Auðvelt fyrir Steingrím J. að skipta um ráðherra

Það ætti að vera auðvelt fyrir Steingrím J. að skipta um ráðherra VG í ríkisstjórninni. Hann á vitaskuld að vísa undirmálsráðherrum sínum, þeim Álfheiði Ingadóttur, Svandísi Svavarsdóttur og Katrínu Jakobsdóttur á dyr og taka í þeirra stað inní ríkisstjórnina þau Ögmund Jónasson, Guðfríði Lilju Grétarsdóttur og Lilju Mósesdóttur. Þar með væri komið fólk til starfa sem hefði í fullu tré við gamla gráa kattarláfujafninginn í Samfylkingunni.

Ekkert verið rætt um að víkja úr ráðherrastólum

Sem minnir á að nauðsynlegt er ...

Auðvitað er full þörf á að girða hraunið á Fimmörðuhálsi af til að varna óvitum frá að fara sér að voða. Sem minnir á að nauðsynlegt er að girða sjálfstæðis- og framsóknarmenn af innan mannheldrar girðingar uppá öræfum til þess að þeir geri ekkert af sér.

Hraunið verður afgirt

Það eru ekki bara samkynhneigðir sem koma útúr skápum

Kolbeini Kolbeinssyni mun aldrei líða úr minni nóttin sem hann dvaldi í svefnherbergisskápnum hjá Elísabetu Guðmundsdóttur, framkvæmdastýru eignasviðs Frónsbanka. Tildrög málsins voru á þá leið, að Kolbeinn var staddur í hjónaherbergi Elísabetar þegar eiginmaður hennar kom óvænt heim. Morguninn eftir, þegar karlhólkurinn Elísbetar var horfinn á braut til vinnu sinnar, kom Kolbeinn útúr skápnum og tók til við sömu iðju með framkvæmdastýrunni og hann hvarf frá kvöldið áður, þegar eiginmaður hennar kom heim.

Hér verður ekki sagt frá upplifun Kolbeins í skápnum og er lesendum því bent á að leita annað ef þeir vilja verða sér útum fróðleik í klámi.

Ricky Martin kominn út úr skápnum

Ætlar Sjálfstæðisflokkurinn að bjóða fram í Garðabæ ???

Það er hreint með ólíkindum að Sjálftæðisflokkurinn skuli voga sér bjóða fram lista í hinum og þessum sveitarfélögum í vor; raunar er óskiljanlegt að þessi illræmdu samtök hafi starfsleyfi hér á landi eftir það sem á undan er gengið. Það verður æ áleitnari spurning hvað Sjálfstæðisflokkurinn þurfi að gera mikið af sér svo að hann verði bannaður með lögum, rétt eins og þjófnaður og nektardans eru bönnuð með lögum.

Hinsvegar er ekki hægt að gera kröfu til svokallaðra ,,sjálfstæðismanna" að þeir hafi nægilegt vit og siðferðisvitund til að draga sig orðalaust í hlé og leggja félagsskap sinn niður. Siðblindir fá ekki sjón nema fyrir kraftaverk og slík kraftaverk eru því miður ekki í boði nú til dags.

Það vekur því vissulega mikla furðu, að ,,sjálfstæðismenn" í Garðabæ skuli vera svo bíræfnir að leggja fram lista fyrir bæjarstjórnarkosningarnar í vor. Auðvitað eru það sár vonbrigði, að horfa uppá að fólk geti ekki séð að sér. En mannlegri ófullkomnun eru í blindu sinni fá takmörk sett þegar yfirgangur, græðgi og forheimskun eru annarsvegar.

Vel getur verið að það hljómi sakleysilega að stilla 33 ára aðstoðarframkvæmdastjóra og kennara, 48 ára framkvæmdastjóra og 51 árs framkvæmdastjóra upp hlið við hlið á framboðslista. En þegar þess er gætt að umrætt framkvæmdastjóratríó stendur fyrir auðvald, frjálshyggjuóra og ójöfnuð fer gamanið að kárna. Sjálfstæðisflokkurinn er að sönnu þjóðfélagssjúkdómur, illkynja krabbameinsæxli í þjóðarlíkamanum, sem var hérumbil búinn að sálga landi og þjóð fyrir rúmu ári síðan.

Það kýs sér enginn að fá krabbamein, - slíkt hið sama ætti að eiga við um Sjálfstæðisflokkinn, ef allt væri með felldu.  

Áslaug Hulda leiðir listann

Blaða- og fréttamenn hafðir af fíflum

Núnú, - það fór sem flestir hugðu: Framsóknarflokkur Halldórs, Finns og Walgerðar sendi strengjabrúður sínar á blaðamannafund til að kynna andlausar tillögur um þjófasátt. Mér skilst að þeir blaða- og fréttamenn, sem mættu til fundar við stuttbuxnaleggina úr Framsókn séu ævareiðir þessa stundina og líði eins og þeir hafi hlaupið hlálegan 1. apríl; verðið hafðir að fíflum. Þekktur fréttahaukur, sem hlýddi á boðskap halldórsogfinnsunganna, sagði eftir fundinn við nærstadda, að næst þegar hann færi á ,,blaðamannafund" með þessum leiðindaskjóðum ætlaði hann að hafa hafnarboltakylfu í farteskinu til að veita þeim ærlega ráðningu með, ef á þyrfti að halda. 

Vilja endurskoða samstarfið við AGS

Skörungar bera fram þjófasátt úr búri Maddömunnar

Það mega leikskólaungar gömlu Framsóknarmaddömunnar eiga, að þeir geta stundum verið gamansamir, en bara stundum. Oftast eru þeir þó leiðinlegir og það úr hófi fram. Nú ku þessir voluðu krossberar Halldórs Ásgríms, Finns og Walgerðar ætla að halda blaðamannafund og kynna ,,þjóðarsátt" eða ,,þjófasátt" (sama hvort er) sem þeir hafa vísast fundið annaðhvort í næturgagni Finns eða Maddömunnar sjálfrar. Þessum óþverra hyggjast skörungarnir, Sigmundur Davíð og Vígdís Hauks, ætla að skvetta framaní saklausan almúgann, með þeim orðum að betra sé að vera auðvaldshækja og auðvaldsmella en heiðarlegur borgari.

Framsókn boðar þjóðarsátt

Fróðleikur um trébelli fyrri tíðar

Óhollusta kynlífsleikfanga er síður en svo nýtt vandamál. Hér fyrr meir voru fryggðargandar ævinlega smíðaðir úr tré og báru oft á tíðum vitni um listrænt handbragð og gott auga fyrir útskurði þeirra er framleiddu gripina. Einn var þó heldur hvimleiður fylgifiskur trégandanna, en það voru flísarnar. Til dæmis voru furubellir varhugaverðir í því sambandi, en fura er afar flísagjörn trjátegund og vandmeð farin í kynlífsiðnaði. Í læknaskýrslu frá því fyrir miðja síðustu öld, má lesa ófargrar frásagir um glímu samviskusamra lækna við fjarlægja furuflísar úr viðkvæmustu stöðum mannslíkamans.

Eikin þótti skárri en furan sem efni í gerfilóka, bæði sterkari og flísaminni, auk þess sem auðveldlega mátti rota karla jafnt sem konur með því verkfæri. Þó átti eikin til að springa þegar minnst varð og var þá ekki óalgengt að notandinn fengi langa og grófa flís í sig sem erfitt var að fjarlægja.

Árið 1959 voru fryggðargandar úr tré bannaðir á Íslandi. Bannið var nokkuð umdeilt á sínum tíma, því kvenfélagskonum þótti það höggva full nærri því frelsi sem hverri konu væri nauðsynlegt að hafa á líkama sínum. En svo tók plastið við og síðan hafa allir verið sáttir.

Görótt kynlífsleikföng

Síra Baldvin sakaður um kynvillu er hann sókti um brauð

Þegar síra Baldvin sókti um Barmahlíðarprestakall á sínum tíma, sóktu Bjarni Björnsson cand. theol og séra Jórunn Ösp Friðfinnsdóttir líka um sama brauð, þannig að kjósa þurfti á milli þeirra þriggja. Í prestskosningarbáráttunni bar helst til tíðinda, að stuðningsmenn og konur séra Jórunnar Aspar komu þeim orðrómi af stað innan prestakallsins, að síra Baldvin væri kynvilltur og rökstuddu þá kenningu með þeirri staðreynd að hann væri ógiftur og ekki í tygjum nokkurn kvenmann svo vitað væri. Fyrir tilviljun eina barst síra Baldvini þessi óviðkunnanlegi rymtur til eyrna. Hann hófst þegar handa við að komast að uppruna svívirðunnar og bárust böndin fljótlega að séra Jórunni Ösp og hennar postulum. Þegar hið sanna lá ljóst fyrir lagðist síra Baldvin á bæn og bað Drottinn himinhæða að hjálpa sér við að leita að séra Jórunni Ösp. Og Drottinn brást fljótt og vel við bón síns elskaða þjóns og vísaði honum beint á séra Jórunni Ösp þar sem hún sat yfir kaffibolla á bænum Þverholti og fræddi heimilisfólkið þar á ónáttúrlegum kynlífskenndum síra Baldvins. Og síra Baldvin var ekkert að tvítóla við það sem hann hafði í huga. Hann teymdi séra Jórunni Ösp bæ frá bæ, hús úr húsi og léta hana kunngera fólki, að hún völd að orðrómnum um meinta kynvillu síra Baldvins; og að tilgangurinn með róginum hefði átt fæla sóknarbörn Barmahlíðarprestakalls frá því kjósa slíkan öfugugga til prestsstarfa.

Eftir snöfurmannlega framgöngu sína í kynvillingsmálinu sigraði síra Baldvin prestskosninguna með fáheyrðum yfirburðum.

Nokkrum mánuðum síðar var séra Jórunni Ösp veitt gott brauð í prestakalli þar sem sjálfstæðisflokksmenn eru afar fjölmennir.       

 

Sex sækja um brauð á Akureyri

LÍÚ-elskandi þingskörungur slekkur í dónalegum ráðherrum

Það er fram úr máta gleðilegt, að vér Íslendingar skulum eiga annan eins þingskörung og Unni Brá Konráðsdóttur, sem er svo mikill þingskörungur að hún slagar hátt uppí Vígdísi Hauksdóttur hvað þinskörungsskap áhrærir. Ekki undrar mig, að það hafi snert hjartað í mörgum, þegar féttist að áminnst Unnur Brá hafi blásið til utandagskrárumræðu á Alþingi í dag útaf bölvaðri skötuselsófreskjunni, sem eyðilagði sjálfann ,,stöðugleikasáttmálann" í gær. Að sjálfsögðu mæltist Unni Brá einkar vel, enda innblásin af þeirri heift sem einkennt hefur orðræður forystumanna LÍÚ undanfarið, svo ekki sé minnst á vemmilega grátstafi Vilhjálms Egilssonar og auðvaldskjökur Gylfa Arnbjörnssonar. Með vel heppnaðri ræðu sinni tókst Unni Brá að kveða bæði Jóhönnu Sig. og Steingrím J. í kútinn á sannfærandi hátt. Vissulega reyndi Jóhanna að brúka kjaft og Steingrímur líka, en Unnur Brá slökkti jafnhraðan í ráðherrum forsætis og fjármála eins og sígarettustubbum og naut við það liðsinni LÍÚ elskandi flokkssystkyna sinna. 

  

Hvetur SA til áframhaldandi samstarfs

Afar umdeilt ákvæði, segir mbl.is

Það má svo sem vel vera, að þeim sem hringsnúast alla daga í meltingarfærum LÍÚ og innsta kjarna Sjálfstæðiflokksins, finnist bráðabirgðaákæðið, sem heimilar sjávarútvegsráðherra að auka skötuselskvóta og úthluta þeirri aukningu til útgerða með gjaldi, vera umdeilt. Sannleikurinn er hinsvegar sá, að þorri landsmanna tekur þessu ákvæði fagnandi, en sem kunnugt er vilja um það bil 80% þeirra að núverandi kvótakerfi verði lagt af.

Þó svo að auðvaldsvillingarnir í LÍÚ hafi gert allt sem þeir hafa getað til að stöðva að ,,skötuselsfrumvarpið" svokallaða verði að lögum og meðal annars fengið nytsama sakleysingja í sveitarstjórnum og verkalýðsfélögum til lið við sig, þá lætur þjóðin sér þessháttar rassborureyk sem vind um eyru þjóta. Mulningsvélin, sem ætlað er að mala niður kerfi kvótaböðlanna, er komin í gang og lögð af stað. Það verða eflaust einhver öskur og vein í velunnurum kvótakerfisins í þann mund og þeir steypast eins og vængstýfðir þúfutittlingar ofan í mulningsvélina, en það tekur enginn vitiborin maður tillit til þessháttar hávaða.

Skötuselsfrumvarp að lögum