Leita í fréttum mbl.is

Sprotafyrirtækjum eytt

AlkiÞað er í meira lagi dapurlegt að verða vitni að því að hið opinbera skuli drepa góð sprotafyrirtæki niður af fullri hörku jafnóðum og þau eru að komast á legg. Það er engum vafa undirorpið að íslendingar verða að gera allt til að koma hjólum atvinnu- og efnahagslífs í gang aftur, í því tilliti jaðrar aðförin að kannabisbændum við glæp; fjöldi manns missir vinnuna og efnahagslífið fær ekki það súrefni sem það þarfnast. Virtur hagfræðingur sagði í lærðum fyrirlestri á dögunum, að fátt virkaði betur á krepputímum en að reykja sig útúr vandanum af innanlandsræktuðu maríjúana. Fólki yrði glatt í geði af slíkum reykingum, rólegt og yfirvegað, gæfi skít í kreppukjaftæði og myndi þannig á örskömmum tíma vinna þjóðina alla útúr hinu kókaníníska efnahagshruni sem allt væri að sliga um þessar mundir.

Það er því ekki seinna vænna að lögreglan skili kannabisbændum afurðum þeirra strax svo hægt sé að hefjast handa svo um munar. 


mbl.is 32 kannabisræktanir stöðvaðar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Björn Magnús Stefánsson

Hvað ert þú að reykja spyr ég bara?

Björn Magnús Stefánsson, 19.4.2009 kl. 23:46

2 Smámynd: Björn Halldór Björnsson

Löggan á ekkert að skila góssinu, réttast væri að ríkið seldi þetta sjálft. Allavega til apótekanna til að byrja með, svo niður á hinu ríkisrekna spilavíti framtíðarinnar.

Björn Halldór Björnsson, 20.4.2009 kl. 01:02

3 Smámynd: Jóhannes Ragnarsson

Björn Magnús spyr hvað ég sé að reykja. Því er til að svara, að ég reyki eingöngu rauðan Winston.

Jóhannes Ragnarsson, 20.4.2009 kl. 12:21

4 Smámynd: Ingibjörg Friðriksdóttir

Ríkisvaldið er svo tvískinnugt.  Styrkir sprotafyrirtæki í orði en ekki á borði.

Við ættum kannski að fá okkur í haus?  Eða í pípu, man ekki hvernig þetta er orðað.  Ég reykti nú líka Winston á sínum tíma en var ekki Chesterfield góð tegund'

Ingibjörg Friðriksdóttir, 21.4.2009 kl. 21:25

5 Smámynd: Jóhannes Ragnarsson

Jú mér skilst að fólk fái sér í haus og fötu, og stundum jónu, sem er mun tíkarlegra.

Gömlu filterlausu sígarettutegundirnar voru hverri annarri betri, eða kanske allrar jafn góðar; Chesterfield, Wings, Roy, Raleigh, Pall Mall og Camel, og svo sterkar að fólk af kókópuffskynslóðinni mynda detta í rot af fáeinum smókum af þessháttar eðaltóbaki. Að ganga um með eina Camel í munnvikinu í gamla daga jafngilti yfirlýsingu um að viðkomandi væri karl í krapinu sem engin kona væri svikin af að fari uppí hjá.

Guð gefi oss gömlu dagana aftur með Elvis Presley, Bítlunum, Kinks, Hljómsveit Ingimars Eydal, ásamt filterlausum vindlingum, hvannarótarbrennivíni og sveitaböllum.

Jóhannes Ragnarsson, 21.4.2009 kl. 22:17

6 Smámynd: Ingibjörg Friðriksdóttir

Hvað ertu eiginlega gamall Jóhannes.  Manstu kannski líka eftir dönsku Elefant sígarettunum?

Ingibjörg Friðriksdóttir, 21.4.2009 kl. 22:28

7 Smámynd: Jóhannes Ragnarsson

Nei, en ég man eftir því danska Elefant öli, sem var svo mörg prósent að menn urðu óvinnufærir eftir eina flösku og meðvitundarlausir eftir þrjár.

Gamall er ég ekki, öðru nær. Ég verð 27 ára í næsta mánuði.

Jóhannes Ragnarsson, 21.4.2009 kl. 22:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband