Er verið að draga vísvitandi dár að fólki undir rós?

Ekki get ég að því gert, en þegar ég sé einhvern fjölmiðill freistast til að leita eftir áliti Einars Kr. Guðfinnssonar varðandi mál sem er til umfjöllunar, fæ ég alltaf á tilfinninguna að viðkomandi fjölmiðill sé að draga dár að lesendum sínum eða áheyrendum undir rós.

Froðusnakkurinn Einar Kr. er nefnilega þess eðli,s að með ólíkindum er slíku mannkerti skuli vera otað til þings. Og með enn meiri ólíkindum að nokkur heiðvirður maður skuli glepjast til að greiða framboðslista með Einar Kr. Guðfinnsson innanborðs atkvæði sitt.

Æ ofan í æ, kosningar eftir kosningar, óð þessi slápur um gjörvalla Vestfirði og laug því að fólki að hann væri alltaf að berjast á móti fiskveiðistjórnarkerfinu og hann mundi alltaf og ætíð berjast á móti þessu kerfi sem væri að leggja Vestfirði í rúst.

Svo gerðist það einn vondan veðurdag að Einar Kr. var dubbaður upp í embætti sjávarútvegsráðherra. Þann sam dag kom í ljós með hverjum Einar sjávarútvegsráðherra stóð. Sem sé með LÍÚ, Halldóri Ásgrímssyni, Hannesi Hólmsteini og Ragnari Árnasyni.

Allt í einu stóð fólkið á Vestfjörðum, sem hafði margsinnis kosið ljósrauðhærða bolvíkinginn til að berja á kvótakerfinu, frammi fyrir þeirri nöturlegu staðreynd að drengurinn var orðinn argvítugur stuðningsmaður þessa sama kvótakerfis og hafði sennilega aldrei verið annað.

Það ætti enginn fjölmiðlamaður, sem hefur hug á að vera tekin alvarlega, að skreyta fréttir sínar með viðtölum við Einar Kr. Guðfinnsson eða vitna í þann mann. Slík fréttamennska er dæmt til að vera marklaus með öllu.     

Óvíst um sjálfstæðisatkvæði

Hanezarguðspjall, upprisan sem aldrei verður og dómur sögunnar

Samkvæmt Hanezi Holmstone eiga örlög Davíðs Oddssonar skýra samsvörun í sjálfri píslarsögu frelsarans, Jesú Krists. Á sama hátt og Kristur var heilagur maður og þar með syndlaus, er Davíoddson einn íslendinga saklaus af hruninu mikla í fyrrahaust. Aleinn barðist Davíð gegn djöflum og andskotum í líki vondra kapítalista og Ólafs á Bessatöðum og dó að lokum pólitískum píslarvættisdauða þegar óþverrafólk fleygði honum á mjög óvirðulegan hátt útúr Seðlabankanum og þar með íslenskum stjórnmálum. Í heilögu Hanezarguðspjalli er frá því sagt að ólmur lýður, með Jón Ásgeir og Ólaf á Bessastöðum í broddi fylkingar, hafi krossfest Davíoddson einann á Arnarhóli og sé hann þar með æðri kommastráknum frá Nasaret sem fékk tvo ræningja krossfesta sér til samlætis.

Og nú er bara að bíða og sjá hvort guðspjallamanninum Hanezi auðnist að bæta upprisukafla í anda Nýja testamentisins við helgirit sitt um Davíoddson.

 En upprisukafli Hanezarguðspjalls mun aldrei líta dagsins ljós. Dómur sögunnar yfir Davíð Oddssyni verður skýr og afdráttarlaus á þá leið að hann hafi verið þjóð sinni til mikillar óþurftar og tvímælalaust versti forsætisráðherra Íslenska lýðveldisins.

Hinir vammlausu

Þrjú tilbrigði við heilahristing

Ég veit um mann, sem fékk líka vægan heilahristing eins og Guðrún Sóley, þegar hann datt fram úr rúminu sínu. Þessi maður hafði verið að snúa sér steinsofandi í bælinu, en því miður í öfuga átt. Því fór sem fór. Svo þekki ég annann mann sem fékk vægan heilahristing af því bera sóknarpresti sínum hórdóm á brýn. Sóknarpresturinn svaraði aðfinnslum mannsnis með því að berja hann í höfuðið með brúnflekkóttri tík sem maðurinn átti. Þá mun ég aldrei gleyma þegar skipsfélagi minn fékk yfir höfuðið þegar rann af honum og hann sá ölvunarafrek sín í nýju ljósi. Hann hafði selt óprúttum náunga blíðu sína fyrir flösku ákavíti. Yfirbugaður af hrottafengnum höfuðverk, sem hann fékk útaf þessum viðskiptum, reyndi hann að svipta sig lífi með því að hengja sig, en datt útaf stólnum áður en honum tókst að smeygja snörunni yfir höfuðið á sér og handleggsbraut sig á báðum höndum og þar með var umsvifum hans lokið.   

EM: Guðrún Sóley fékk vægan heilahristing

Þegar Kolbeinn pissaði á götuna fyrir framan heima hjá sér

Nú fer því víðsfjarri að athæfi þvagmannsins á Ísafirði um helgina sé einsdæmi í íslandssögunni. Til dæmis var Kolbeinn, félagi okkrar allra, tekin fastur síðla kvölds fyrir að pissa á götuna fyrir framan heimili sitt. Svo illa vildi til, að drukkin lögregluþjónn sá til Kolbeins við iðju sína og smeygði á hann handjárnum og hugðist teyma hann á lögreglustöðina. En svo var lögregluþjónninn glámskyggn vegna ölvunarinnar, að í stað þess að fara með Kolbein á lögreglustöðina fór hann með hann beint útá Umferðarmiðstöð og reyndi að læsa hann þar inni á klósettinu. Fyrir þessi mistök var lögregluþjóninum vikið úr starfi en Kolbeinn var sektaður um 25 þúsund krónur.

Um kvenmannsbelginn sem hrapaði niður af stillansinum þar vestra er ekkert að segja. Henni er aðeins hægt að óska til hamingju með vel heppnaða lendingu.

Pissaði framan við lögreglustöðina

Hörmung fótboltakerlinganna, skömm og hneisa

Svo að ég komi mér beint að efninu, þá var leikur íslenska kvennalandsliðsin hrein hörmung; hrein og bein andskotans skömm og hneisa. Þegar frábær dómari leiksins flautaði hann af tók ég sjónvarpstækið úr sambandi og bar það út í ruslatunnu. Það verður víst bið á, að það verði horft á fótbolta í því sjónvarpi.

En eins og fyrr segir, þá voru knattbrögð íslensku fótbotakerlinganna allt í senn: hörmung, skömm og hneisa. Eftir að hafa tekist að blóðga tvær frakkastúlkur á sannfærandi hátt láku þær íslensku niður eins og margarín á pönnu. Þessi óhugnarlega frammistaða færir okkur þó fyrst og fremst óræka sönnun fyrir þeirri gamalkunnu staðreynd, að best sé að láta renna alminnilega af leikmönnum knattspyrnuliðs áður en það er sent inná völlinn.

Að lokum vil ég fá viðunadi skýringu á, af hverju Eiður Smári Guðjohnsen var ekki í landsliðinu á móti fransmönnum í dag. Hún hefur verið að gera það gott útí heimi að undanförnu telpan sú arna.

EM: Ísland tapaði fyrsta leiknum

Þeim verður aldrei fyrirgefið

Mér kemur þessi Hreiðar Már fyrir sjónir eins og ölvað viðrini sem dottið hefur niðrum gatið á gamaldags útikamri og er nýskriðið uppúr hroðanum og heldur því blákalt fram að hann sé hvorki óhreinn eða blautur. Slíkur málflutningur er að sjálfsögðu vorki fugl né fiskur og svo fáránlegur að það er ekki einusinni hægt að hlægja að honum. Hreiðari Má og örðum ódámum af hans banka- og viðskiptakalíberi verður aldrei fyrirgefið þó svo að þeir lægju á hnjánum úti á götu heilan vetur fyrir hunda og manna fótum. Það eina sem þetta voðalega fólk, sem sneri þjóð sína niður á svellbunka græðginar, getur gert úr því sem komið er, er að afsala sér öllum sínum eignum til þjóðarinnar, hverri einustu krónu, hvort heldur þær eru geymdar undir koddanum, Tortólu, Tvítólu eða hjá rússnesku mafíunni. Að svo búnu eiga dólgarnir að hafa vit á að láta sig hverfa til ævilangra ólaunaðra líknarstarfa í Afríku eða á Indlandi eftir að hafa afpánað sína fangelsislegu refsingu. 

Annarra að biðjast afsökunar

Hroðalegar aðfarir Sjálfstæðisflokksins kalla á aðgerðir

Hvurskonar bölvað ekkisens kjaftæði er þetta? Það er engin sérstök ,,skrímsladeild" innan Sjálfstæðisfokksins. Þessi ógeðfelldu þorparasamtök eru ein alsherjar skrímsladeild ef útí þann sálm væri farið. Verst er þó að mafíuselskapurinn, sem er svo kaldhæðin að kenna sig við ,,sjálfstæði", skuli enn fá að starfa eins og ekkert hafi í skorist. Viðleitni stjórnvalda við að endurreisa Íslands eftir hroðalegar aðfarir Sjálfstæðisflokksins í hart nær tvo áratugi kallar að sjálfsögðu eftir lögum sem setja skorður við stjórnmálaöflum eins og Sjálfstæðisflokknum og framsóknarmafíunni.

Bjarni friðar „skrímsladeild“

Heilsubótarsíðan frjalshyggjufelagid.blog.is

Hér á moggablogginu er rekin ein aldeilis sérlega upplífgandi síða, sem er þeirrar sjaldgæfu náttúru að koma manni, ef svo má segja, í gott skap. Hér á ég auðvitað við bolggsíðuna http://www.frjalshyggjufelagid.blog.is sem er eins og nafnið bendir til harðsnúin afurð sjálfs Frjálshyggjufélagsins hvar Hanez Holmstone og Davíð eru tilbeðnir af miklum þrótti allan sólarhriginn.

Eitt af helstu baráttumálum Frjálshyggjufélagsins er lögleiðing kannabisjurta, afurða sem úr henni eru unnin og neysla þeirra. Engu er líkara en meðlimir hins frækna Frjálshyggjufélags hafi komið sér upp einbeittum vilja til að reykja sig í rot af hassi og grasi hvern einasta dag. En af því að frjálshyggjumenn eru afar löghlýðnir borgarar vilja þeir svæla úr sér meðvitundina á löglegan hátt, ekki ólöglegan eins og þeir hafa orðið að neyðast til fram að þessu.

Ég er viss um að djúp sorg hefur lagst yfir hjörtu hinna kannabis-marineruðu frjálshyggjusálna þegar fréttu af árás Héraðsdóms Norðurlands vestra á kannabisfeðgana í Húnavatnsýslu. Það er nefnilega herfilegt ófrelsi, mannréttindabrot, forsjárhyggja, afskiptasemi og mannvonska, að mati félaga í frjálshyggjunni, að bjóða fólki uppá óþverra eins og landslög og meðfylgjandi reglugerðir.

Ef einhver er dapur í sinni, í þunglyndi eða þjakaður af geðfýlu, þá er gott ráð fyrir hann/hana að heimsækja bloggsíðuna góðu, http:/frjalshyggjufelagid.blog.is sér til heilsubótar.

Feðgar dæmdir fyrir kannabisræktun

Óöld í ríki Stjörnusýslumannsins dyggðum prýdda

Ég veit ekki hvernig á því stendur, en mér finnst einhvernveginn að lögbrjótar gefi sér meira lausan tauminn í Árnessýslu en í öðrum sýslum á landinu. Reynist tilfinning mín fyrir þessu grafalvarlega málefni rétt, er nærtækast að ætla að í Árnessýslu séu yfirvöld svo vönkuð og dofin að glæpamönnum finnist tilvalið að láta gamminn geysa þar um slóðir eins og þeim lystir. Þó hélt ég að Árnesingar byggju svo vel að eiga einhvern naftogaðasta dyggðum prýddasta Stjörnusýslumann landsins.

Það er einhver fjárinn í þessu dæmi sem ég kem ómögulega saman og heim.

Það er til dæmis yfirmáta dularfullt og kúnstugt að lögreglan á Selfossi, sem heyrir beint undir Stjörnusýlumanninn ógurlega, skuli ekki hafi rankað við sér fyrr en blindfulli sextugi karlinn var búinn að keyra jeppann sinn útaf og ofan í skurð. Þessir kauðar hafa greinilega aldrei heyrt fyrsta boðorð lögreglumanna: Á skal að ósi stemma - með lögum skal land byggja.

Nú verður Stjörnusýslumaðurinn á Selfossi að gjöra svo vel að rífa uppum sig buxurnar og hunskast til að gera lögregluþjóna sína að Lögreglumönnum, annars mun Árnessýsla líða undir lok vegna óheftra afbrota, glæpa, stigamennsku og ölvunaraksturs. 

Grunaður um ölvunarakstur

Ja, heyra á endemi - fnuhh!

Leikkonunni Álfheiði Ingadóttur, stór-hluthafa í VG ehf. og fiskeldisdrottningu, munar ekki um að tjá borgaralega hneykslun sína á bónusgreiðslum í subbufélaginu Straumi Burðaráss. Ef ég þekki hina staffírugu flokkseigandakollu rétt myndi hún ekki fúlsa við að vera meðlimur í bónusagreiðsluliði Straums Burðaráss.

Það er náttúrulega ömurlegt hlutskipti fyrir heiðarlega félaga í VG að þurfa að dröslast með gíruga einstaklinga, og það í sjálfum þingflokknum, sem telja að sitt verðugasta hlutverk í lífinu sé að leika sósíalista og umhverfisverndarfrömuði. Svona gemsar eiga fátt annað skilið en að stunda kvikmyndaleik hjá Hrafni Gunnlaugssyni.

Sameinumst í bæn til Drottins: Almáttugi faðir á hymmnum, losa þú oss VG-liða við Álfheiði, Árnar Þór og Svavarsvæðinguna. Amen. 

Furðar sig á bónusgreiðslum