Leita í fréttum mbl.is

Bloggfærslur mánaðarins, mars 2008

Skipbrot græðgisvæðingarinnar, Sjálfstæðisflokksins og Samfylkingarinnar

Folk-med-haus-i-sandi_1408691242Þessi ársfundur Seðlabankans viðist hafa verið stórmerkileg athöfn og líkst að flestu eða öllu leyti sýningu í leikhúsi sem sérhæfir sig í leikverkum þar sem fáránleikinn situr í öndvegi.

Leiksýning þar sem Davíð Oddsson og Gjeir Haaarde fara með aðalhlutverkin, geðstirðir að vanda, getur ekki orðið annað en hlægilega súrrealísk. Enda fóru kempurnar á kostum. Fullir afneitunnar kenndu þeir öllum öðrum en sjálfum sér um hin efnahagslega skipbrot sem orðið er staðreynd á hinu góðærishrjáða Íslandi. Að mér vitnalega spurðu Davíð og Gjeir aungra spurninga hverjir það hefðu verið sem kveiktu elda græðgisvæðingarinnar og dældu á þá bensíni forheimskunarinnar. Ónei, það voru óprúttin og ónafngreindóþverramenni sem settu fótinn fyrir fagnaðarboðskap hinnar gráðugu frjálshyggju. Það kemur svo sem engum á óvart að Davíð og Gjeir reyni að snúa sig útúr eigin verkum, af þeirri pirruðu ólund sem þeir eru hvað kunnastir fyrir, með því að kenna öðrum um, en stórmannlegt er það ekki.

Það blasir við, að þjóðinni er ekki minna en bráðnauðsynlegt að frelsa landið undan vargfuglstiltektum Sjálfstæðisflokksins; hreinsa útúr bælunum þar sem þessi illvíga óværa hefur hreiðrað um sig í áranna rás. Það er þyngra en tárum taki, að Samfylkinginn, sem átti að verða sameiningarflokkur vinstrisinnaðs fólks, skuli hafa notað fyrsta tækifæri sem gafst til að svíkja allt sem hægt er að svíkja með því að einhenda sér á auðvirðilegan hátt í ginið á Davíð Oddssyni, Gjeir H. Haaarde og Hannesi H. Gissurarsyni. Með fyrirlitlegri framkomu sinni og ráðabruggi, hefur Samfylkingin gert að engu þá uppstokkun sem átti sér stað á svokölluðum ,,vinstrvæng" fyrir nokkrum árum á einkar subbulegan hátt. Og þar sem það liggur fyrir, skýrt og skorinort, að Samfylkingin er alls enginn vinstriflokkur, heldur forpokaður hægirflokkur á frjálshyggjulínunni, ætti að vera auðvelt fyrir raunverulega vinstrisinna, sem stutt hafa Samfylkinguna fram að þessu, að yfirgefa hana fyrir fullt og allt.    


mbl.is Reynt að brjóta fjármálakerfið
Tilkynna um óviðeigandi tengingu við frétt

Gömul skjáta stynur á banabeði sínum

madd2Hvert þó í helvíti, heyrist þó ekki nema hryglublandin stuna uppaf banabeði blessaðrar Framsóknarmaddömunnar.

Ég er fjandi hræddur um að þetta gamla skar verði að fara varlega ef það ætlar ekki að drepast strax því hjarta þess er veikt og heilinn óstöðugur. Annars má með góðum rökum fullyrða, að illu er best af lokið, og Framsóknarmaddaman mun ekki, fremur en aðrir, vinna sitt dauðastríð. Þess utan er náttúrlega afleitt, að ein gömul og illa farin, maddömuskjáta, bersyndug í efnahagsmálum, sé að muldra eitthvað um aðgerðir til að sporna við verðbólgu.


mbl.is Framsókn kallar eftir aðgerðum
Tilkynna um óviðeigandi tengingu við frétt

Segjum ómennsku borgarastéttarinnar stríð á hendur, líkt og vöruflutningabílstjórar !

hnefiMikið er gleðilegt að einhverjir hafi döngun í sér að rísa upp með mótmæli í formi skæruhernaðar. Vonandi rís alþýða þessa lands upp á sama hátt og segi ómennsku borgarastéttarinnar og stjórnmálasnápum hennar og fylgifiskum stríð á hendur.


mbl.is Bílstjórar mótmæla
Tilkynna um óviðeigandi tengingu við frétt

Óléttir karlmenn á Íslandi

kapital7Fnuhhh ... eins og þessi Tómás Beattie sé fyrsti karlmaðurinn til að verða óléttur. Það er nú aldeilis öðru nær.

Meira að segja  hér á Íslandi hefur það hent ágæt karlmenni að verða óléttunni að bráð. Í flestum tilfellum hafa það verið menn sem hafa stundað abstrakt og absúrd kynferðislíf. Þó er til ein skrifleg heimild um að saklaus sveitadrengur hafði lent í slíkum ófögnuðu uppúr þurru, án nokkurs sexúals náttúrufars. Um það má lesa í Bréfi til Láru eftir Þórberg Þórðarson. Þar af leiðandi gef ég akkúrat ekki neitt fyrir óléttu þessa bannsetta Tómásar af Óregon í Bandiríkjunum. 


mbl.is Þungaður karlmaður
Tilkynna um óviðeigandi tengingu við frétt

Mestir fáráðlingar á byggðu bóli

Hannes og miltonOg svo lauk góðærinu og útrásarsigrunum, sem og hundadögum Tómu Jakkafatanna, með því að landið var haft að háði og spotti í útlenskum blöðum ...

Ef mér bregst ekki því meir spádómsgáfan, þá eru íslendingar, undir forystu Sjálfstæðisflokks Hanez-ar Holmstone, komnir langleiðina í að verða taldir allra þjóða mestir fáráðlingar og höfuðsóttargemlingar á byggðu bóli. Svona getur nú sjálfstæðisflokksstefnan skilað miklum árangir þegar hún rekin af nægilega miklu mannviti.


mbl.is Íslandi bjargað!
Tilkynna um óviðeigandi tengingu við frétt

Mun senda handrukkara á niðurníðsluþrjóta

stalinÞað er naumast uppi typpið á Vilhjálmi okkar Þorn Vilhjálmsyni í dag.

Hann var ekki svona helvíti brattur þegar hann var að reiast síðastliðið haust, lofsællar minningar.

Og nú ætlar hann sko að láta verkin tala svo um munar og það af stalínískri festu. Vilhjálmur er nefninlega semsé búinn að fá sexmenningana, Láfa F.(lista), Swandeesi Sendiherrans, Day Be Eggerts og fleiri með sér í lið á móti eigendum húsa í miðborginni. Og miðbæjarhúseigendur skulu aldeilis fá að kenna á því ef þeir hunskast ekki til að dytta að kofum sínum, sem sumir hverjir eru að falli komnir. Vilhjálmur er heldur ekki að fara í grafgötur með að hann, ásamt sinni hersveit, muni beita öllum tiltækum ráðum og brögðum til að koma vitinu fyrir verstu skussana í miðbæjarsamfélaginu. „Ef að einstaka húseigendur ansa ekki okkar óskum munum við beita öllum þeim úrræðum sem við höfum til að knýja þá til að gera það," sagði Vilhjálmur í kvöldfréttum Ríkisútvarpsins. Ef ég skil þessi dýru orð rétt, þá kemur vel til greina hjá Vilhjálmi, ef allt þrýtur, að gera út sveit handrukkara til að berja óhýðna niðurníðsluþrjóta til hlýðni.

Ójá, það má nú segja, að Viljálmur borgarmálaráðsstjóri og verðandi borgarstjóri sé orðinn andskotanum ákveðnari í seinni tíð  og staðráðinn í að láta verkin tala með illu ef þau nást ekki fram með góðu.  


mbl.is Átak gegn niðurníðslu
Tilkynna um óviðeigandi tengingu við frétt

Ráðist á frjálsa fjármálastarfsemi

Nokkuð gott hjá strákunum að ná sér í fáeinar milljóir útúr hraðbönkum, en öllu lakara hjá þeim að láta handtaka sig þegar þeir voru að fara úr landi til að skemmta sér fyrir afraksturinn. Auðvitað er það skammarlegt af hálfu yfirvalda að ráðast með þessum hætti á menn, sem með dugnaði og áræðni hafa komist yfir fjármuni sem þeir hafa augljóslega haft þörf fyrir. Svo segir í fréttinni af fjármálastarfsemi umræddra manna, að þeir hafi náð að ,,svíkja" útúr hraðbönkum á fjórðu milljón króna. Það er alveg dæmalaust smekklaust að nota orðið ,,svíkja" í þessu sambandi þar eð þarna er um að ræða ósköp venjulega fjáröflun peningaþyrstra athafnamanna.  
mbl.is Sviku út milljónir
Tilkynna um óviðeigandi tengingu við frétt

Cortes-orgin í öðru sæti

operaAð sögn ku orgin í Garðari litla Cortes vera í öðru sæti, um þessar mundir, í kosningu um plötu ársins hjá Bresku tómlistarverðlaununum. Það er hvorki meira né minna en dásamlegt að Stór-Bretinn kunni að meta söng Íslands á þennan hátt. Það er eitthvað annað en helvískir ítalirnir, sem fitja uppá trýnið við það eitt að heyra minnst á heillandi íslenskan söng. Og ekki eru færeyingar betri, því þeir bókstaflega hlægja sér til óbóta þegar þeir heyra óperuöskur úr íslenskum barka.

Nú reynir á þjóðhollustu allra sannra íslendinga, að leggja okkar ástsæla veraldarsöngvara lið með því að kjósa hann, tugþúsundum saman, í heimskosningu Bresku tómlistarverðlaunanna.

En víkjum nú ögn að öðrum Garðari, sem ekki var síðri veraldarsöngmaður en nafni hans Cortes:

,,Þau tíðindi hafa borist um haf að Garðar Hólm veraldarsaungmaður muni koma við land á Íslandi innan skamms. Hinn mikli veraldamaður hefur snúið hingað för af Vallandi, en á næstliðnum vetri jók hann mönnum skemmtan mjög með fagurri kveðandi fyrir sunnan fjall, í þeim borgumsem þar verða mestar í parti heimsins. Hefur kveðandmaður verið aufúsugestur allrar alþýðu í þessum stöðum, og svo hinna bestu manna af fursta og stórhöðíngjakyni, og jafnvel sjálfs páfans, í þeim dísarhöllum og öðrum vildarhúsum Þalíu meydrotníngar sem í þessum löndum eru fundin hátimbruðust. (Brekkukotsannáll HKL)  


mbl.is Plata Garðars Thórs ofarlega í vinsældarkosningu
Tilkynna um óviðeigandi tengingu við frétt

Dregur dár að íslensku efnahagslífi

kapital4Helvíti mikill grínkarl, Ríkharður Portes, og fer létt með að draga dár að íslensku efnahagslífi. Fyrr má nú kasta af sér vatni yfir íslensku efnahagsundrin en að flíma með að Ísland sé afar vel rekið land.

Gamanmál af þessu tagi ber að fordæma af fullri einurð.


mbl.is Segir Ísland afar vel rekið land
Tilkynna um óviðeigandi tengingu við frétt

Það á að samfélagsvæða bankana og það strax

rauður fániÞað eina sem á að gera varðandi bankana er að samfélagsvæða þá, með öðrum orðum:þjóðnýta þá alla sem einn.

Það er fullreynt að Tómu Jakkafötin, sem slegið hafa um sig síðustu ár með fáránlegum uppskafnings- og flottræfilshætti, eru öldungis óhæf til bankareksturs þar sem  hagsmunir almennings eiga að vera hafðir leiðarljósi. Slíka peningagamblara og sjónhverfingaapaketti á slikyrðislaust að skikka í spilafíknarmeðferð og reyna síðan að kenna þeim einhver nýtileg störf, eins og t.d. að naglhreinsa timbur eða slægja fisk, þó svo ég efist stórlega um að hægt sé að brúka þá til slíkra heiðarlegra verka.


mbl.is Þurfa ekki að gjalda óhófs
Tilkynna um óviðeigandi tengingu við frétt

« Fyrri síða | Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband