Afleitur talsmaður VG - hvað á svona fíflagangur eiginlega að þýða?

Ég er satt að segja ekki undrandi á einlægum vilja Egils Helgasonar til að fá Sóleyju nokkra Tómasdóttur, ritara VG, í þáttinn hjá sér. Það dylst víst engum, sem fylgst hefur með, að Egill er fremur lítill velgjörðarmaður VG og hann veit sem er að VG er enginn greiði gerður með því að draga Sóleyju fram í dagsljósið. Sóley þessi er einkum þekkt fyrir öfgafullar femínískar skoðanir sem eru bæði einstrengingslegar og hlandvitlausar og til þess fallnar að fæla fólk frá VG. Í þeim tveimur Silfrum Egils sem ég hef séð þessa ungu konu, minnir hún mig mest á heimtufrekan og ofdekraðan krakka - því miður. Mér er líka spurn hvernig á því stendur að Sóley er eins hátt skrifuð í VG eins og raun ber vitni, ég hef nefnilega ekkert séð eða heyrt til hennar sem réttlætir slíkt.

Í þættinum hjá Agli áðan kom Sóley áberandi verst út úr umræðunni, lét sér nægja að tala í frösum en gat engu svarað á sannfærandi hátt sem til hennar var beint. Ef kosningabarátta VG á að fara fram í þessum dúr mun fylgi þeirra í skoðannakönnunum undafarnar vikur étast niður fyrir 10-12 prósent þegar kjördagurinn rennur upp.

Sem einn af viðstöddum við stofnun VG á sínum tíma, skammast ég mér niður í tær þegar ég verð vitni að málflutningi talsmanna flokksins á borð við Sóleyju Tómasdóttur, sem því miður eru orðnir allt of fyrirferðarmiklir í þessum þjakaða stjórnmálaflokki.   

Þokkaleg heimsókn atarna.

Aumingja blessaðar kýrnar og geiturnar að verða að sæta því að fá kenske heila hrúgu af samfylkingargránum í heimsókn. Varðar ekki svona innrás við dýraverndunarlög?

Samfylkingin býður í Fjölskyldu- og húsdýragarðinn

Brennivínsterror.

Hverkonar bölvað fyllirí er þetta altaf á fólki. Ég er handviss um að þessum hroðalega áfengisvínsterror linnir ekki fyrr en brennivínið verður komið inn í matvöruverslaninar og helst víðar.

Það var náttúrlega illa gert af manninum, að narra bílinn út úr kunningja sínum þegar hann var moldfullur og vissi ekki handa sinna skil. Þessi náungi ætlaði sér ekki að skila bílnum aftur, af því að gerði ráð fyrir að ekki rynni af bíleigandanum meir. En þessi sem braut allt og bramlaði heima hjá vini sínum á sér engar málsbætur.

Ölæði þolanda og geranda

Varaformaður VG skrifar.

Í gærkvöldi var ég svo óheppinn, að rekast á greinarstúf eftir Katrínu Jakobsdóttur, varaformann og frambjóðanda VG, í Fréttablaðinu frá 18. apríl. Í ráðaleysi mínu vissi ég ekki fyrr til en ég var búinn að lesa grein varaformannsins (eða á maður kanske að segja varaforkonunnar?), frá orði til orðs, allt til enda.

Nú skyldi einhver ætla, að ég, sósíalistinn, hefði forlyfst í andanum af hugsjónagleði við þennan ágæta kvöldlestur. En það var nú öðru nær. Fyrstu viðbrögð mín eftir lesturinn, var þakklæti fyrir að greinin er ekki lengri en raun ber vitni, þó að hún hafi náttúrlega verið allt of löng.

En hvað var það, í grein varaformannsins/konunnar, sem truflaði miðnættisandagt þess sem hér leggur orð í belg? Jú, ég fékk nefnilega sterkt á tilfinninguna, að Katrín Jakobsdóttir hefði skrifað þessa grein af einhverskonar skyldurækni vegna kosningana í vor en ekki vegna brennandi og djúpstæðs áhuga á málefninu og því síður af hugsjónahita hinns sannfærða. Hún byrjar t.d. grein sína á sjálfumglöðu grobbi um ríkidæmi Íslendinga og velmegun þeirra, víkur síðan talinu, eins og í framhjáhlaupi, að smáleiðindum út af því, að þó margir hafi það gott í þjóðfélaginu, hafi tekjulægsti hópurinn verið settu hjá í þjóðfélaginu. Það kemur auðvitað ekkert fram hjá Katrínu hver þessi ,,tekjulægsti hópur" er. Hvort hún á við einhvern tiltölulega lítinn hóp fólks, eða ekki, er mér gjörsamlega hulið enda kemur ekkert fram um það. Því næst hellir varaformaðurinn/konan sé út í almennt snakk um aukna gjaldtöku í heilbrigðiskerfinu og menntakerfinu, slær síðan svolítið um sig með fáeinum ártölum, prósentutölum og tölum sem tilgreina peningaupphæðir, lítilshárttar þusi um tannverd barna og kostnað við að senda ungling í heimavist í framhaldsskóla. Þessa smávægilegu agnúa á hinu þrælgóðu þjóðfélagi segir Katrín að Vinstri-græn (grænir-grænt. Ljóta skrípið þetta nafn á flokknum) vilji laga með því að hætta að láta sjúklinga greiða fyrir veikindi sín og börn fyrir skólavist, velferðarkerfið sé fyrir alla, óháð efnahag. Og síðasta setning greinarinnar hljóðar svo: ,,Við viljum bæta kjörin og útrýma fátækt".

Þvílíkur eldmóður og hugsjónabál eins og kristallast í greinarstúf Katrínar minnir mest á þegar maður klappar hundinum sínum eða strýkur kettinum annars hugar og tuldrar eitthvað í leiðinni um að maður eigi að vera góður við skepnunar.

Ég hef reyndar lengi furðað mig á og botnað lítið í, hvaða erindi Katrín þessi á í pólitík og hvernig á því stendur að hún gegnir varaformennsku/kvennsku í VG því samkvæmt því sem ég hef heyrt og séð til hennar á pólitískum vettvangi finnst mér benda ótvírætt til að þar fari lítt efnilegur stjórnmálamaður, að ég segi ekki, pólitískt viðrini.   

Staðfesting á aukninni misskiptingu.

Auðvitað verður að taka þessa könnum með fyrirvörum, en það segir vissulega sína sögu, að yfir fjörutíu prósent landsmanna telja að afkoma þeirra hafi staðið í stað eða versnað síðustu fjögur ár, þrátt fyrir gífurlega þenslu. Sé þessi könnun marktæk, sýnir hún svo ekki verður um villst, að misskipting fer vaxandi í þjóðfélaginu, sem er óásættanlegt.

Meirihluti segir afkomu sína hafa batnað

Hlé: kaffi´o með´í ???

Hver fjandinn ætli þetta ,,kaffi´o með´í" sé? Ætli götulagningarumhverfissinnarnir í Varmársamtökunum ætli að bjóða upp á þann forna þjóðardrykk, ,,sjóðheitt kaffi með íslensku brennivíni og sykri útí? Ef svo er, þá eru Varmársamtökin mun þjóðlegri en ég hef áður talið. Og eitt er víst: eftir kaffi´o með´í hléið verður ekki töluð vitleysan á íbúaþinginu í Mosfellsbæ.

Varmársamtökin boða íbúaþing

Smákrimminn og Olíusamráðspaurinn.

Á meðan Héraðsdómur Reykjavíkur embættar vesælan smákrimma, fer höfuðpaur olíusamráðsmálsins í opinbera heimsókn til Bandaríkjanna með frauku sinni sem er fyrrverandi dómsmálaráðherra og fráfarandi forseti Alþingis, of fáeinum öðrum uppgjafarþingmönnum. Ég er þeirrar skoðunar að Héraðsdómur Reykjavíkur hefði átt að dæma smákrimmann til að fara í ferðina góðu með olíufurstanum og uppgjafarþingskörungunum. Fyrir utan að vera mátuleg refsing fyrir krimman, hefði yfirbragð hinnar opinberu heimsóknar líklega skánað þó nokkuð - að meðaltali.  

Hrifsaði veski af öldruðum konum

Harmi slegin stórmenni.

Ég geri ráð fyrir að Bush forseti sé óskaplega harmi sleginn vegna þessara 170 sem létu lífið í spregjuárásunum í Bagdad í dag. Ekki síður tel ég að ármenn hans í Íslensku ríkisstjórninni séu harmi slegnir og eigi vart svefnsama nótt í vændum.  

Yfir 170 manns létust í sprengjuárásunum í Bagdad í dag

Siv, bankalýgin og Framsóknarflokkurinn.

Í kosningaþætti, sem nú er nýlokið á Stöð 2., með fulltrúum stjórnmálaflokkanna í Suðvesturkjördæmi, lét heilbrigðisráðherran, Siv Friðleifsdóttir, sig hafa að draga fram lýgina um að Ögmundur Jónasson hafi sagt opinberlega, að reka ætti bankana úr landi. Ég veit ekki af hvaða hvötum fólk tekur til bragðs að éta sömu lýgina upp aftur og aftur án þess að geta með nokkru móti staðið við orð sín. Fyrir u.þ.b. 3-4 vikum átti ég í orðaskaki á blogginu við einn af frambjóðendum Framsóknarflokksins um þetta mál fyrir . Er skemmst frá að segja að framsóknarstjarnan gat með engu móti fært rök fyrir að Ögmundur hefði látið orð falla um að hann vildi reka bankana úr landi, þrátt fyrir yfirlýsingagleði hennar í upphafi. Það varð því ekki að undra þegar ég heyrði heilbrigðisráðherrann Siv reka upp sama andskotans lygagólið því ég veit fullvel að hún getur ekki staðið við þessa fullyrðingu sína fremur en framsóknarframbjóðandinn sem ég átti bloggviðskipti við.

Það er ekki laust við, að maður freistist til að hugsa sem svo, að líklega sé Framsóknarflokkurinn meira spillingar- og óheiðarleikabæli en áður var talið og er þá mikið sagt. Og í þessu ljósi er varla neinum blöðum um það að fletta, að það hlýtur að vera þjóðhagslega hagkvæmt að kjósendur leggi þennan sóðasöfnuð niður í kosningunum í vor.

Vonandi ekki minkur í gjótunni.

Af einhverjum ástæðum finnst mér yfirbragðið á þessari frétt minna mig einna helst á skipsstrand.

Aðvitað er hræðilegt fyrir aumingja konuna að lenda í þessum fjanda, ekki dreg ég það í efa. Nú er bara að vona að minkur, eða eitthvert annað óargadýr, sé ekki ofan í gjótunni sem konan festi höfuðið í. En svonalagað getur gerst, ég man t.d. eftir manni nokkrum sem festi sig svona í klósettglugga heima hjá kvenmanni sem hann ætlaði að heimsækja um hánótt. Svo þurfti að sækja lögregluna og konuna hans til að losa hann. Þessi maður hefur alla tíð verið undarlegur síðan.

Kona föst í gjótu í brimgarðinum við Ánanaust