Leita í fréttum mbl.is

Bloggfærslur mánaðarins, maí 2009

Sá maður er heitið hefur E.B. Sig.

fullur2Sá maður er heitið hefur E.B. Sig., og var um ártugaskeið talinn mestur áfengisneytandi á Íslandi af þeim er til þekktu. Hann var sagður hafa látið ofan í sig ýmsa þá vökva sem öðrum hefði reynst algjör ofraun og mátt gjalda fyrir með lífi sínu hefðu þeir reynt. E.B. Sig. kærði sig kollóttan um hvaða vörumerki var skráð utan á þau ílát er hann drakk af og gilti þá ein hvort innihaldið hét kompássptitt, rauðspritt, salmíaksspíritus, handþvottakrem eða híbýlailmur. Reyndar gekk sú saga, að því eitraðri vökva sem E.B. Sig. hellti uppá sig með, þeim mun kátari hafi hann orðið. Af framansögðu má því ljóst vera, að hefði okkar maður fengið í sinn hlut flöskuna af San Valentin frá Torres, sem nær grandaði karlinum í Arendal, þá hefði hann tekið hana út í einum teyg og ekki kennt sér meins á eftir.

En meðal annarra orða: Hvar í fjandanum ætli þessi Suður-Koregur sé, sem minnst er á í upphafi fréttarinnar um manninn sem þoldi ekki blásýrublandaðnn San Valentin frá Torres? 


mbl.is Í dái eftir að hafa drukkið eitrað vín
Tilkynna um óviðeigandi tengingu við frétt

Þar er iðrun ekki til

hannez5.jpgÓjá, þær eru heldur óskemmtilegar og nöturlegar afleiðingarnar af dólgslegum frjálhyggjukapítalisma FramsóknarÍhaldsins og ekki nema von að framsóknarkálfurinn Birkir Jón sé hneykslaður. Hinsvegar má ljóst vera að iðrun er ekki til í FramsóknarÍhaldssamtökunum, á þeim bæjum kunna menn ekki að skammast sín og því síður að biðja grátt leikna þjóð sína fyrirgefningar á frjálshyggjusukkinu, græðginni, spillingunni og glæpunum. Og það er rétt að halda því til haga, að á stjórnartíma FramsóknarÍhaldsins var stunduð ógnarstjórn þar sem skoðanakúgun var daglegt brauð, fólk þorði ekki að tjá sig hreinskilnislega, hvorki opinberlega né á förnum vegi.

Annars ættu plastpeð Framsóknarflokksins að láta almenn stjónmál eiga sig í bili, eða til frambúðar, og snúa sér því að bjarga máttarstólpum sínum, sem nú eiga undir högg að sækja, þeim Ólafi bónda á Miðhrauni, Finni Ingólfssyni og Sigurði Einarssyni. Án þeirra máttarstólpa fær blessuð Framsóknarmaddaman ekki lifað.


mbl.is 28.500 fjölskyldur í þrot
Tilkynna um óviðeigandi tengingu við frétt

Draumkuntur með ESB-ívafi

dream.jpgKynleg kerling þessi Eygló Harðardóttir og dálítið svona utangátta eins og títt er með framsóknarfénað af hennar kalíberi. Þessi aðdáunarverða frauka hefur greinilega verið að velta sér uppúr Samfylkingunni að undanförnu og komist að þeirri niðurstöðu að samfylkingarfólkinu dreymi blauta drauma um ESB! Nú er það svo að hugtakið ,,blautir draumar" merkja áfergjufulla ástarlífsdrauma þar sem ólgandi kynlíf er haft um hönd og skaut. Þetta fyrirbæri er stundum kallað ,,draumkunta" og er sögð herja einkum á framsóknarmenn og konur. Ekki hef ég hugmyndaflug til að setja mér fyrir sjónir hvernig Eygló Harðardóttir sér draumkennda ESB-kynlífsorgíu Samfylkingarinnar fyrir sér. Og fyrst að frú Harðardóttir er svona vel að sér í blautlegum draumförum samfylkingarfólks verður hún að bæta um betur og upplýsa þing og þjóð í smáatriðum hvernig svona draumar ganga fyrir sig. 
mbl.is Blautir draumar Samfylkingarinnar
Tilkynna um óviðeigandi tengingu við frétt

Skilanefnd fremur ódæði

finnur.jpgEf ég skil rétt, þá hefur Skilanefnd Landsbankans gerst sek um mjög fólskulega árás á Finn Ingólfsson með því að seilast í eignir hans í Langflugi. Það vita það allir, að frátalinn þessari anskotans skilanefnd, að Finnur Ingólfsson er friðhelgur maður, stoð alþýðunnar, vinur fátæklinga og Halldórs Ásgrímssonar, ljúflingur sem stundar góðgerðarstarfsemi hvar sem hann fer. Á Íslandi er bannað að skjóta heiðlóur og þúfutittlinga samkvæmt fuglavernadarlögum, þau lög ná einnig yfir Finn Ingólfsson og hans kammerat í framsóknarmennskunni, Ólaf bónda Samskips. Ég verð illa svikin ef embætti Ríkislögreglustjóra skerst ekki í þennan ljóta leik og handtekur Skilanefndina og lokar hana bak við lás og slá fyrir ódæðið á Finni Ingólfssyni.
mbl.is Eignast bréf Langflugs
Tilkynna um óviðeigandi tengingu við frétt

Ísland á að fara að dæmi Norður Kóreu

eldur5Ég held að Norður-Kóreumönnum sé ekki of gott að sprengja sér kjarnorkusprengju við og við til að lífga uppá tilveruna. Íslendingar ættu t.d. að taka þessari sprengingu fagnandi og einhenda sér í að setja sjálfir saman svona sprengiverk. Það væri áreiðanlega mun gáfulegra fyrir íslendinga að tilkynna að þeir ætli sér að búa til kjarnorkusprengju en að sækja um aðild að ESB; virðing okkar á heimsvísu myndi vaxa svo um um munaði á svipstundu, peningagáttir opnast, vexti lækka, skuldir heimilana hverfa og Iceseivið verða úr sögunni. Kjarorkuveldið Ísland myndi hóta nágrönnum sínum báli og brandi ef þeir hundskuðust ekki til að veita okkur þá fyrirgreiðslu sem gerði okkur kleyft að halda áfram góðærisútrásarsukkinu eins og ekkert hafi í skorist.

,,Þótt borgir standi í báli

og beitt sé eitri og stáli,

þá skiptir mestu máli

að maður græði á því."

(Höf. Steinn Steinarr)


mbl.is N-Kórea harðlega gagnrýnd
Tilkynna um óviðeigandi tengingu við frétt

Árásinni verður hrundið

kikk2Ólafur Q. Samskips Ólafsson, bóndi að Miðhrauni á Snæfellsnesi, er maður grandvar og lítillátur, sómi sinnar sveitar bæði innávið og útávið. Ef Ólafur hefði verið uppi fyrir um það bil 80 - 100 árunum hefði hann áreiðanlega verið dannebrogsmaður, elskaður og dáður af þjóð sinni nótt sem nýtan dag árið um kring. Það þarf því engan að undra þó að slíkur afbragðsmaður til munns og handa, bregðist ókvæða við þegar brotist er inn hjá honum af hinu opinbera og hann borinn svæsnum ávirðingum af sömu aðilum við fádæma gleðilæti götulýðsins, sem ætíð bregst vel við þegar mikilsháttar fólk verður fyrir rógi og lygum myrkraafla samfélagsins. En auðvitað mun innrásin á heimili Ólafs Q. Samskips, rógurinn, lygarnar og ávirðingarnar, hafa einungis þrennt í för með sér, þ.e. að sanna sakleysi Ólafs, veita honum uppreisn æru og að þjóðin fer að aftur að sýna honum þá virðingu sem honum ber. Hinn góði drengur mun mun rétta aftur úr sér eftir hið fólskulega pungspark og verða jafn teinréttur og áður.
mbl.is Rannsókn leiði í ljós sakleysi
Tilkynna um óviðeigandi tengingu við frétt

Íslenskir repúblíkanar láta sitt ekki eftir liggja

bull1.jpg,,Er því haldið fram í skýringunni að Repúblíkanar hafi nýtt fjölmiðla óspart, þar á meðal Fox News, til þess að halda því að fólki að fangarnir myndu koma út og byrja að drepa Bandaríkjamenn." (mbl.is)

 Það er ekki laust við að maður kannist við álíka vinnubrögð hér uppi á Íslandi: Síðustu vikur hafa íslenskir repúblíkanar af sægreifastandi vaðið fram og aftur um íslenska fjölmiðla eins og grenjandi nautgripir, þar á meðal Morgunblaðið, og haldið því að fólki að ef eitthvað verið hróflað við kvótakerfinu (ránsfeng þeirra) fari Ísland ásamt þjóðinni sem þar býr beinstu leið til Helvítis.


mbl.is Skipulögð barátta gegn Obama
Tilkynna um óviðeigandi tengingu við frétt

Óásættanlegur viðbjóður

kona2.jpgFyrir tveimur árum veiktist frú Ingveldur skyndilega af vírusnum H3P+, sem er mannskæður hundainflúensuvírus. Rétt er að taka fram að frú Ingveldur varð mjög alvarlega veik af þessum viðbjóði, fékk yfir 40 stiga hita ásamt krassandi beinverkjum og gerði fjórum sinnum í buxurnar. Það sem verra var, þá smitaðist Kolbeinn, eiginmaður frú Ingveldar, af henni og lá milli heims og helju í viku með óráði. Í óráðinu ljóstraði Kolbeinn upp fáeinum leyndarmálum sem ekki þoldu dagsins ljós. Þegar Kolbeinn vaknað loks til lífsins tók frú Ingveldur, sem þá var komin til fullrar heilsu, málin í sínar hendur og refsaði Kolbeini harðlega fyrir þá hluti sem hann hafði upplýst í óráðinu. Í kjölfar refsingarinnar lá Kolbeinn í 10 daga á sjúkrahúsi.
mbl.is Sex flensutilfelli rannsökuð
Tilkynna um óviðeigandi tengingu við frétt

Hannes má prísa sig sælan

Mikið má Hannes Hafstein prísa sig sælan að fyrir hafa sloppið yfrí betri veröld í tæka tíð áður en urgaraflokkurinn ,,Amiina" ruddist inn í stofu hans að Grundarstíg 10 með fyrirgangi og óhljóðum. Mér er ómögulegt að skilja hvað vakir fyrir fólki sem veður með hávaðatæki inn í hús saklausra borgara og upphefur þar skarkala af þeirri stærðargráðu að íbúarnir taka til fótanna og flýja heimili sitt í ofboði. Fyrir mína parta vildi ég fremur fá Djöfulinn sjálfan úr Helvíti í heimsókn til mín en Amiina-flokkinn alræmda.
mbl.is Amiina heima í stofu
Tilkynna um óviðeigandi tengingu við frétt

Frjálshyggjubelgurinn Bubbur

cat_852217.jpgÞað held ég sé samstöðubragur á Austurvelli hjá Guðrúnu DoDo og frjálshyggjubelgnum Bubb Marteins. Þó það hafi verið heldur fámennt í samstöðunni hjá Hagsmunasamtökum FramsóknarÍhaldanna þá var þar að sama skapi góðmennt og eflaust hafa allir tekið undir þegar Bubbur orgaði ,,Fjollin hafa vokað í 1000 ár" og ,,Péééééníngar og jeppar eru merki mitt, merki frálshyggjufáráðlinga."
mbl.is Leiðréttingu, ekki ölmusu
Tilkynna um óviðeigandi tengingu við frétt

« Fyrri síða | Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband