Óráðshjal Össurar á leið í heimsmetabók

Svo hátt er Össur Skarphéðinsson ævinlega uppi, að mér er til efs að hann hafi nokkru sinni snert jörðina. Og það það virðist vera gáll á kalli þarna útí í Stokkhólmi. Nú ætlar hann að setja margfalt heimsmet í inngöngu í ESB. Það virðist ekki hvarfla að þessum hrútleiðinlega kjaftaaski að ESB-gönhlaup Samfylkingarinnar verði stöðvað með háum hvelli þegar þjóðin fær að kjósa um aðild að sambandinu. Það er ekki nema vona að finnska Stubbnum hafi ofboðið glamrið í Össuri og telji að það eigi best heima í kaflanum um óráðshjal í heimsmetabók Guinness.

Á methraða inn í ESB?

Afar þýðingarmikil sérþjónusta

Hvaða sérþjónusta ætli það sé, sem síra Gunnari eldklerki Björnssyni, er falið að inna af hendi fyrir blessaðann byskubinn okkar? Mér sýnist á öllu að þar sé um verulega dularfullt embætti að ræða, sem gefur vel í aðra hönd fyrst síra Gunnar fúlasaði við 20 milljónum fyrir að gera ekki neitt. Nú, nafnbótin ,,sérþjónustuprestur" er svo sem ekkert slor, burtséð frá innihaldi hennar, heldur virðingarverð staða sem aðeins útvöldum gefst kostur á. Ég geri mér í hugarlund að svona sérþjónusta felist í að færa byskubnum kaffi og messuvín þegar hann er þyrstur, þurka af borðinu hjá honum og pússa skóna hans. Þá er ekki ólíklegt að síra Gunnar fái að lesa upp tölvupósta og SMS-skeyti fyrir hans heilagleika og hlaupa útí sjoppu eftir vindlum fyrir hann.

Svo segja mér fróðir menn og ólygnir, að sérþjónusta af þessu tagi sé afar þýðingarmikil og skipti bókstaflega sköpum fyrir allt kirkjuhald og boðun kenninga Jesú Krists. Það má því búast við kraftaverkum á kraftaverk ofan af embættislegu samstarfi síra Gunnars og byskubsins, og því ber að fagna.

Gunnari boðinn starfslokasamningur

Hahahahaha ... með tremma eftir stöðugleikafylliríið

Það er engu líkara en blessaður atvinnulífsverkalýðsforstjórinn Vilhjálmurgylfi hafi loks uppgötvað í svefnrofunum í morgun að ríkisstjórnin hafi sagt honum og stöðugleikasáttmálanum hans að fara til fjandans eða lengra í gærkvöldi. Ekki er að efa að það geti verið full hráslagalegt að vakna upp með andfælum eftir óralangt stöðugleikafyllirí. Það er víst allt annað en gaman ganga í gegnum deleríum tremens og önnur óhrjáleg fráhvarfseinkenni eftir þessháttar jörvagleði.

Það verður fróðlegt að sjá til Vilhjálmsgylfa þegar hann þegar hann flytur verkalýðnum barátturæðu á næsta 1. maí. Síðast var karlskepnan bauluð niður þegar hann lét til sín taka á þeim vettvangi. Næst má búast við að hann verði borinn niður og kastað útí Reykjavíkurtjörn. Það væri góður endir á farsælum verkalýðsforstjóraferli hjá Vilhjálmigylfa og sérlega vel við hæfi.  

Yfirlýsingin kom ASÍ á óvart

Fullyrðing Jesú Krists

Það væri svo sem góðra gjalda vert að taka upp einhverskonar þakkargjörðardag á Íslandi. En betur má ef duga skal. Í sjálfu Nýja testamennti Biflíunnar er haft eftir engum minni manni en Jesú Kristi, að ógjörningur sé að þjóna bæði Guði og Mammoni. Í ljósi þessarar fullyrðingar Frelsarans ættu séra Jón og hans stéttarbræður að sleppa öllum spekúlasjónum um þakkargjörðardag og annann hégóma af því tagi, en einhenda sér í þess stað í að kveða falsguðinn Mammón niður með öllum tiltækum ráðum. Það væri t.d. upplagt fyrir klerka vora að byrja á því að koma mammónsrisaeðlunni Sjálfstæðisflokknum fyrir á einhverjum góðum stað, í eitt skipti fyrir öll. Svo gætu þeir snúið sér að minni púkafans sem leikur lausum hala hér á landi í umboði Mammóns konungs, en í þeim hópi ku vera að finna fáeina sóknarpresta sem þekktir eru fyrir að gera meira ógagn en gagn.

Vill taka upp þakkargjörðardag

Það vona ég að Guð gefi

Það vona ég að Guð gefi að kannabisræktunin, sem lögreglan stöðvaði í gær, hafi ekki verið til húsa að Háaleitisbrsut 1. En þeir sem þar búverka hafa víst nóg á sinni könnu þó svo þeir séu ekki gripnir glóðvolgir við að hlúa að 70 maríjúnaplöntum.

Ég verð að viðurkenna að við lestur fréttarinnar um kannabisbúskap í húsi í Háaleitishverfinu varð ég sleginn ægilegum óhug og hugsaði sem svo: Á nú að bjarga sér útúr ógöngunum með vímuefnasölu? Hvað taka menn ekki til bragðs þegar skuldir, og jafnvel handrukkarar, sverfa að? Ég frétti af einum afar frjálshuga manni sem seldi ömmu sína til að bjarga sér fram að næstu mánaðarmótum. Því miður fékkst skammarlega lágt verð fyrir ömmuna, þ.e. 85 þúsund íslenskar krónur. Þess ber þó að geta að amman var orðin fullra 79 ára gömul, en mjög svo er ótryggt hvað svo gamalt fólk endist svo gagn sé af.

En ég ítreka enn og aftur, að ég vona að Guð gefi að umrædd kannabisræktun í Háaleitishverfinu  hafi ekki verið til húsa að Háaleitisbraut 1. 

Hald lagt á kannabisplöntur

Skýrt dæmi um þykka heilaþoku

Mikið óskaplega er farið að slá útí hjá kerlingaranganum henni Jóhönnu. Nú heldur hún að Ísland sé gengið í ESB og mikið sé gert með það innan sambandsins sem samfylkingin hefur til málana að leggja. Ef fram heldur sem horfir verður koma blessaðri konunni fyrir á Hrafnistu, dvalarheimili aldraðra sjómanna, um leið og hún kemur frá Svíþjóð.

Glöp Jóhönnu eru þeim mun broslegri þegar haft er í huga að íslenska þjóðin mun aldrei samþykkja inngöngu í ESB þegar kosið verður um málið. Raunar virðist einhver illvíg höfuðsótt herja á meðlimi Samfylkingarinnar því öll þau undur og býsn sem velta uppúr því fólki eru með þeim hætti, að vandséð er að það gangi heilt til skógar. Skýrt dæmi um krankleika samfylkingarlima er fimbulfamb ASÍ-Gylfa og hans meðreiðardrauga. Þá eru eilífar hótanir Jóhönnu og kó um stjórnarslit út af öllu mögulegu ekkert slor, en bera því miður í leiðinni glöggt merki um þykka heilaþoku og sjálfsagt fleiri hvimleiðar bilanir í taugakerfinu.

En einhverntímann kemur að því að Samfylkingunni verður rekið á kjaftinn svo um munar. Það mun verða dásamlegt rothögg.

Aukið samstarf smærri aðildarríkja mikilvægt

Bjarni Ben gerir sér til skammar erlendis

Mikill kappi þessi Bjarni Ben,. svo mikill kappi að fulltrúar hinna Norðurlandanna á þingi Norðurlandaráðs hafa hrist hausinn í forundran þegar þeir sátu undir kjaftabullinu í manninum. Það vill nefnilega þannig til að fólk í Norðurlandaráði veit hvernig ,,hvirfilbylurinn," sem Bjarni var að blaðra um, er til kominn. Þeir vita að efnahagshrunið á Íslandi varð vegna frjálshyggjuofstækis Sjálfstæðisflokksins og stórkostlegrar spillingar sem fékk að grasséra í skjóli hans. Í kjölfarið á hroðalegum lokakafla á hrunadansi Sjálfstæðisflokksins flögraði að ýmsum ráðamönnum erlendis að það væri mikið vafamál hvort Ísland ætti skilið að vera sjálfstæð þjóð framvegis.

Svo mikið er víst að forystuskríll Sjálfstæðisflokksins hefur engin efni á að standa upp og steyta görn á opinberum vettvandi, hvorki hérlendis né erlendis. Sjálfstæðisflokkurinn er þess eðlis, að starfsemi hans ætti að banna eins og gert er við öfga-hægriflokka erlendis. Því virðast flestir gera sér grein fyrir, nema hinir svokölluðu ,,sjálfstæðismenn." Og þetta vita fulltrúar á þingi Norðurlandaráðs.

Ísland stóð eitt í hvirfilbylnum

Uppreisn gegn forystu ASÍ nauðsynleg

Það gerir víst lítið til þó þungt sé yfir Vilhjálmi Egilssyni og Gylfa Arnbjörnssyni, fulltúum sérhagsmuna og auðvaldshyggju. Þessir garmar geta farið moka yfir drullumallið sitt, sem þeim, af botnlausu hyggjuviti sínu, kalla ,,stöðugleikasáttmála." Auðvitað dettur ríkisstjórninni ekki í hug að ansa svona fjarstæðubulli.

Meðal gersema í stöðugleikasafni Vilhjálms Gylfa mun vera að finna kröfu um að engar breytingar verði gerðar á hinu alræmda kvótakerfi í sjávarútvegi, einni af helstu uppsprettum spillingar og efnahagshruns. Hvaðan úr andskotanum kemur Gylfa Arnbjörnssyni, Kristjáni í Keflavík, Skúla Thor og Ingibjörgu Err umboð til að krefjast í nafni verkalýðshreyfingarinnar að kvótakerfinu verði ekki breytt á nokkurn hátt? Ég efast um að þetta fólk hafi hugmynd um hvernig þetta kerfi hefur leikið fólk og byggðarlög víðsvegar um land. Eða eru þessi aumkunarverðu skoffín ef til vill fyrst og síðast strengjabrúður og þjónar Samherja, Granda og annarra stórkapítalískra stórfyrirtækja, þrátt fyrir að þau sækji launin sín í vasa fátæks verkafólks?

Það er orðin full ástæða til að hvetja almennt launafólk innan ASÍ til uppreisnar gegn forystu samtakanna. Þessu skrifstofusjakalahyski verður sparka öfugu út af kontórum alþýðuhreyfingarinnar án nokkurrar miskunar.

BURT MEÐ FORYSTU ASÍ - STRAX

Það er þungt yfir

Hranalegt atriði í barnaleikriti

Svo ku nokkrir veðsettir kvótafiskar á vegum LÍÚ leika í barnaleikritinu Sindra silfurfiski. Sagt er að þessi nýstárlega viðbót í leikarahópnum gefi leikritinu fullhranalegt yfirbragð, sérstaklega í atriðinu þegar Þorsteinn Már og Friðrik Jón kvótasetja alla hina fiskana og éta þá síðan sjálfir.

Svamlandi sjávarfang á sviðinu

Niðurlæging samtaka launafólks er alvarlegt mál

Það hefur vægast sagt verið hörmulegt að fylgjast með niðurlægingu samtaka launafólks á almennum markaði síðustu ár. Það er engu líkara en svokallaðir forystumenn þessara samtaka, með örfáum undantekningum, hafi komið sér saman um að fjarlægjast fólkið sem heldur þeim uppi eins mikið og mögulegt er. Þessum auðvirðilega forystulýð virðist yfir höfuð fjandans sama um kaup og kjör launafólks og þá einkum og sérílagi laun þeirra lægst launuðu, verkafólksins. Úrkynjun og sjálftökuhyggja verkalýðsleiðtoga er alvarlegt mál, svo alvarlegt að við svo búið má ekki standa studinni lengur. Þegar svo er komið að örfáar manneskjur hafa tekið sér öll völd í hreyfingu, sem tugir þúsunda félaga greiða félagsgjöld til, og fara með þau að eigin geðþótta er nóg komið. Það er sannast sagna viðbjóðslegt að horfa uppá sleikjuskap og undirgefni Gylfa ASÍ-forstjóra og húskarla hans við atvinnurekendur og fulltrúa kapítalismans. Hvað á að segja um hálaunaða verkalýðshöfðingja, sem ákveða uppá sitt einsdæmi að fella niður áður umsamdar launahækkanir láglaunafólks? Eru svoleiðis kláðagemlingar yfirleitt á vetur setjandi? Og hvað kemur þessu liði til að haga sér á þennan hátt?

Og hvernig stendur á því að ólánsgaarmarnir Gylfi Arnbjörnsson, Kristján í Keflavík og Skúli Thoroddsen lögðust í skítlegan kafbátahernað til að bola Aðalsteini Baldurssyni úr embætti formanns matvælasviðs Starfsgreinasambandsins og komust upp með það? Ástæðan fyrir aðför fyrrnefndra þremenninga á hendur Aðalsteini liggur svo sem í augum uppi: Aðalsteinn er einn af sárafáum forystumönnum í almennu verkalýðshreyfingunni sem hægt er að kalla sannan verkalýðssinna og að sama skapi sjálfum sér samkvæmur, heiðarlegur og fylginn sér. Þessháttar persónu geta skrifstofusjakalarnir á kontórum ASÍ og Starfsgreinasambandsins ekki umborið, því skal hún lögð í einelti og gert útaf við hana.

Hvort almennum félagsmönnum verkalýðshreyfingarinnar tekst að vakna svo til vitundar að þeim auðnist að reka Gylfa Arnbjörnsson og hans hirð af höndum sér veit ég ekki. En hitt veit ég að verði þessum ódámum ekki komið fyrir kattarnef mun úrkynjun og niðurlæging hreyfingarinnar halda áfram og taka stærri og dýpri dýfur í framtíðinni.

Ef heldur fram sem horfir verður hreinlega að stofna samtök gegn Gylfa Arnbjörns, Kristjáni í Keflavík, Skúla Thoroddsen og þeirra líkum innan verkalýðshreyfingarinnar. 

Stöðugleikasáttmálinn í hættu