Leita í fréttum mbl.is

Axlar-Jón

Ósköp held ég axlirnar á honum Jóni okkar hérna Ásgeiri yrðu signar ef hann tæki alla ábyrgðina af eigin gjörðum á bakið. Ég hef bara enga trú á að strákanginn hafi nægilega sterkar axlir og hryggsúlu til að halda öllum þeim býsnum uppi; hann myndi ekki einusinni þola að taka eins og eitt akkeri af lúxussnekkju á áxlirnar, hvað þá meir.

En eitt gæti Jón Ásgeir þó gert sér til vegsauka, án þess að skaða stoðkerfi líkama síns, en það er að læra að skammast sín. Það gæti hugsast að einhverjir virtu það við þennan hraðskreiða hlaupastrák að hann sýndi eitthvað af sér sem líktist iðrun.


mbl.is Jón Ásgeir tekur dóma nærri sér
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Haukur Nikulásson

Jóhannes, hvers á hann að iðrast? Var það glæpur að stunda viðskipti eða var það glæpur að stunda mikil viðskipti?

Haukur Nikulásson, 29.12.2008 kl. 14:42

2 Smámynd: Jóhannes Ragnarsson

Það fer ekki á milli mála í mínum augum að miklir glæpir hafa verið framdir gagnvart alþýðu manna á Íslandi síðustu 15 - 20 árin. Það má vera að sumir þessara glæpa standist lög, en glæpir eru það engu að síður. Og þrátt fyrir að allt sé komið í kaldakol og ástandið eigi eftir að versna er engan bilbug að finna á hyskinu sem kom okkur í þetta klandur, hvað þá iðrun.

Jóhannes Ragnarsson, 29.12.2008 kl. 15:07

3 Smámynd: Haukur Nikulásson

Það er ekki hægt að gera neinar kröfur til þessara víkinga nema það standist lög því það eru einu leikreglurnar sem má víst nota. Ríkisstjórnin er hins vegar í þeirri stöðu að hafa misnotað Alþingi til að setja lög sem standast enga heilvita skoðun og eru ástæðan fyrir því að virðing okkar á alþjóðavettvangi hvarf á einni nóttu með tilheyrandi hryðjuverkalögum og allsherjar vantrausti.

Ég tel að þú sért að beina reiði þinni á ranga braut og ættir að huga að því hverjir skópu þennan vettvang fyrir auðmennina og völdu aukinheldur hverjir þeirra fengu ríkisfyrirtækin og bankana til varðveislu. Hver réði peningamálastefnunni og bjó til lagaumhverfið og eftirlitsstofnanirnar?

Ég er ekkert ánægðari en þú með stöðu mála, en tel Davíð Oddsson hafa ýtt á stóra sprengjuhnappinn sem öllu velti. Hann er ekki bara enn sitjandi á sínum stól heldur er hann maðurinn sem hefur að auki tekið við 828 milljóna dollar láni frá IMF og ráðstafar því upp á eigin spýtur í sama einræði og fyrrum. Geir hlýðir honum ennþá, af gömlum vana. Goggunarröðin breytist ekkert þótt titlarnir breytist.

Haukur Nikulásson, 29.12.2008 kl. 16:26

4 Smámynd: Jóhannes Ragnarsson

Ég lít þannig á, Haukur, að hinir seku séu ekki aðeins 20-30 fjármálamógúlar, eins og haldið hefur verið fram af sumum, heldur fjölmennur hópur fólks úr stjórnmála- og atvinnulífinu. Höfuðglæpurinn liggur í efnahagskerfinu sem þetta fólk kaus að starfa eftir.

Ég held líka, að við höfum ekki svo ólíka sýn á þessa hluti þegar upp er staðið. 

Jóhannes Ragnarsson, 29.12.2008 kl. 17:24

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband