fundinum vera af verri endanum:

,,Meðal ályktana fundarins er krafa Ungra vnstri grænna um að mynduð verði ,,þjóðstjórn (???!!!)" með aðkomu allra stjórnmálaflokka. Ríkisstjórnin undir forystu Gjeirs Haaarde sé rúin trausti þjóðarinnar og því sé þörf á nýjum forystumönnum."

 Með leyfi að spyrja: Hvaða bjargræði halda vinstrigrænu ungliðarnir að felist í þjóðstjórn? Ég get ekki betur sé, en að blessuð börnin séu fyrst og fremst að reyna með veikum mætti þjónusta Steingrím J. með svona kjánaályktun og sleikja sér dulítið upp við kálfana á honum í leiðinni. Og hvaða nýja forystufólk ætli ungliðarnir eigi við í ályktun sinni? Það væri fróðlegt að vita. Hafa þau kanske í huga ráðherrastól undir ópólitíska og óvinstrsinnaða rassinn á Katrínu Jakobsdóttur? Ég hélt að nú þegar gengdu nægilega mörg póltísk viðrini ráðherradómi og væri þar engan veginn á bætandi.

"Þá telja ungir vinstrigrænir að þeir harmi hvernig hin óhefti og ómannúðlegi heimskapítalismi skuli bitna á þeim sem síst skyldi ... ennfremur eru þeir þeirrar skoðunnar að einsýnt sé að dagar þessa óhefta heimskapítalisma séu senn taldir." 

Jahérna. Það verður gaman að sjá hina ungu vinstrigrænu stjórnvitringa kveða heimskapítalismann niður með þjóðstjórn. Annað hvort hafa krakkagemlingarnir verið draugfull, eða enginn fullorðinn verið nærstaddur þegar þeir settu þessa sérkennilega byltingarsinnuðu vitleysu niður á blað.

Ójá, það getur stundum verið gaman að lifa, meira að segja á tímum efnahagshruns, ekki síst þegar ungir ,,vinstriróttæklingar" sleppa fram af sér beislinu í leikaraskap.

Nýr formaður UVG

Athugasemdir

[Vésteinn Valgarðsson, 6.10.2008 kl. 17:04]

Já, hvað ætli þau meini? Ef "óheftur heimskapítalismi" er vandamálið, ætli megi skilja það svo að gamli, góði kapítalismi í einu landi sé frekar málið? Eða ég man ekki eftir að hafa séð uppástungur frá þeim um hagkerfi á öðrum forsendum en kapítalískum.