Leita í fréttum mbl.is

Landsölurakkar og hlandaular veitast að Jóni Bjarnasyni

oss.jpgÞað er ósköp auðvelt að taka undir hvert orð, sem haft er eftir Jóni Bjarnasyni í þessari frétt mbl.is og allir, sem á annað borð hafa eitthvað meira en marglyttuhristing milli eyrnanna, vita innst inni að Jón metur stöðuna rétt og þar af leiðandi séu orð hann sönn eins og dagur fylgir nótt.

Það er því ansi hlálegt, að ég ekki segi, hlandaulalegt, þegar menn , eins og nokkrir þeirra sem komentuðu á þessa frétt á undan mér, hefja upp hjáróma raust sína í stíl landsölumanna og vanmetagemlinga. Rök þessara manna gegn Jóni og málflutningi hans eru helst þau, að hann sé gamall og leiðinlegur afdalakarl í torfbyrgi, sem enginn nenni að hlusta á og eigi að hætta að bulla. Ekkert sé að marka skoðanakannanir um ESB, og Íslendingar hafi einskis að tapa við inngöngu í ESB því hér sé ekkert nema fiskur.

Það er á hinum hlálegu hlandaulum og landsölurökkum að skilja, að ef einhver andmælir inngöngu Íslands í ESB, sé hann sjálfkrafa, a.m.k. í augum ESB-sinna, ævaforn afturhaldsdurgur til heimilis í torfbyrgi langt frammi í Rugludal og á slíka menn eigi enginn að hlusta því þeir séu svo leiðinlegir bullarar.

Málflutningur landsöluseppana miðast að sjálfsögðu við, að þeirra málstaður sé alfarið á öndverðum meiði við málstað andstæðinganna, þ.e. frámunalega framsækinn, skemmtilegur, 101-legur og búi í höllum með gullklósettum og asísku þjónustuliði. 

eudajpk.pngMegi þjóð vor halda jafnaðargeði gagnvart spjátrungum ESB-trúboðsins og takist að lokum að hreinsa þá útaf borðinu eins og hvern annan flugnaskít. 


mbl.is Betur sett utan ESB
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Björn Birgisson

Snyrtilegt, yfirvegað og kurteislegt orðbragð - að vanda.

Björn Birgisson, 26.11.2009 kl. 21:00

2 Smámynd: Eiður Svanberg Guðnason

Honum bregst aldrei kurteisin og  hógværðin í orðavali er aðdáanleg.

Eiður Svanberg Guðnason, 26.11.2009 kl. 21:27

3 Smámynd: Ásthildur Cesil Þórðardóttir

ég er alveg sammála inntakinu í málflutningi þínum, þó ég orði þetta penar en þú Jóhannes minn.  En samlíkingin við 101 og einnig 2007 er alveg hárrétt. 

Ásthildur Cesil Þórðardóttir, 26.11.2009 kl. 21:28

4 Smámynd: Jóhannes Ragnarsson

Ég þakka ykkur hlý orð í minn garð. Þau eru svo sannarlega uppörfandi.

Jóhannes Ragnarsson, 26.11.2009 kl. 22:17

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband