Konur ærast allar saman, öskra og veina: gaman, gaman!

Það var mikið að þessir andskotar drulluðust til að brugga nothæft víagra fyrir kerlingar. Þessi mikli sigur sigur vísindana í þágu holdsins er afskaplega tímabær, eða eins og gamla skrukkan sagði: oft var þörf en nú er nauðsyn. Og ekki er að efa að víða verður kátt í höllinni þegar bæði húsbóndinn og húsmóðirin verða komin á freyðandi víagratripp og flogin á vængjum fryggðarinnar uppum loft og veggi, inní fataskáp og þaðan útí blómabeð.

Annars vissi ég í gamla daga um vafasaman kallskarf, sem kunni að sjóða saman hörkukrassandi graðmeðal úr einhverjum jurtum og fuglaskít. Þetta líka fína meðal byrlaði karlinn andvaralausum konum útí áfengi. Sem betur fer kom þessi iðja karlsins honum í koll um síðir, því síðasta fórnarlamb hans af kvenkyni reið honum svo gjörsamlega af fullu að hann var borin til hinstu hvílu viku síðar. Og gálan var svo ósvífin að fylgja honum til grafar hágrátandi eins og Drottinn sjálfur hefði farist af slysförum. Það er einhver skrautlegasta útför sem haldin hefur verið á norðurhjara heims.

„Viagra fyrir konur“ væntanlegt

Athugasemdir

[Kama Sutra, 20.11.2009 kl. 22:30]

Það er svo gaman, að vera saman ... í bólinu.  Tralalalala...

Núna er orðið enn meira gaman að vera kelling.