Er læknastéttin heilbrigðisvandamál ?

Ég er andskoti hræddur um að læknar geri ýmislegt verra af sér en að sóða of miklu af sýklalyfjum í fólk, einkum börn. Læknastéttin er, þó fáir leggi í að orða það í heyranda hljóði, orðin einhver hvimleiðasti hópur manna á Íslandi. Það er engum vafa undirorpið að læknar hafa í alltof mikilum mæli orðið græðgisvæðingunni og peningageðsýkinni að bráð. Það er ekki annað að sjá en læknastéttin vinni hörðum höndum að því að einkavæða heilbrigiskerfið frá toppi til táar án þess að skeyta nokkurn skapaðan hlut um hvernig slík ævintýramennsa bitnar alþýðu manna. Líklega vilja þessir peningaglöðu heilsubótarmenn komast í sömu stöðu og tannlæknar og njóta allrar þeirrar einkarekstursdýrðar sem fram fer á tannlæknastofum. 

Í ljósi ýmissa kyndugra ummæla og athafna peningadoktorana, er ekki hægt annað en að draga þá ályktun að læknastéttin sé meira heilbrigðisvandamál en legið hefur i augum uppi og almenningur hefur þorað að hugsa, hvað þá segja upphátt segja.

 

 

Aukin notkun sýklalyfja

Fárveikt fólk í fangelsi

Mikið er nú gáfulegt að setja fárveikt fólk í fangelsi. En það er nú eins og það er: greindarvísitala og rassstærð lögregluþjóna fara ekki alltaf saman.

Réðst að manni með kúbeini

Byltingu á dagskrá, takk

Eitt er víst og það er það, að sægreifahjörðinni, mönnunum sem sölsað hafa fiskveiðiauðlind Íslendinga undir sig með rangindum og slóttugheitum með stuðningi gjörspilltra stjórnvalda, er akkúrat andskotans sama þó 540 hræður í fiskvinnslu hafi misst vinnuna sína. Í þeirra huga er fiskvinnslufólk ekkert merkilegra en dauðar tölur á blaði eða skrúfur í vélunum sem sem það vinnur við.

Það er í raun og veru óskiljanlegt að almenningur í landinu hafi ekki fyrir löngu gert uppreisn gegn hinu glæpsamlega kvótakerfi, þeim sem bjuggu það til og þeim sem notað hafa kerfið til samfélagslegra illvikja. Fyrst að ástæða var til að mótmæla fíflaganginum í VillaVill og Ólafi F. í síðustu viku þá er enn meiri og nauðsynlegri ástæða fyrir fólkið í landinu að láta til skarar skríða gegn fisveiðistjórnunarkerfinu og þeim sníkjudýrum sem sogið hafa sig föst á þjóðarlíkamann í gegnum þetta hroðalega landeyðingarkerfi. Það verður enginn héraðsbrestur þó fiskveiðistjónunarkerfi auðvaldsins verði snúið úr hálsliðnum í nauðsynlegri og heilbrigðri byltingu!

 

540 missa vinnu í fiskvinnslu

Þokkalegt uppátæki

Það er þokkalegt uppátæki að gera einn mann að vígvelli. Ég er ansi hræddur um að Ólafur karlanginn F. verði orðinn fjarska vígamóður þegar upp verður staðið eftir að hafa verið notaður fyrir orustuvöll. Eitt er að berjast, en að láta berjast á sér er allt annað. Það þarf heldur betur sterk bein til að þola slíkar trakteringar.

Segir Morgunblaðið hafa gert Ólaf að vígvelli

Grimmir eins og ljón

,,Hann (Bör Börsson) umgekst nú mest unga menn sem höfðu fengið bæði lærdóm og uppeldi og gengið með gleraugu alla sína ævi - en voru nú orðnir útfarnir línudansarar á ysta bláþræði hegningarlaganna. Allir voru þeir á sinn hátt röskir strákar, horfðu ekki í krónuna og fyrirlitu alt það sem smásmugulegt var - en þeir voru hugrakkir og grimmir eins og ljón á hringsviði peningana. Þar var aldrei um annað telft en líf og dauða." (Höf. Johan Falkberget)

Það er ekki laust við að maður hafi orðið var við svona drengi hér á Íslandi hin síðari ár - eða hvað. 

 

Segja miðlara ekki hafa gert neitt rangt

Siv næst á aftökulista Framsóknar ?

Það var vægast sagt athyglisvert, að heyra Reyni Traustason lýsa blákalt yfir, í Silfri Egils áðan, að Siv Friðleifs væri þessa stundina efst á aftökulista innan Framsóknarflokksins. Og Siv, sem sat hinumegin borðsins, kinkaði bara kolli og virtist sammála kenningu Reynis.

Svandís geri hreint fyrir sínum dyrum

Í Staksteinum Morgunblaðsins í dag, 27. janúar, segir meðal annars: Vinstri grænir komust hinsvegar í lykilstöðu. ,,Öllum var ljóst, að þeir áttu þann kost að mynda meirihluta í borgarstjórn með Sjálfstæðisflokknum og með Svandísi Svavarsdóttur sem borgarstjóra. En sennilega var þeim sjálfum ekki ljóst, að Sjálfstæðisflokkurinn átti líka annan kost. Svandís hikaði. Kanske hafði hún sjálf ekki kjark til að stíga þetta skref. Kanske hafði hún ekki nægilegan stuðning innan flokks síns."

Ef mark er takandi á orðum Staksteina í dag, hefur Svandís Svavarsdóttir átt í alvarlegum viðræðum á bak við tjöldinn við sjálfstæðismenn um myndun meirihluta. Sé það rétt, færi best á að Svandís gerði hreint fyrir sínum dyrum og segði sannleikann opinberlega, hver sem hann er. Þegi hún þunnu hljóði, verður að skoða slíkt framferði sem staðfestingu á að hún sé sek í málinu og þá fer líka um leið fækkandi fjöðrum heiðarleika hennar og sannleiksástar.

Súhartó steindauður

Látinn er í hárri elli sjálfstæðisflokksmaðurinn Súhartó, fyrrum dáður einræðisherra í Indónesíu og traustur bandamaður heimsvaldasinnaðra kapítalista. Sjálfstæðismenn á Íslandi eru að vonum harmi slegnir vegna fráfalls Súhartós og syrgja í þessum skrifuðum orðum hinn gegnheila flokksbróður.

En Súhartó karlinn er nú semsagt farinn til helvítis og enginn fær gert við því - ekki einusinni grátbólgnir sjálfstæðismenn uppá Íslandi.

Suharto látinn

Tjaddnarkvartettinn og Björn í Brekkukoti

Óekkí, sagði afi minn. Ajæja.

Hann sat á lúkunum útá kálgarðsvegg, eins og stundum bar við í góðu veðri á kvöldin, og gretti sig við frásögn mína líkt og hann hefði fengið kveisu; en til þess átti hann vanda ef hann heyrði eitthvað skoplegt. Óekkí. Ajæa. (HKL - Brekkukotsannáll)

Fagna vasklegri framgöngu í Reykjavík

Köstuðu Hallgrími út á götu

Fyrir tilviljun átti hagyrðingurinn Hallgrímur Pétursson verkamaður leið um Sunnusal Hótel Sögu í dag, en þá stóð einmitt yfir kjördæmisþing reykvískra sjálfstæðismanna. Þegar Hallgrími varð litið yfir þá bragglegu hjörð sem þar var að verkum mælti hann viðstöðulaust af munni fram:

Hér máttu, sál mín, sanna,

svo gengur það til víst;

ástundan illvirkjanna

umhyggju vantar síst.

Árla þeir blundi bregða,

binda fast öll sín ráð,

klóklega hrekkjum hegða;

hver sem þess fengi gáð.

 

Þegar reykvískir sjálfstæðismenn heyrðu versið, lögðu þeir þegar í stað höndur á Hallgrím verkamann og fleygðu honum út á götu.

Sjálfstæðismenn ræddu borgarmál á kjördæmisþingi