Leita í fréttum mbl.is

Það verður stríð ef eineltinu linnir ekki

Einkathotur-rikisstj-geir_1152654354Það er með eindæmum hvað helvískum dönunum er umhugað að koma óorði á íslendinga. Við munum öll þegar þessi gerpi réðust eins og hýenur að íslenskum fjáraflamönnum og íslensku efnahagslífi með fáheyrðu orðbragði um sjónhverfingar, spilingu og yfirvofandi hrun. Þá vildi svo vel til að við höfðum einörð stjórnvöld og grandvör, sem brugðust við dónaskap dananna með því að senda Gjeir forsætisráðherra og skörunginn Ingibjörgu Sólrúnu á vettvang til að skakka leikinn og troða lygum dana óþvegnum ofan í kokið á þeim.

En illgjörnum dönum er ekkert heilagt þegar Ísland og íslendingar eiga í hlut. Nú ráðast þeir af heift á íslenska ferðakonu og bera henni á brýn að hafa í fórum sínum eiturlyf í föstu og blautu formi. Auðvitað er þessi áburður á konuna helber lýgi, það segir sig sjálft. Við þessum tíðindum verða stjórnvöld að bregðast, eki síðar en í dag. Nú verður Jóanna að gjöra svo vel að taka Steingrím J. með sér til Danmerkur og freista þess að frelsa konuna og troða aðdróttunum dana í hennar garð oní rassgat á þeim. 

En eitt er víst: Ef einelti dana á hendur okkur linnir ekki verðum við að leita hefnda. Í því sambandi liggur beinast við að taka Færeyjar af dönum, með vopnavaldi ef ekki vill betur. Það verður stríð. Meira segi ég ekki.


mbl.is Stöðvuð í Billund
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Níels A. Ársælsson.

Við erum vön að kljást við Dani eins og neðangreind frásögn bera með sér.

 Ekki skal standa á mér að láta Dani liggja í því !

Þótt þeir hafi skilað handritunum þá afsakar það ekkert framkomu þeirra við þessa blásaklausu stúlku kind.

Eini Daninn, sem eftir lifði af þeim sem fóru ránsförina í Viðey í fyrravor, Jóakim að nafni, hefur verið ráðin af dögum.

Anno Reykjavík 1540.

Maður þessi hugðist hafa vetursetu á Ásláksstöðum á Vatnsleysuströnd. Menn úr klaustrinu í Viðey fóru á skipi suður á Nes til útróðra á vertíð.

Lentu þeir skipi sínu í Vatnsleysu og gengu þaðan um nótt til Ásláksstaða, tóku hús á Jóakim og drápu hann.

Níels A. Ársælsson., 30.8.2009 kl. 15:22

2 Smámynd: Jóhannes Ragnarsson

 Ákkúrat. Þeir kunnu, gömlu mennirnir, að taka á dönum eins og þeir áttu skilið.

Jóhannes Ragnarsson, 30.8.2009 kl. 15:47

3 Smámynd: Guðrún Þóra Hjaltadóttir

Já Tökum Færeyjar og það sem fyrst, eru þeir ekki þeir einu sem vilja gera eitthvað fyrir okkur.

Guðrún Þóra Hjaltadóttir, 30.8.2009 kl. 23:19

4 Smámynd: Jóhannes Ragnarsson

Sko, þegar aminnilegar þjóðir, vandar að virðingu sinni, lenda í kreppu og niðurlægingu setja þær umsvifalaust út stríð með landvinninga að markmiði. Ekkert er eins hollt og hressandi fyrir þjóðarsálina, stolt hennar og sjálfsvirðingu.

Jóhannes Ragnarsson, 30.8.2009 kl. 23:30

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband