Leita í fréttum mbl.is

Bloggfærslur mánaðarins, desember 2008

Geðug fegrunarnefnd atarna

Geðug fegrunarnefnd atarna, verkuð og soðin í kokkhúsinu í Valhöll. Það held ég verði ljóta hundbelgjarglásin sem hún skilar af sér um bankahrunið, það er að segja ef hún skilar nokkurntímann nokkru af sér. Ég er fjandi hræddur um að þarna sé á ferðinni fyrirbæri af sömu tegund og Fjármálaetirlitið og Fiskistofa, semsé: Sígild hvítflibbaþvottastöð.

Hvernig í ósköpunum stendur á að almenningur á ekki einn einasta fulltrúa í þessari nefnd? Jú, nefndinni er ekki ætlað að upplýsa almenning um neitt sem við kemur bankatrallinu mikla. Almenningur á bara að halda kjafti og borga skemmtunarkostnaðinn.


mbl.is Rannsóknarnefndin fullskipuð
Tilkynna um óviðeigandi tengingu við frétt

Vér óskum eftir kínverskum bændum til Íslands

Við romsuna um viðskipti Kínverja og Afríkumanna er því að bæta, að Íslendingar hafa líka átt í viðskiptum við vini okkar þarna suðurfrá. Við höfum selt Afríkufólki herta þorskhausa og beingarða í miklum mæli, ásamt ýmsu öðru smálegu. Og Íslenskir höfðingjar hafa ekki látið þar við sitja: þeir hafa sent Afríkumönnum sjómenn til að stunda fiskirí. Það stefnir því allt í ægilegt kapphlaup milli Kínverja og Íslendinga um yfirráð í sjálfri vöggu mannkynsins, Afríku.

Nú, svo er orðið afar dauflegt í sveitum Íslands: Þar sem áður var búið á hverjum bæ liggur nú við landauðn, hver hreppurinn af öðrum er annaðhvort hálftómur eða galtómur. Það yrði mikil blessun ef Kínverjar vildu vera svo vinsamlegir að senda út hingað svo marga bændur að allir dalir landsins yrðu fullir af kínversku lífi og fjöri.


mbl.is Flytja út bændur til Afríku
Tilkynna um óviðeigandi tengingu við frétt

Drottinn blessi og varðveiti

Drottinn blessi og varðveiti Hreiðar Má Sigurðsson og Sigurð Einarsson, Ágústssonar framsóknarráðherra. Drottin láti sína auðvaldsbólgnu framsóknarásjónu brosa við þessum ofsóttu spámönnum sem aflað hafa óskaplegum tekjum í ríkissjóð. Drottinn ljósti ennfremur óvini og öfundarmenn Sigurðar og Hreiðars með sínu glampandi réttlætissverði svo hausar fjúki og blóð fossi. Drottinn standi við hlið hinna smáðu fjárhirða og gæti þess að fé þeirra renni ekki burt frá hjörðnni, því fé án hirðis er ekkert fé.
mbl.is Engar ólögmætar færslur
Tilkynna um óviðeigandi tengingu við frétt

Fjármálaeftirlitið og Fiskistofa eru förðunarstofur en ekki eftirlitsstofnanir

Hvern fjandann á það að þýða hjá Efnahagsbrotadeildinni að vísa umræddu máli til Fjármálaeftirlitsins? Er það liður í fela ófögnuinn fyrir almenningi? Gerir fólk sér almennt grein fyrir að Fjármálaeftirlitið er fyrst og síðast förðunarstofa fyrir gjörspillt og glæpsamlegt kapítalískt efnahagskerfi, líkt og Fiskistofa er fegrunarverkstæði fyrir kvótakerfið og kvótaþrjótana í LÍÚ? Þessar glæsilegu stofnanir eru einungis til að verja ríkandi kerfi og gefa því heilbrigðisvottorð sem engin innistæða er fyrir, en ekki til að hafa eftirlit með og stöðva misferli eða annann ósóma innan vébanda hins heilaga auðvaldskerfis.

Það góða er, að byltingin bíður handan við hornið og þegar hún hvolfist yfir verður hreinsað út svo um munar ...


mbl.is Gátu ekki tapað á samningunum
Tilkynna um óviðeigandi tengingu við frétt

Álskrukka hædd með oflofi

Það er þekkt aðferð að hæðast að fólki með því að hlaða það oflofi. Ég fæ ekki betur séð en dómnefnd svo kallaðrar ,,Frjálsar verslunar" hafi brugðið á leik þegar hún ákvað að útnefna álskrukkuna Rannveigu Rist mann ársins 2008 því oflof dómnefndarinnar um álskrukkuna er í slíkum himinhæðum að til fullkominnar stórháðungar má telja. Fyrir nú utan hversu hlægilegt það er að gera einfaldann lepp alþjóðlegs auðhring að manni ársins í íslensku atvinnulífi. Þvílíkt glens, þvílíkt gaman! Pírumpáruð álskrukka maður ársins!!! Meira að segja Spaugstofan hefur ekki yfir að ráða nægileguhugmyndaflugi til að láta sér detta slíkann súrrealisma í hug.

Ef einhver á skilið titilinn ,,maður ársins í atvinnulífi" þá hlýtur slíkur einstaklingur að koma úr röðum fiskverkafólks eða sjómanna.


mbl.is Rannveig Rist maður ársins hjá Frjálsri verslun
Tilkynna um óviðeigandi tengingu við frétt

Hagspekiblábjánar með pungaprófsgráðu frá ,,háskólum.

Þeir eru ekki hættir í helvísku morgunkorninu sínu blábjánarnir í Glitni. Hvað þarf eiginlega að gerast svo spámenn frjálshyggjunnar láti sig hverfa af vettvangi? Ég er farinn að halda að það verði að draga þessar skepnur út á skottinu og færa þær endurvinnsludeild Sorpu svo að þeim lærist að halda kjafti í eitt skipti fyrir öll.

Það þarf enga hagspekiblájána með pungaprófsgráðu frá ,,háskólum" til að greina ástandið sem uppi er. Sökudólgurinn er kapítalisminn. Það kemur út á eitt hve mörgum viðskipta- og hagspekingum hið kapítalíska ,,háskólasamfélag" ungar út, kapítalisminn mun aldrei ná því takmarki að verða stöðugur, eilífur og fólki bjóðandi; hann er dæmdur til mistakast svo frumstæður sem hann er. Efnahagskreppum er engan veginn hægt að líkja við uppáfallandi náttúruhamfarir, þær eru órjúfanlegur fylgifiskur kapítalismans - þjóðfélagslegar farsóttir sem enginn möguleiki er á að losna við nema þjóðfélagskerfi auðvaldsins verði afnumið. 


mbl.is Ár efnahagshamfara
Tilkynna um óviðeigandi tengingu við frétt

Axlar-Jón

Ósköp held ég axlirnar á honum Jóni okkar hérna Ásgeiri yrðu signar ef hann tæki alla ábyrgðina af eigin gjörðum á bakið. Ég hef bara enga trú á að strákanginn hafi nægilega sterkar axlir og hryggsúlu til að halda öllum þeim býsnum uppi; hann myndi ekki einusinni þola að taka eins og eitt akkeri af lúxussnekkju á áxlirnar, hvað þá meir.

En eitt gæti Jón Ásgeir þó gert sér til vegsauka, án þess að skaða stoðkerfi líkama síns, en það er að læra að skammast sín. Það gæti hugsast að einhverjir virtu það við þennan hraðskreiða hlaupastrák að hann sýndi eitthvað af sér sem líktist iðrun.


mbl.is Jón Ásgeir tekur dóma nærri sér
Tilkynna um óviðeigandi tengingu við frétt

Frú Kondomlessa á leið í íslensku utanríkisþjónustuna

Frábær kona frú Kondomlessa Ræs og veit hvað heiminum er fyrir bestu. Auðvitað hefur hún lög að mæla þegar hún segir að ,,brátt muni fólk þakka Geogi Bush velgjörðir hans í þágu mannkyns." Þó það nú væri. Georgi Bush verður seint fullþakkað framlag hans til morða og sríðsglæpa í fjarlægum löndum, það eru mikil afrek sem síst ber að forsmá. Og í stjórnartíð Georgs hrundi kapítalisminn út um víðan völl og sér ekki enn fyrir endann á þeirri guðsblessun.

En nú líður senn að því, að hin elskulega kona, Kondomlessa Ræs, verði atvinnulaus því ekki ætlar þorparinn Óbama að nýta sér starfskrafta hennar og reynslu. En sem betur fer á Kondomlessa vinkonu sem er jafn frábær og hún sjálf, en þar á ég að sjálfsögðu við jabnaðarjúnkuna I. Sól Gýrszladóttur sem er sannkallaður haukur í horni þegar vinkonur hennar eiga hlut að máli. Það væri allsengin goðgá þó frú I. Sól tæki sig til nú um áramótin og skipaði hina atvinnulausu Kondomlessu sendiherra Íslands í einhverju valikunnu landi. Það yrði mikill vegsauki fyrir Ísland á alþjóðavettvangi og stórbrotið bjargráð í þeim voðalegu þrengingum sem auðvaldsskipulagið hefur kallað yfir þjóð vora.


mbl.is Bush verður þakkað, segir Rice
Tilkynna um óviðeigandi tengingu við frétt

Félagi Stalín er ennþá hér

Það ætti svosem engum að koma á óvart þó félagi Jósef Stalín sé talinn til helstu mikilmenna Rússlands, fyrr og síðar, og sé vinsæll þar eystra eftir því.

En hræddur er ég um að Davíð Oddsson og Gjeir Haaarde, að maður tali nú ekki um Halldór Ásgrímsson og Finn Ingólfsson, nái því seint hafna í einu af þremur efstu sætunum í kosningu um vinsælasta ,,sögulega" íbúa Íslands.


mbl.is Stalín kjörinn þriðji vinsælasti Rússi allra tíma
Tilkynna um óviðeigandi tengingu við frétt

Krónhirtir væru upplagðir á Suðurnesjum

Það var heldur betur að Ferðamálasamtök Suðurnesja stungu fingri í rangann þumal þegar þeim datt í hug að sleppa hreindýrahjörð lausri á Raykjanesi. Það vill svo til að við eigum nóg af hreindýrum austur á landi og við þann villidýrastofn þarf engu að bæta.

Afturámóti eiga Ferðamálasamtök Reyknesinga að einheda sér í að panta þrjá skipsfarma af krónhjörtum til að lífga uppá eyðimörkina hjá sér. En þó verður stjórn Ferðamálasamtakanna að pasa sig vel á krónhjörtunum þegar búið verður að sleppa þeim lausum því kvikindin eru blóðmannýg og stórhættuleg. Ég get ekki hugsað þá hugsun á enda ef einhver krónhjörturinn tæki sig til og færi að elta formann Ferðamálasamtaka Suðurnesja með það í huga að stanga úr honum líftóruna. Þá væri betur heima setið en af stað farið.

Ef Suðurnesjamenn hafa einstakann áhuga á að auðga dýralífið hjá sér væri tilvalið fyrir þá að fá sér breska rauðrefi eða bara einhverja skemmtilega músategund sem ekki er mannskæð.


mbl.is Vara við hugmyndum um hreindýr á Reykjanesi
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband