Leita í fréttum mbl.is

Fallega tístir í tittlingaborg

davi.jpgherra3Nú kannast maður við íhaldsskítalyktina eins og hún angar fegurst á kosningarvori. Upp er runninn sú notalega stund að græðgisvæðingarhyskinu og brennuvörgunum þykir tímabært að reyna að hræða lýðinn til fylgis við sig með skattahækkunargrýlunni. Þessi sígilda baráttuaðferð ójafnaðarmanna og arðræningja sýnir svo ekki verður um villst hvaða álit skítseyðin hafa á vitsmunum háttvirtra kjósenda, - eða segir hún máske meira um sálrgáfur skítseyðanna sjálfra?

Ég er ansi hræddur um að Þorgerður Katrín og Kaupþingskallinn hennar viti mætavel að Steingrímur J. hefur einungis talað um að lítilegar skattahækkanir á hátekju- og stóreignafólk en jafnframt tekið skýrt fram í leiðinni að ekki standi til af hans hálfu að hækka skatta þeirra sem eru með tekjur undir 500 þúsund krónum á mánuði. En Þorgerður Katrín kýs að vera óheiðarleg og hagar málflutningi sínum í samræmi við það með innihaldslausum grýlusögum um Skattmann nokkurn, sem Sjálfstæðisflokkurinn og Repúblíkanaflokkur Georgs W. Bush segjast einlægt vera að berjast við. Já, það syngur fallega í tittlingaborg um þessar mundir.

Ef að skattar hækka á næsta fjárlagaári bið ég fólk vinsamlegast um að gleyma ekki að þakka Sjálfstæðisflokknum og frjálshyggjukapítalismanum fyrir þá skattahækkun. 


mbl.is Skattmann er mættur aftur
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ingibjörg Friðriksdóttir

Auðvitað þarf að hækka skatta, en það á að gera það á tekjur yfir 500.000,- og svo aftur við 800.000,- og enn og aftur við  milluna. 

Það þýðir ekkert fyrir stjórnvöld að ljúga því að það sé svo erfitt í framkvæmd.  það er bara einföld skipun í tölvunni sem ég get hjálpað þeim með ef þeir eru í vandræðum.

Svo geta þeir þakkað sér sjálfum bölvaðir bandittarnir.

Ingibjörg Friðriksdóttir, 28.3.2009 kl. 21:16

2 identicon

Komið þið sæl; Jóhannes og Ingibjörg, sem önnur, hér á síðu !

Jóhannes ! Væri einhver döngun; í Kommúnistanum Steingrími, væri fyrir löngu búið, að núll stilla helvítis hagkerfið, og taka á þessum andskotans rumpulýð, hver kom öllu hér niður, 

En; það er, sama óræktin, í vinstra hyskinu - sem miðju moðinu, svo sem, gott fólk.

Við; raunverulegir hægrimenn, yrðum snöggir til, að rykhreinsa helvítis eitur klefana, á innan við viku, gæti ég trúað.

No. 1 - 2 og 3, yrði, að selja glerverksmiðjum landsins, allt efnið úr Kauphöll Dala- Þórðar, og afmynstra Bessastaða ábúandann og Byskups tetrið, núverandi.

Af nægu er að taka - yrðu réttir menn fengnir, til að bretta upp ermar, gott fólk !!!

Með beztu kveðjum; út undir Enni vestur - sem víðar /

Óskar Helgi Helgason     

Óskar Helgi Helgason (IP-tala skráð) 28.3.2009 kl. 22:13

3 Smámynd: Ingibjörg Friðriksdóttir

Við Jóhannes erum nú ekki hjón herra Óskar Helgi Helgason, en vil nota þetta tækifæri til að þakka það Drottni alsherjar að til eru fá eintök af þér.

Ingibjörg Friðriksdóttir, 28.3.2009 kl. 22:27

4 identicon

Komið þið sæl; sem fyrr !

Nei; frú Ingibjörg. Ég hugði ykkur Jóhannes ei hjón vera, fjarri því, enda, Jóhannes búinn að vera spjallvinur minn, um nokkra hríð, og við spjallað saman, símleiðis, meira að segja.

Verð þó; að þakka þér, hreinskilnina, í andsvari þínu - hvar helzt megi lesa út úr, að allt sé bara, í stakasta lagi, hér á Fróni, og litlu þurfi að breyta, til batnaðar.

Þið eruð; eitraðar plöntur - kratarnir - á akri Drottins allsherjar, frú Ingbjörg Friðríksdóttir - eins og framganga Samfylkingar nöfnu þinnar vottfestir - dægrin löng, því miður.

Með; hinum beztu kveðjum samt, sem þeim fyrri /

Óskar Helgi Helgason   

Óskar Helgi Helgason (IP-tala skráð) 28.3.2009 kl. 22:44

5 Smámynd: Ingibjörg Friðriksdóttir

Satt segir þú, ég er frú. Því einu sinni frú, alltaf frú. Þar sem ég er mikill jafnaðarmaður án þess þó að vera kommúnisti, þá hlýt ég að gleðjast yfir því að sótsvörtum kapitalistum fer fækkandi. Það á ekkert við um þína persónu, ´því eins og ég segi oft við nemendur mína „ Það ert ekki þú sem ég er ósátt við, heldur það sem þú segir“

Ér að spekulera hvort Jóhannes sé að glápa á sjónvarpið núna?

Ingibjörg Friðriksdóttir, 28.3.2009 kl. 22:54

6 Smámynd: Jóhannes Ragnarsson

Ég horfði á sjónvarpið eftir hádegi í dag - og sofnaði í miðjum þætti um reikistjörnuna Satúrnus; lét mig bara dreyma það sem uppá vantaði.

Jóhannes Ragnarsson, 28.3.2009 kl. 23:30

7 identicon

Komið þið sæl; sem fyrr !

Um leið; og ég vil þakka frú Ingibjörgu, einarðleg svör - sem hreinskiptin, hlýt ég, að veita þér ákúrur nokkrar; Jóhannes minn, fyrir að hafa sofnað, yfir jafn áhugaverðu efni, en,...... jú, við erum víst, flest,, mannleg, þá á reynir, gott fólk.

En; efnilegur Astrologicus (stjarnfræðingur - svo latínu sé slett), kynnir þú að verða, með áframhaldandi góðri ástundun, Jóhannes minn.

Með hinum beztu kveðjum; sem oftar og fyrri /

Óskar Helgi Helgason   

Óskar Helgi Helgason (IP-tala skráð) 28.3.2009 kl. 23:52

8 identicon

Komið þið sæl; enn á ný !

Ágúst minn Valves ! Rétt mun það vera; af þinni eykt og ályktunum öllum, að við fórum; ögn, út fyrir rammann, svo sem.

En; farðu betur yfir, texta minn, í upphafi - og sjá; þú munt taka undir hvert, orða minna, við nánari athugun, ágæti drengur.

Með hinum beztu kveðjum; sem ætíð /

Óskar Helgi Helgason   

Óskar Helgi Helgason (IP-tala skráð) 29.3.2009 kl. 00:32

9 identicon

Sæl; enn !

Sveinn Elías ! Ert þú ekki; að misskilja mig, mögulega ?

Að sjálfsögðu; tilheyrir Sjálfstæðisflokkurinn, helvítis miðju moðinu, ágæti drengur. Það erum við; raunverulegir - harðhentir og skjótráðir þjóðernissinnar, hverjir höfum réttinn okkar megin, til að teljast; raunverulega, til HÆGRI Sveinn minn.

Bla bla bla; hyskið (D - B - S og VG ingar - man ekki; helvítis bókstafinn þeirra), á ekki, að komast upp með, að svívirða, öllu meir : land og fólk og fénað, svo öllum megi ljóst vera, Sveinn  Elías !!!  

Með enn betri kveðjum - líka, sem áður /

Óskar Helgi Helgason 

Óskar Helgi Helgason (IP-tala skráð) 29.3.2009 kl. 01:51

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband