Leita í fréttum mbl.is

Bloggfærslur mánaðarins, nóvember 2007

Blautt barn - betra barn

Ójá, þeim þykir gaman að djúsa krakkagreyjunum. Þó er bót í máli, að þau drekka heilmikið af bjór og léttvíni, sem enginn verður fullur af. Svo er komið á markaðinn óáfengt brennivín, sem er ekki bara sérdeilis góður drykkur fyrir ölkær börn, heldur bindindisöm líka. Og fyrst að ástandið er svona gott í drykkjuskapsmálum barna og unglinga, er ekki eftir neinu að bíða með að leggja ÁTVR niður og hefja sölu á áfengi í öllum almennum verslunum sem það vilja. Þá þarf að styrkja stöðu víngerðarmanna, sem stunda iðn sína í bílskúrum heima hjá sér, svo að þeir geti selt viðskiptavinum sínum í yngri kantinum góða og vandaða vöru, svo sem óáfengan landa sem kætir barnsálina meir en orð fá lýst. Svo skulum við öll muna heilræðið góða: Blautt barn - betra barn.  
mbl.is Áfengisneysla framhaldskólanema áhyggjuefni
Tilkynna um óviðeigandi tengingu við frétt

Repúblíkani svívirðir hund

Ég efast ekki um að margir hafi rekið upp stór augu þegar þeir lásu fréttina um manngarminn í Arizona sem ku hafa þröngvað hundi til samræðis við sig. Látum vera ef vesalingurinn hefði fengið tík á lóðaríi til við sig, en því var víst aldeilis ekki að heilsa í þessu tilviki.  En nei ónei, það var sómakær og stoltur hundur sem fékk að kenna á dýrslegum hvötum þessa bandaríska repúblíka, sem ekki vill verða forseta sínum til skammar. Nú er bara að leggjast á bæn og biðja þess af öllu hjartanu og öllum huganum, að íslenskir repúblíkanar api þetta óþverrabragð ekki upp eftir þjáningarbróður þeirra í Ameríku, eins og annað óviðurkvæmilegt háttarlag.   
mbl.is Grunaður um að hafa nauðgað hundi
Tilkynna um óviðeigandi tengingu við frétt

Frú Ingibjörg konferensráð segir ...

Ég verð að segja, að mér finnst konferensráð alveg upplagt orð yfir fyrirbrigðið sem hingað til hefur verið kallað ráðherra. Á miðloftinu í Brekkukoti var til húsa Runólfur Jónsson, sem tæmdi mönnum hlandforir, en var af ætt eins mest konferensráðs sem verið hefur á landi hér. Jón sálugi Hogensen frá Helgafelli, síðast búsettur í Brekkukoti, ásamt Runólfi, var konferensráð að upplagi og í hátt, talaði alltaf eins fornmaður við annann fornmann og var auk þess blindur eins og títt er með ráðherra. Annars held ég að orðið ,,stengjabrúða" komi vel til greina því það er þjált orð og gegnsætt og lýsir afbragðsvel stafsháttum ráðherra. Sjáið þið ekki fyrir ykkur fyrirsagnir baða sem upphæfust á þessa leið: Ingibjörg Sólrún Gísladóttir konferensráð segir ...

Kolbrún Halldórsdóttir snillingur og mannvitsbrekka hefur stungið upp á erindreka í stað ráðherra og vitnar þar til ömmu dreka úr bókum Guðrúnar Helgadóttur. Þetta er afar seinheppin uppástunga af hálfu Kolbrúnar, en Guðrúnu Helgadóttur var á sínum tíma fórnað af valdaelítu VG fyrir Kolbrúnu, en það var einmitt upphafið að ógæfu VG og úrkynjun.


mbl.is Ráðvera, konferensráð eða erindreki?
Tilkynna um óviðeigandi tengingu við frétt

Marglyttuger heimsækir LÍÚ

Það væri þriflegur andskoti ef þetta sama marglyttuger leggði lykkju á leið sína og heiðraði Aðalfund LÍÚ með álíka heimsókn og í laxeldiskvíarnar á Norður-Írlandi og skildi alla sægreifa- og kvótafíklahjörðina eftir í lágréttu ástandi að heimsókn lokinni. Ef slíkt gerðist í raun og veru, er viðbúið að færi að hitna í kolunum svo um munaði og víða yrði glatt á hjalla.
mbl.is Marglyttur drápu allan eldislaxinn á Norður-Írlandi
Tilkynna um óviðeigandi tengingu við frétt

Geldingar í Geldingarnesi

Sem gamall sjómaður veit ég að það er óskemmtilegt að vera um borð í vélarvana báti, jafvel þó umrædd fleyta sé skemmtibátur og til enn meiri ánægjuauka óskráður. Hinsvegar er ég gjörsamlega hlandskuðarmát þegar kemur að þessu Geldingarnesi. Af hverju heitir Geldingarnes, Geldingarnes? Má vera, að á nesi þessu hafi geldingar verið um hönd hafðar einhvertímann í fyrndinni? Ef svo hefir verið, hverjir voru geltir og hvers vegna? Og enn fremur: Er hugsanlegt að enn þann dag í dag séu framkvæmdar geldingar á þessu andskotans nesi? Nú, ef geldingar eru aflagðar á nesinu, er þá ekki tilvalið að upphefja slík þjóðþrifaverk þar á nýjan leik? Nóg er víst af helvítis perertunum sem þurfa bráðnauðsynlega á þessháttar afgreiðslu að halda. Mér sýnist, að nú sé komið að góðgjörnu og drífandi fólki, að gera með sér samtök um að hefja Geldingarnes á ný til vegs og virðingar svo það fái risið undir nafni, almenningi til hamingju og heilla.
mbl.is Bátur vélarvana við Geldingarnes
Tilkynna um óviðeigandi tengingu við frétt

Stóri-Brandur fær framsóknartitt

Mikið er nú gleðilegt, að litli bráðfeiti hlandkoppurinn í Kaupþingi fái að taka sæti í Stóra-Brandi í janúar. Ég er alveg handviss um, að landar Bör Börsson í Stóra-Brandi, taka vel á móti litla framsóknarprinsinum sem er svo undur duglegur, vænn og í góðri þénustu. Síðast en ekki síst, er mikill fengur fyrir Stóra-Brand að fá inn á gafl til sín fulltrúa íslenskra loftbólu-skítabattería í ,,útrás." 
mbl.is Sigurður tekur sæti í stjórn Storebrand
Tilkynna um óviðeigandi tengingu við frétt

Ný-frjálshyggjan er tillitslaus og grimm enda er hún fasismi á kjólfötum

Hún er ekki beinlínis geðsleg fréttin af atvinnurekandanum, sem reyndi í gær að koma í veg fyrir að starfsmenn hans sætu fund í stéttarfélagi sínu. Hvað er það sem rekur menn til slíkra gjörða? Það væri fróðlegt að fá svar við því. Getur verið að þarna sé á ferðinni lítið brot af græðgisvæðingunni sem stjórnvöldum síðustu ára hefur tekist að innleiða á Íslandi? Ég hef grun um að svo sé.

Það er ljóst að græðgisvæðing, með öðrum orðum, óheftur kapítalismi, hefur mjög slæm áhrif á innviði hvers þjóðfélags enda tillitslaus og grimm. Það hefur stundum verið sagt, að svokölluð ný-frjálshyggja sé fasismi á kjólfötum, og er áreiðanlega mikið til í því. Því undir skartklæðnaði ný-frjálhyggjunnar lifir og dafnar sá óskapnaður sem svelgir í sig hvað sem fyrir verður og passar uppá að sparka í allt og alla sem höllum fæti stendur eða liggur í götunni.

Ný-frjálshyggjan er mikil óláns og óþverrastefna í þjóðfélagsmálum, sem ber að berjast gegn með öllum tiltækum ráðum. Því miður hefur verkalýðshreyfingunni ekki borið gæfa til að taka á móti ný-frjálshyggjuni með þeim hætti sem hún á skilið, hvað þá að kæfa hana í fæðingu eins og æskilegast hefði verið.

Og við höfum því miður ekki heldur haft stjórnmálaflokk, eða flokka, sem hafa nægilega dýpt og nægilega skýra hugsun, hvað þá hugsjónir, til að berjast af árangri gegn þjóðfélagskemmandi stjórnmálastefnu ný-frjálshyggjunar, sem Sjálfstæðisflokkurinn hefur gert að sínu heilögu guðsorði um árabil.  


mbl.is Upphlaup á félagsfundi hjá félagi vélstjóra og málmtæknimanna
Tilkynna um óviðeigandi tengingu við frétt

Fémmafraukur boða hvorugkyns ráðherra !!!

Það er ekki á yfirstéttarfémínístana logið með ruglið og heimskuna sem þeim dettur í hug að bera á borð. Eitt af eftirlætis stórmálum þessara endema, er krafa þeirra um breytta málhefð varðandi heiti á störfum sem flokkast undir tignarstöður að þeirra mati. Karlkynsorðið ,,ráðherra" er að sjálfsögðu ótækt samkvæmt yfirfémínískri málfræði. En því miður standa hinar háttvirtu fémmafraukur ráðþrota gagnvart hinu viðbjóðslega orði ,,ráðherra" því þær geta með engu móti þýtt það yfir á fémínísku svo vel sé; meira að segja hin stórgáfaða Steinunn Valdís hefur nú koxað opinberlega á að snara ,,ráðherranum" til kvenkyns og biðlar nú í ofboði til Íslenskrar málnefndar og heimspekideild Háskóla Íslands að finna nú fyrir sig gott orð af hvorugkyni yfir ráðherraskrattann.
mbl.is Vill nýtt starfsheiti fyrir ráðherra
Tilkynna um óviðeigandi tengingu við frétt

Hr. Ó. H. Stones sækir ekki um - því miður

Það er naumast mannvalið, sem sækir um embætti ríkissaksóknara, og er það vel því að í stóli ríkissaksóknara eiga aldrei að sitja aðrir en sléttpússaðar persónur, lausar við svitalykt og alþýðuskap.  Persónulega vil ég eindregið sjá skrípakallinn Guðjón Ólaf Framsóknarmann fá bittlinginn því hann er tvímælalaust fremstur þeirra sem sækja um. Svo er þarna einn sem gæti gengið af því að henn er með göfugt og fínt ættarnafn. Í hópnum er líka ágætur kvenpéníngur, sem ég þykist vita að yfirstéttarfémínístarnir í VG munu berjast fyrir eins og grenjandi ljón. En þó verður að segjast eins og er, að allra allra-besti kosturinn í hið stórbrotna embætti, sækir ekki um. Út frá sjónarmiðum þjóðarsóma og þjóðaræru, er það mikill skaði og hryggilegur, að stjörnusýslumaðurinn Ólávur Helgi Stones skuli ekki falast eftir að verða eftirmaður hr. Nilsson því hann hefir sannað með glæsilegri framgöngu sinni að hann er rétti maðurinn í jobbið. Þess í stað virðist stjörnusýslumaðurinn ætla að halda áfram að fórna starfsframanum í þágu ódælla árnesinga, sem láta ekki undir höfuð leggjast að vera til vandræða um hverja helgi.    
mbl.is Sex sækja um embætti ríkissaksóknara
Tilkynna um óviðeigandi tengingu við frétt

Skítamaskína loftbólufyrirtækjana í Kauphöllinni

Það mætti halda, að eitthvað sé að klikka í skítamaskínu loftbólufyrirtækjana í Kauphöllinni. Ég sem hélt að krosseignatengslin í rúllettuspili auðvaldsskoffínana, sem gambla m.a. með lífeyrissparnað fólksins í landinu, væru skotheld. Það yrði þokkalegt ef spilaborgin myndi hrynja og í ljós kæmi að umsvif hinna sparklæddu peningadrullusokka væru jafn innihaldslaus og tómur pappakassi ! 
mbl.is Miklar sveiflur á Úrvalsvísitölunni
Tilkynna um óviðeigandi tengingu við frétt

« Fyrri síða | Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband