Leita í fréttum mbl.is

Bóndi er bústólpi og bú er landstólpi

finnur2.jpgÞetta kallað maður nú Bændur, með stórum staf. Og víst voru og eru kammeratarnir Hreiðar Már og Sigurður Einarsson Bústólpar eins og góðum bændum ber að vera. En mikið helvíti held ég þeir þurfi að hafa margar rollur til að bú þeirra standi undir afborgunum af japönsku jenunum. Ég er hreint ekki viss um að 500.000 ær gerðu betur en að halda búskap þeirra félaga á núllinu. Hinsvegar ber þess að geta, að Hreiðar Már og Sigurður eru vaskir húskarla Framsóknamaddömunnar góðkunnu og svoleiðis menn eru vísir til að gera a.m.k. eitt kraftaverk á dag þrátt fyrir ellihrumleika maddömunnar hálfsáluðu.

Nú veit ég ekki hvort gullbændurnir á Mýrum hafa nægilegan húsakost fyrir hálfa milljón sauðfjár, sem er nauðsynlegt svo skepnurnar frjósi ekki í hel í frosthörkunum í vetur. En hvað um það, þá væri þeim ærhúsum betur ráðstafað undir fangageymslur fyrir bersynduga peningakarla og kerlingar auk stjórnmálamanna af sama kalíberi.


mbl.is Skulda milljarð út á jarðakaup
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

þetta eru viðkvæmar uplýsingar sem falla undir bankaleynd-og Finnur kúlulánþegi getur ekki rætt um málefni "einstakra viðskiptavina"----púff,málið dautt.........

zappa (IP-tala skráð) 7.11.2009 kl. 13:01

2 Smámynd: Jóhannes Ragnarsson

Ójá. Steindautt.

Jóhannes Ragnarsson, 7.11.2009 kl. 13:03

3 Smámynd: Sigurður Haraldsson

Ekkert íslenskt fé getur staðið undir þessum skuldbindingum því miður. Stofninn er ekki nógu harðgerður.

Sigurður Haraldsson, 7.11.2009 kl. 20:50

4 Smámynd: Árni Gunnarsson

Pétur Blöndal hefur gert tilboð í kotin. Hann hyggst nýta húsakostinn fyrir allt það fé sem enn er án hirðis.

Árni Gunnarsson, 7.11.2009 kl. 21:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband