Sláninn Barrakur ágirntist jakkaföt Þórarins

Mikið óskaplega er nú dásamlegt og mikið í það varið, að Anna Soffía skuli hafa étið með Barraki forseta og kerlingu hans á jólunum. Þá er ekki síður merkilegt, að sonurinn Þórarinn, hafi verið í jakkfötum með vasaklút. En merkilegast var þó hve mikla ágirnd Barrakur hafði á jakkfötunum Þórarins. Það mætti halda að karlódámurinn hafi verið kominn á fremsta hlunn með að rífa jakkafötin af Þórarni og fara í þau sjálfur. Það hefði verið densileg sjón, að sá slánann Barrak í blessuðum jakkafötunum af stráknum; hann hefði áreiðanlega litið út eins og illa vanskapaður krypplingur, hreinasta ófreskja. Ég er viss um, að okkar forseti, Ólafur Ragnar Grímsson, eftirlæti sjálfstæðismanna, hefur aldrei látið sig dreyma, eftir hann koms á fullorðinsár, um að klæðast jakkafötum af þriggja ára strákpjakki. 

Íslendingar halda jól með Obama

Hæfileikalausir cocopuffsgeldingar

Í tvennum síðustu alþingiskosningum hefur skolað ótrúlegu magni af cocopuffsgeldingum inn á Alþingi. Góð dæmi um svona cocopuffsskran eru gáfnaljós eins og Árni Páll Árnason, Katrín Jakobsdóttir, Katrín Júlíusdóttir og Björgvin G. Sigurðsson, sem öll hafa verið gerð að ráðherrum í ríkisstjórn Íslands, þrátt fyrir að hafa ekki minnsta snefil af hæfileikum til slíkra starfa. Í stjórnarandstöðuflokkunum úir og grúir af samskonar innantómum sykurkúluskriflum, sem soltnar bútíkur myndu m.a.s. fúlsa við ef þau væru látin í matardallinn þeirra.

Mjög illa mannað Alþingi, eins og það er nú situr, segir okkur þá sögu eina, að stjórnmálaflokkarnir eru gjörsamlega óhæf tæki til að skipa nothæft fólk á framboðslista sína.  

Kostnaður vegna Icesave hærri ef samkomulag verður fellt

Púkastóðið í Heimdalli skrækir uppúr frjálshyggjurústunum

Löngum hafa skrækir púkastóðsins í Heimdalli verið böl á þjóðinni. Þessi óbjörgulegi fénaður hefur virkað á landsmenn ekki ósvipað og lús, kláðamaur eða annar hvimleiður pöddufaraldur. Þó má með sanni segja, að þá kasti tólfunum þegar umrætt púkastóð er farið að senda þingmönnum skræki sína, uppúr frjálshyggjurústunum, á pappír, sem stóðið kallar af alkunnri smekkvísi sinni ,,opið bréf."

En nú hlýtur að vera komið að leiðarlokum hjá ungmennafélagi óréttlætis og græðgishyggju, Heimdalli. Ég ber þá von í brjósti, að sé eitthvert gott efni á úðabrúsum, sem hægt er að sprauta ofaní frjálshyggjuhauginn með sama árangir og þegar lúsin var lögð að velli með aðstoð efnafræðinnar.

Vilja kynna málstað Íslands betur

Stórbrotin þingkona

Í aumri fávísi minni lagðist ég svo lágt uppúr hádegi að fara að fylgjast með umræðunni um Icesave í sjónvarpinu. Eftir u.þ.b. hálftíma hlandaulaþrugl framsóknar- og sjálfstæðisbuxna um störf þingsins, af því að þeir nenna ekki að vera í vinnunni í kvöld, að því mér skildist, skreiddist Gangna-Gutti í ræðustól og mærði aðgöngumiða Samylkingarinnar að ESB, Icesave-samninginn þangað til hann var orðinn náhvítur í framan og stóð varla á löppunum, en Þór Saari svaraði að bragði með því að rakka aðgöngumiðann niður. Á eftir ræðum Gangna-Gutta og Saari brustu á ,,andsvör" í ansans hreint órólegum og hávaðasömum stíl. Í þessum svokölluðu ,,andsvörum" bar framsóknar-smádaman Vigdís Hauksdóttir af líkt og gull af eir, ljómaði eins og slípaður demant á óhrjálegum skítahaugi. Þessi errilega smádama, sem á langt í að verða undirframsóknarmaddama, fór hreint og beint á kostum í ,,andsvörunum" og á vissum augnablikum lá við sjálft, að hún mölvaði ræðustól Alþingis í spón með berum hnefunum. Við að sjá þessi ósköp hinnar stórbrotnu þingkonu fór ég ósjálfrátt að biðja Drottinn um að forða fjölskyldu hennar frá því að hún stundaði annan eins svarragang heimafyrir.

En mikið helvíti er nú samt gaman að horfa á þessa blessuðu framsóknar-smádömu í hastarlegum ræðuham, það er algjörlega óborganlegt.   

Vilja vísa Icesave frá

Ranglát fyrningarleið og kynvillan í Fjalla-Fjölni

Nú, þingið verður náttúrulega að koma í veg fyrir að vondir fyrrverandi ráðherrar með ýmiskonar glæpi á samviskunni sleppi ekki við refsingu vegna óréttlátrar fyrningarleiðar. Ef tillaga Alsherjarnefndar verður samþykkt, gæti hugsast að sumir og sumar fari að svitna við tilhugsunina að deila herbergi með drykkfelldum innbrostþjófum og misyndismönnum á Litla-Hrauni.

Annars er svona fyrningarleið á glæpi eiginlega andstyggileg ónáttúra. Í rótarýklúbbnum Fjalla-Fjölni skaut kynvilla sér niður fyrir rúmum áratug með þeim afleiðingum að yfir 80% félaganna veiktust. Þeim er ekki sýktust af sjúkdómnum fannst að vonum íllt í efni og vildu reka pestargemlingana úr Fjalla-Fjölni. En þegar til átti að taka fannst ekki stafkrókur í lögum Fjalla-Fjölnis um hvernig ætti að taka á farsótt eins og kynvillu, auk þess sem brot félagsmanna væru hvort eð er fyrnd. Eftir þessa aumlegu uppákomu varð andrúmsloftið í Fjalla-Fjölni þrungið spennu og starfið gekk bæði rykkjótt og skrykkjótt næstu árin, uns tíminn læknaði öll sárin sem opnuðust þegar kynvillan stakk sér niður í klúbbnum.

Fyrningarfrestur þrjú ár

Getur verið að landráð séu í spilunum?

Getur það í alvöru hugsast, að svokallaður Icesave-samningur sé fyrst og fremst hugsaður af hálfu Samfylkingarinnar sem aðgöngumiði að ESB, eins og ýmsir hafa haldið fram? Getur verið, að fléttan sé einhvernveginn á þá leið, að fljótlega eftir samþykkt samningsins komi í ljós að við séum engann veginn borgunarmenn fyrir herlegheitunum, þannig að við verðum látin leita á náðir ESB, sem tekur að sér skuldirnar í skiptum fyrir góðan skerf af aflaheimildum? Og í þeirri stöðu verði almenningi í landinu stillt upp við þann vegg, að ganga annaðhvort þegjandi og hljóðalaust í ESB eða liggja bjargarlaus og útskúfuð í svaðinu? Getur verið að æpandi þögn þingliðs Samfylkingarinnar um Icesave stafi af óheilindum þeirra gagnvart þjóð sinni í málinu; ég held ég hafi bara ekki heyrt eitt einasta samfylkingarkvikindi færa nein rök sem heitið geta fyrir afdráttarlausum stuðningi við þennan óhreina gjörning?

Ef þetta er í grófum dráttum fléttan á bak við Icesava-samninginn og ESB-aðild Íslands, eru það frá mínum bæjardyrum séð, hein og klár landráð.  

Icesave á Alþingi á morgun

Með bók í öðru líffæri en maganum

Ansi hefi ég vondan grun um, að Hugh Grant sé með umrædda bók eftir sjálfann sig í öðru líffæri en maganum. Því miður get ég ekki sagt í hvaða líffæri geymir bók sína, að því að það er svo ljótt og dónalegt. Mér er í fersku minni þegar þessi kynlegi leikari var staðinn að verki með blámannskvendi í kyrrstæðum bíl. Sú iðja sem hann var stunda með blákonunni var víst svo herfilega siðspillt, að enginn hefur enn þorað að nefna hana sínu rétta nafni, og manninum, sem kom að þeim, varð svo mikið um að hann varð geggjaður og hengdi sig á þriðja degi í ólarspotta sem hann hafði fest við kranann á baðherberginu.

En vonandi kemst bókin, sem herra Grant geymir á skuggalegum stað í líkama sínum, aldrei fyrir almenningssjónir því þangað á hún ekkert erindi fremur en önnur ódæðisverk saurlífiskalla.

Með bók í maganum

Þjóðverjar vilja Foringja en ekki súrpæklaða Merkelkerlingu

Ekki þykir mér undarlegt, að þjóð sem átt hefur foringja eins og Adólf Hitler, finnist lítið koma til pólitískra hanastélja eins og hinnar súrpækluðu Merkelkerlingar, sem Þjóðverjar neyast til að kalla kanslara þessi misserin. Og ekki voru djöflamergir á borð við Helmútana Kól og Smitt hótinu skárri er sú súrpæklaða.

Ef heldur sem horfir í uppþornuðum foringjamálum Þýðverskra, munu þeir snúa sér að því af alefli, að finna sér Foringja, sem ekki er nein veimiltíta og sérgóð spillingarjurt. Mikill ríkikanslari á Þýskalandi myndi áreiðanlega taka til sinna ráða og blása sönnum hernaðaranda í brjóst landa sinna og leggja síðan gjörvalt Evrópusambandið undir sig með manni og mús.

Hafa litla trú á stjórnmálaleiðtogum

Áfengisneysla heimilisdýra er að verða þjóðarböl

Það var ekki seinna vænna fyrir blessað fólkið, að flytja sína innri jólagleði í ölvunarástandi út á götur og torg. Fátt er fegurra í veröldinni en drukkið fólk, einkum léttklæddar konur, á vafri í kuldagarra í svartasta skammdeginu.

Og allstaðar má sjá merki um framfarir. Nú er að verða algengt, að gæludýr, t.d. hundar, taki þátt í drykkjusvalli húsbænda sinna, fái rauðvín að staðaldri með matnum og þessháttar. Reyndar er ástandið orðið slíkt í þessum efnum, að farið er að tala um knýjandi nauðsyn þess, að komið verði á laggirnar afvötnunarstöð fyrir hunda ásamt eftirmeðferð.

Á jóladag frétti ég af labradorhundinum Sámi, sem orðinn er útgangshundur sökum skefjalausrar áfengisneyslu. Þegar aðrir hundar vilja hollan mat eftir nætursvefninn, gerir Sámur allt sem í hans valdi stendur til að þefa uppi afréttara, þannig að ekki er að undra hvernig komið er fyrir honum. Því miður er Sámur ekkert einsdæmi í þessum efnum því drykkjskapur heimilishunda er kominn á það stig að jaðrar við þjóðarböl.

Ölvun mikil í miðborginni

Vænn skammtur af Stefáni Friðriki á Akureyri

Mikið óskaplega er alltaf gott að finna fyrir vænum skerfi af þórðaragleði í hjarta sér. Þegar ég las fréttina af fannferginu á Akureyri gladdist ég innilega og þegar ég sá Akureyringana mér fyrir hugskotsjónum innilokaða í húsum sínum, bílana fasta í himinháum sköflum, og Norðlendingum yfirleitt allar bjargir bannaðar, gladdist ég ennþá meir af sannri og innilegri þórðargleði.

Og þegar við bættist, að ástmögur Akureyringa, Stefán Friðrik Bloggesen, hafði tekið sig til og bloggað heldur hlálega um hvít jól á Akureyri, má segja að ánægja mín hafi fullkomnast í hæstu hæðir. Og nú segja mér áreiðanlegir menn fyrir norðan, að bæjarstjórnin á Akureyri sé búin að samþykkja, að reisa 50 metra háa styttu af Stefáni Friðriki fyrir 200 milljónir króna á næsta ári. Með hæðinni á styttunni vill bæjarstjórnin tryggja að það sjáist a.m.k. í nefið á ástmeginum þegar fannfergi er mikið að vetrum og eins til að hvetja garpinn til frekari frjálshyggjudáða á bloggvellinum.

Nú berum vér Vestlendingar og Sunnlendingar þá frómu von í brjósti, að áfram haldi að snjóa fyrir norðan land og Akureyringar og aðrir norðurhjaraþursar komist ekki suður fyrir heiðar fyrr en með vorinu.  

Mikið fannfergi á Akureyri