Leita í fréttum mbl.is

Bloggfærslur mánaðarins, ágúst 2009

Að græða á heilsuleysi

kapÞeir eru ekki af baki dottnir græðgissjúklingarnir. Nú ætla einhverjir andlegir auðnuleysingjar og siðleysingjar sér að hefja byggingu á einkaspítala og heilsuhóteli á Íslandi fyrir ríka útlendinga sem orðnir eru ryðgaðir í knjám og mjöðmum af græðgi og ómennsku. Og ekki stendur á talsmanni þessarar samfélagsfjandsamlegu erkiheimsku að tíunda gjaldeyrisgróðann sem ,,heilsuspekúlasjónin" á að skila þjóðinni.

Nú skilst mér að á bak við íslensku heilsugróðasóttargemlingana standi amrískt ,,heilsufélag" þess albúið að styrkja gróðadæmið og styðja. Hvernig á því stendur að erlent félag vill starta slíku fyrirtæki uppi á Íslandi er mér hulin ráðgáta. Ef þessum endemum dettur í hug að nú sé lag að hreiðra hér um sig í skjóli bágrar stöðu efnahagsmála á Íslandi er aldeilis ekki víst að þeim verði að ósk sinni. Ég geri ráð fyrir að Ögmundur heilbrigðisráðherra slái óviðeigandi græðgisóra PrimaKer og Shiboomi ekki aðeins útaf borðinu heldur alla leið útí hafsauga. Veikindi fólks á ekki að vera náma fyrir veruleikafirrta og ósvífna peningageðsjúklinga. Heilbrigðismál eru samfélagsmál sem ber að nálgast á félagslegum grunni þar sem jöfnuður heilbrigð siðvitund eru höfð að leiðarljósi en ekki ójöfnuður og gróðasjónarmið.   


mbl.is Stefna að byggingu einkaspítala
Tilkynna um óviðeigandi tengingu við frétt

Alvarlegt ástand í Árnessýslu - Útgöngubann eina lausnin

jagger og óliEftir fréttum að dæma ríkir skálmöld í umdæmi eina Stjörnusýslumannsins í landinu, þ.e. Árnessýslu. Vart líður sá dagur að ekki berist fréttir af mis-dólgslegum lögbrotum afbrotamanna í þessum óhamingjusamasta skika landsins. Einkum virðist fólki þar um slóðir gjarnt að bregða sér undir stýri, þegar það er búið að stútfylla sig af vínanda og öðrum eiturefnum, og keyra eitthvað útí buskann á ofsahraða. Það hlýtur eitthvað mikið að vera að í héraði þar sem fólk leyfir sér að iðka lögbrot langt umfram það sem þekkist annarsstaðar á landinu. Eru löggæslumenn í Árnessýslu, þar með talinn Stjörnusýslumaðurinn sjálfur, taldir svo sljóir og tilþrifalitlir innanhéraðs, að ribbaldar telji sér óhætt að fremja afbrot af öllu tagi hvenær sem þeim dettur í hug? Að minnsta kosti láta þessir delar eftir sér að brjótast inn, berja samborgara sína og keyra um gaddfreðnir af eiturkokteilum í öllum regnbogans litum. Ef heldur sem horfir í Árnessýslu verður dómsmálaráðherra að taka í taumana og fyrirskipa útgöngubann í sýslunni alla daga ársins frá klukkan 19:00 síðdegis til klukkan 08:00 að morgni. Á þeim tíma sólarhringsins mætti ekki nokkur maður vera utandyra innan sýslumarka, ekki einusinni Stjörnusýslumaðurinn mikli né víxlubyskubbinn í Skálholti.
mbl.is Flúði frá lögreglu út á veg
Tilkynna um óviðeigandi tengingu við frétt

Gamla konan sem braust inn hjá nágrönnum sínum

aoldSkárri eru það andskotans þjófarnir þarna í Reykjavík. Að stela þremur lambalærum úr verslun er enginn smáræðis glæpur. Svona ósvífni va ekki til á Íslandi fyrir fáum árum. Þetta ástand er áreiðanleg ríkisstjórn Samfylkingar og VG að kenna, ef mér skjátlast þá ekki því meir. Það var svo sem viðbúið að alda glæpa færi á stað um leið og vinstristjórn kæmist til valda. Þá var nú staða mála betri meðan Íhaldið og Framsókn búverkuðu. Á þeim góðu tímum keyptu menn hlutina áður en þeir stálu þeim.

Og svo var maðurinn sem þjófstal dilkalærunum þremur á fimmtugsaldri!!! Það hefði verið sök sér hefði þetta verið kona á áttræðisaldri. En karlmaður á fimmtugsaldri ... svoleiðis getur ekki gerst nema í barbaríinu. Ég man eftir gamalli konu sem braust inn hjá nágrönnu sínum að næturþeli og stal frá þeim mat og áfengi og eldhúsklukkunni. Þetta var séð kona, þessvegna komst glæpur hennar ekki upp. En á dánardegi játaði konan þjófnaðinn uppúr þurru auk nokkurra hjúskaparbrota sem öllum var sama um. Svo geyspaði sú gamla golunni, þannig að ekkert var hægt að gera.


mbl.is Stal lambalærum úr verslun
Tilkynna um óviðeigandi tengingu við frétt

Fjárdráttur á ódrætti ofan - Nú verður Láfi að sperra stél

Það á ekki af Láfa karlinum Magg að ganga í pólitíkinni. Öll hans pólitíska sigling hefur fram að þessu verið ein alsherjar svaðilför og verður að teljast ólíklegt að hann nái nokkru landi úr þessu. Framganga Láfa minnir um margt á mann nokkurn sem vafraði fótgangandi frá Eyrarbakka í ótryggu veðri um hávetur og ætlaði til Reykjavíkur. Áður en maður þessi komst að Hellisheiði hafði hann dottið ofani þrjá skurði, hálffulla af vatni, orðið fyrir barðinu á vindhviðu sem feykti honum á gaddavírsgirðingu og stungist á höfuðið niður í gjótu sem á vegi hans varð. Og á bæ einum í Ölfusinu var meira að segja sigað á hann grimmum rakka, sem beit han í annan kálfann og reif buxnaskálmina í tættlur frá hné og niðrúr. Ferðin yfir Hellisheiði varð að vonum ein táravekjandi sorgarsaga með vegvillum, byltum og svæsnum reimleikum eftir að tók að skyggja. Viku eftir að hinn ólánssami ferðalangur lagði upp frá Eyrarbakka fannst han freðinn fyrir ofan Elliðavatn, svo illa útleikinn, að stúlkurnar sem gengu fram á líkið hafa aldrei náð sé síðan, ekki verið mönnum sinnandi og grátið flestar nætur af sannri skelfingu.

Og nú stendur til að kæra Láfa Magg fyrir fjárdrátt ofan á alla þá aðra ódrætti sem honum hafa fallið í skaut á síðustu árum. Nú ríður á að Láfi þenji brjóst og sperri stél og segi andskotum sínum að grjóthalda kjafti og fara til fjandans, annars er hætt við að hann verði úti á freðmýrum stjórnmálanna.


mbl.is Saka Ólaf F. um fjárdrátt
Tilkynna um óviðeigandi tengingu við frétt

Sjúkir tóbaksfasistar farnir þefa af fötum fólks

mafia2.jpgSatt að segja væri nær að kenna börnunum í leikskólum Stokkhólmsborgar að reykja fremur en að andskotast í borgarstarfsmönnunum útaf meintum tóbaksþef úr fötum þeirra. Og hverskonar fólk er það sem leggur sig í framkróka með að þefa af fötum annarra? Karlmaður sem er uppvís af því að bregða kvennærbuxum upp að vitum sér á almannafæri er er undantekningarlaust tekinn úr umferð og látinn sæta geðrannsókn. Á sama hátt á að taka tóbaksreykingafasista, eins og þessa í borgarstjórn Stokkhólms, og skikka þá í geðrannsókn til að ganga úr skugga um hvort forsvaranlegt sé að láta þá ganga lausa.

Það fer ekki á milli mála að reykingafasismi er orðinn alþjóðlegt vandamál, sem verður að bregðast við af fullri hörku. Hinum illgjörnu og nautheimsku reykingafasistum virðist algjörlega fyrirmunað að sjá hinn mikla þjóðhagslega ávinning sem felst í að starfsmenn fyrirtækja setjist annað slagið niður og fái sér rauðan winston og kaffibolla. Krafa dagsins hlýtur því að felast í slagorðinu góða: Winstoninn aftur inn á vinnustaðina!


mbl.is Reykpásur bannaðar
Tilkynna um óviðeigandi tengingu við frétt

Þegar lúsin hvarf að mestu úr samfélaginu

lus.jpgEkki eru það góð tíðindi að hin illræmdu samtök, Hells Angels, séu við það að nema land á Íslandi. Það er margfalt meira en nóg fyrir guðsvolaða íslendinga að þurfa að burðast með Sjálfstæðisflokkinn og Framsókarflokkinn svo að Helvítisenglarnir á mótorhjólunum bætist ekki við þá óhuggulegu flóru.

Um aldir herjaði sá hvimleiði fénaður lúsin á skinhoraða kroppa íslendinga. Þegar lúsin lét loks undan og hvarf að mestu úr samfélaginu tóku Sjálfstæðisflokkurinn og Framsókn við og sýndu sig í að vera hálfu verri en lúsin. Og árangurinn hefur heldur ekki látið á sér standa: Kláðagemlingum íhalds og framsóknar tókst loks, eftir harð sókn, að ríða gjörvöllu þjóðfélaginu á slig síðastliðið haust.

Nú er að hefjast, að mér skilst, pólitísk og samfélagsleg aflúsun á Íslandi og liggur mikið við að vel takist til. En ég á nú eftir að sjá að það verði einhverntímann barn í brók.


mbl.is Hells Angels til Íslands?
Tilkynna um óviðeigandi tengingu við frétt

Hjónaband Kolbeins er gegnsýrt af kynlífsþrælkun

fleng_903116.jpgÚt frá hinni skelfilegu frétt um þann geggjaða Garrido og fórnalamb hans, kemur mér í ójálfrátt í hug Kolbeinn, vinur okkar allra, og sá últraterror sem hann hefur mátt þola af frú Ingveldi eiginkonu sinni í stinn 30 ár. Okkur, sem teljumst vinir og kunningjar Kolbeins, hefur aldrei dulist að hjónband hans er gegnsýrt af kynlífsþrælkun og ofbeldi af hendi frú Ingveldar. Frá fyrsta degi hefur frú Ingveldur, af sinni óslökkvandi girndargreddu, notað eiginmann sinn eins og sálarlaust og tilfinningalaust kynlífsverkfæri. Viku eftir viku, mánuð eftir mánuð, ár eftir ár, hefur Kolbeinn mætt til vinu sinnar á morgnana úttaugaður og svefnlaus með svarta bauga undir báðum augum og svo heillum horfinn að minnt hefur einna helst á ofspýtt hundsskinn. Þrívegis hefur Kolbeinn verið vistaður á Kleppi, algeggjaður og með froðu um munnvikin, vegna hroðalegrar meðferðar frú Ingveldar á honum. Þó tók steininn úr hér um árið þegar frú Ingveldur tók uppá að lokka vinkonur sínar í kvenfélaginu Árroðanum til að svala ónáttúru sinni á Kolbeini ræflinum. Þá varð honum svo um, að hann gekk af vitinu í heila sex mánuði.

Síðast þegar ég frétti af heiðurshjónunum Kolbeini og frú Ingveldi voru þau komin með malasískan þjón inná heimilið. Þá fór ekki hjá því að eitt og annað kæmi uppí hugann. Og satt að segja kæri ég mig ekkert um að segja frá því opinberlega hvað ég sá fyrir hugskotssjónum mínum. En Kolbeini verður ekki bjargað úr þessu, svo mikið er víst. Hann er nefnilega löngu ánetjaður dýrslegu soraeðli eiginkonu sinnar og lítur á hana sem frelsara sinn og bjargvætt í lífinu; telur sem sé að hann hefði orðið öskutunnuróni og illþýði ef hann hefði ekki borið gæfu til að kvænast frú Ingveldi.


mbl.is Ber sterkar tilfinningar til Garrido
Tilkynna um óviðeigandi tengingu við frétt

Til hvers að fara í nærbuxur, eska?

ass1Yfirlýsing bjartsýnisboltans Gunnars Jósefssonar, þess efnis að hann ætli að opna vídeó sitt aftur eins fljótt og auðið er eftir að eldur hafi verið lagður að því, minnir mig á samtal tveggja heiðurseinstaklinga fyrir 35 árum. Þannig var að maður nokkur, mætur og glaðsinna, hringdi í frillu sína laust eftir hádegi á sunnudag og óskaði eftir að hún kæmi til fundar við sig. Frillan var eitthvað treg til, kvaðst ekki vera komin á fætur, auk þess hálfslöpp og af sér gengin eftir jörvagleði laugardagins. Minn maður var ekkert uppá það kominn að gefast upp við svo búið og eggjaði frillu sína lögeggjan að hafa sig á kreik. Loks kom þar að, að frillan var að því komin að láta undan þrýstingnum og sagði sem svo, að þá yrði hún víst að byrja á því að fara í nærbuxurnar. - Til hvers eska?, spurði maðurinn forviða. - Til hvers að fara í nærbuxur eska?, - það er bara til að fara úr þeim aftur, eska. Við að heyra skoðun elskhugans á umræddu nærbuxnamáli féll frillunni allur ketill í eld og afþakkaði alfarið heimboðið með þeim orðum að hún væri fárveik, með 40 siga hita og bullandi niðurgang.

En næstu helgi var frúin búin að ná sé að fullu og brunaði eins og tignarleg freigáta til fundar við kunningja sinn magakveisulaus, hitalaus, og að sjálfsögðu nærbuxnalaus!

Já, eska. 


mbl.is „Opnum eins fljótt og hægt er“
Tilkynna um óviðeigandi tengingu við frétt

Það verður stríð ef eineltinu linnir ekki

Einkathotur-rikisstj-geir_1152654354Það er með eindæmum hvað helvískum dönunum er umhugað að koma óorði á íslendinga. Við munum öll þegar þessi gerpi réðust eins og hýenur að íslenskum fjáraflamönnum og íslensku efnahagslífi með fáheyrðu orðbragði um sjónhverfingar, spilingu og yfirvofandi hrun. Þá vildi svo vel til að við höfðum einörð stjórnvöld og grandvör, sem brugðust við dónaskap dananna með því að senda Gjeir forsætisráðherra og skörunginn Ingibjörgu Sólrúnu á vettvang til að skakka leikinn og troða lygum dana óþvegnum ofan í kokið á þeim.

En illgjörnum dönum er ekkert heilagt þegar Ísland og íslendingar eiga í hlut. Nú ráðast þeir af heift á íslenska ferðakonu og bera henni á brýn að hafa í fórum sínum eiturlyf í föstu og blautu formi. Auðvitað er þessi áburður á konuna helber lýgi, það segir sig sjálft. Við þessum tíðindum verða stjórnvöld að bregðast, eki síðar en í dag. Nú verður Jóanna að gjöra svo vel að taka Steingrím J. með sér til Danmerkur og freista þess að frelsa konuna og troða aðdróttunum dana í hennar garð oní rassgat á þeim. 

En eitt er víst: Ef einelti dana á hendur okkur linnir ekki verðum við að leita hefnda. Í því sambandi liggur beinast við að taka Færeyjar af dönum, með vopnavaldi ef ekki vill betur. Það verður stríð. Meira segi ég ekki.


mbl.is Stöðvuð í Billund
Tilkynna um óviðeigandi tengingu við frétt

Samansafn höfuðveikra skammarkvikinda eða glæpasamtök?

RæningiBjarni Ben II og aðrir hottinteglar og skoffín í Sjálfstæðisflokknum ættu að láta ógert að tala opnberlega um að ríkisstjórnin eigi að segja af sér. Þessháttar ósmekklegur kjaftháttur hljómar eins og þegar brennuvargar hafa á orði að nauðsynlegt sé að reka slökkvilið burt frá brennandi húsi. En svokallaðir ,,sjálfstæðismenn" kunna ekki að skammast sín og eiga víst aldrei eftir að læra þá list, vegna þess að fluga nokkur hefur komið því inn í heilabú þeirra lítil, að þeir eigi allt og megi allt.

Látum nú vera ef Sjálfstæðisflokkurinn væri einugnis samansafn höfuðveikra skammarkvikinda. Þá væri óþarfi að hafa nokkrar áhyggjur. Staðreyndin er hinsvegar sú, að Sjálfstæðisflokkurinn er fyrst og fremst slóttug glæpasamtök, sem tekist hefur að gera Ísland að einu alsherjar ræningjabæli og hórdólga, sem komið hefur þjóðinni á vonarvöl fátæktar og landflótta.

Í ljósi ofangreindrar staðreyndar er algjör óþarfi að láta dragast úr hömlu að ganga hreint til verks og banna þessi skugglegu samtök ódáma og óyndismanna með lögum frá Alþingi. Það varðar nefnilega við þjóðarhag og þjóðaröryggi að láta illræmd mafíusamtök, jafnvel þó þau sigli undir fölsku flaggi stjórnmálaflokks, fá að athafna sig að vild eins og ekkert hafi í skorist. Tómlæti réttkjörinna stjórnvalda gagnvart slíkri vá flokkast hiklaust undir glæp gegn fólkinu í landinu.   


mbl.is Víki verði fyrirvörum hafnað
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband