Leita í fréttum mbl.is

Jómfrú Íslands er framtíðin

jomfru2.jpgAumingja blessað barnið að vera kjörin ungfrú Ísland, og ekki nema átján ára; það er varla hægt að hugsa sér stærra ólán. Svo halda þeir ,,fullorðnu" áfram að spila með hana, eins og gert er við nýliða til sjós, þangað til að þeir fá leið á henni og kjósa sér aðra ungfrú Ísland. Og foreldrar barnsins, hvernig taka þeir þessum ósóma? Varla með húrrahrópum og stríðshoppi?

Það er mín bjargföst meining að það eigi að leggja leikinn Ungfrú Ísland niður, en aka þess í stað upp keppnina Jómfrú Íslands. Það væri bæði kristilegt og uppbyggilegt. Jómfrú Íslands yrði strax afar virðingar- og eftirsóknarverð nafnbót fyrir ungar konur og hefði í för með sér að skírlífi kæmist í tísku. Eina skilyrðið fyrir þátttöku í slíkri keppni væri að vera 100% jómfrú með vottorð þess efnis frá lækni uppá vasann. Að vera kjörin Jómfrú Íslands fæli í sér mikla möguleika uppá framtíðina fyrir viðkomandi. Þessháttar konur kæmu til með að verða mjög eftirsóttar í skólastjórastöður og á framboðslista Sjálfstæðisflokksins, svo fátt eitt sé nefnt. Og ekki þarf að efa, að foreldrar yrðu mjög stoltir og upp með sér af dætrum sínum sem tækju þátt í keppninni Jómfrú Íslands.   


mbl.is Guðrún Dögg valin Ungfrú Ísland
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Hörður Halldórsson

Ég er hissa á að þessi vitleysiskeppni skuli enn vera við lýði.Margt skemmtilegra í boði fyrir krakkana eins og  t.d. Idol eða  Skólahreysti  eða spurningakeppnir  .Hélt að þessi keppni myndi daga uppi eins og nátttröll.

Hörður Halldórsson, 23.5.2009 kl. 08:03

2 Smámynd: Jóhannes Ragnarsson

Verðum við ekki að vona að þessi heimskupör séu í þann veginn að leggjast af?

Jóhannes Ragnarsson, 23.5.2009 kl. 08:07

3 identicon

Ég held að það sé ansi takmarkaður áhugi fyrir þessum keppnum. Góður pistill hjá þér.

kveðja Rafn.

Rafn Haraldur Sigurðsson (IP-tala skráð) 23.5.2009 kl. 08:23

4 Smámynd: Ingibjörg Friðriksdóttir

Hvað er þetta, finnst ykkur ekki gaman að svona kroppasýningu.  Ég hef séð margar kynbótasýningar og ég verð að segja það að þessar örmjóu stelpur sem sýndu sig og sáu aðra í gær voru nú þokkalega laglegar án þess að maður gripi andann á lofti.

Karlinn minn er sennilega hommi, því hann hafði nákvæmlega engan áhuga á því að sjá þessar föngulegu dömur, en ég að sama skapi obbulítil lessa, þar sem ég hafði á þessu mikinn áhuga og er búin að skrifa á ísskápinn minn.  Ekkert sætt, ekkert grill, ekkert gott og sjá þú munt verða mjóna ársins og vinna í fegurðarsamkeppni eldri borgara á næsta ári.

Ingibjörg Friðriksdóttir, 23.5.2009 kl. 11:43

5 Smámynd: Jóhannes Ragnarsson

Miðað við lýsinguna er hann örugglega hommi.

Jóhannes Ragnarsson, 23.5.2009 kl. 14:46

6 Smámynd: Ingibjörg Friðriksdóttir

Jebb!

Ingibjörg Friðriksdóttir, 23.5.2009 kl. 15:16

7 Smámynd: Guðmundur Orri Annýjarson

Ok, nei.. Það er afar sjaldan sem ég læt mig hafa það að registera bara til að tjá mig en þetta er OF kjánalegt.

Foreldrar hennar eru eflaust ákaflega stoltir af dóttur sinni sem er kjörin fegursta stúlka landsins! Ég veit að ég yrði það.

Og leið á henni? Það er kosin ný á hverju ári, hefur alltaf verið þannig síðan þessi keppni byrjaði.

Blessaður vinkastu nú bara við Gunna í krossinum og þá getið þið farið í þykjustuleik eins og ykkur hentar, þ.e.a.s að ykkar skoðannir nái eitthvað áleiðis.

Guðmundur Orri Annýjarson, 23.5.2009 kl. 15:34

8 Smámynd: Jón Ragnar Jónsson

þið eruð án efa öll sorglegasta lið sem ég hef nokkurn tíma séð til, þið vitið ekkert í ykkar litla heimska feministahaus, prufið að missa ykkar mey- og sveindóma og commentið svo !!

Jón Ragnar Jónsson, 25.5.2009 kl. 21:12

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband