Leita í fréttum mbl.is

Bloggfærslur mánaðarins, apríl 2014

Sanngjarnir menn vilja láta hengja óbermið án dóms og laga

hangi2.jpgSamfylkingarmaðurinn Stráss-Khan stendur ævinlega í ströngu og sækja að honum djöflar og andskotar úr öllum áttum. Hann hefir átt í höggi við vaninhyrndar nornir, stórbilaða samfylkingareðjóta og hálfholdgaða drauga aftan úr forneskju. Nú bætist forhertur melludólgur í Belgíu í hóp þeirra er telja mikið sport í að ofsækja Stráss-Khan, og var sá fénaður víst nægilega fjölmennur fyrir.

Auðvitað er tiltæki melludólgsins, að nefna hórubæli sitt eftir heiðursmanninum Stráss-Khan, viðbjóðslegra en orð fá lýst og ekki nema von að Stráss-Khan bregðist ofsareiður við. Það er einróma skoðun sanngjarnra og góðgjarnra manna, sem hafa kynnt sér málavöxtu, að stjórnvöld í Belgíu eigi að handsama melludólginn og hengja hann umsvifalaust án dóms og laga og leggja eld að hóruhúsi þessa svívirðilega manns.

Nú er komið uppúr dúrnum, að bölvaður hórmangarinn atarna er einn af þessum stæku öfgafullu samfylkingarmönnum sem hafa beint samband við höfuðstöðvar ESB í Brussel (við könnumst við soleiðis villiminka hér á Íslandi). Þetta samband við ESB er að sjálfsögðu illyfirstíganleg hindrun fyrir Stráss-Khan í viðleitni hans til að ná fram sjálfsögðu réttlæti í þessu dæmalausa máli.
mbl.is Strauss Kahn í mál við hórmangara
Tilkynna um óviðeigandi tengingu við frétt

Harðsvírað og mannskætt illfygli

fugl1Krían er harðsvíraðasta og mannskæðasta illfygli sem sögur fara af. Ekki lætur þessi endemis vargur sér nokkurst tækifæri úr greipum ganga við að reyna að myrða fólk, börn jafnt sem fullorðna. Við höfum heyrt hræðilegar sögur af því hvernig kríur hafa ráðist á fótgangandi vegfarendur og höggvið goggum sínum gegnum höfuð þeirra inní miðjan heila. Þið munið vafalaust eftir því þegar margar kríuherdeildir lögðu til atlögu við hóp barna og hjuggu þau soleiðis í spað að þau vóru óþekkjanleg á eftir og máttu liggja öll sem eitt á sjúkrahúsi í marga mánuði.

Það er því hreint með ólíkindum, að til skuli vera fólk sem fagnar komu þessa mannhatursfulla vágests.
mbl.is Krían kom á sumardaginn fyrsta
Tilkynna um óviðeigandi tengingu við frétt

Ég tel mig vita hver þar var að verki

kol6_1223105.jpgÉg er svo aldeilis yfir mig hneykslaður. Að manneskjugarmurinn skuli hafa vogað sér að reykja inni á salerni, og það það í flugvél, og blindfull í þokkabót. Svona drós á að hneppa í fangelsi, eða loka inni á vitfirringahæli. Ætil farþegarnir hafi ekki orðið ofboðslega hræddir þegar hún fór að strompa á klósettinu? Það hlýtur bara að vera.

Ef mér skjátlast ekki því meir, þá hefur þetta annaðhvort verið frú Ingveldur eða Máría Borgargagn sem drýgði þennan hryllilega glæp. Að reykja inni á flugvélarklósetti! ... ekki nema það þó. Síðast þegar Máría Borgargagn reykti inni í taðhúsi flugvélar, sté flugstjórinn sjálfur fram á vígvöllinn og flengdi Borgargagnið á bert rassgatið fyrir framan alla farþegana. Það sem eftir var ferðarinnar lét hún lítið fyrir sér fara, en flugfreyjurnar urðu að leggja kalda bakstra á þjóhnappana á henni svo ekki hlypi bólga í þá.

Af flugferðum frú Ingveldar er það að segja, að skjaldan hefur annar eins flugdólgur í kvenmannsmynd flogið um loftin blá. Karlkyns flugþjóni svipti hún með hreðjataki uppí sætið til sín og lét hann kynnast því hvað íslenskar valkyrjutruntur geta gert þegar galsi er í þeim. Síðan þessi atburður gerðist hefir flugþjónninn verið algerður öryrki og ekki mönnum sinnandi.
mbl.is Ölvuð reykti á salerni í flugvél
Tilkynna um óviðeigandi tengingu við frétt

Nýjasta útgáfan af framsóknarlistanum - tvær dásamlegar viðhafnarskessur komnar á blað

xb4_1233509.jpgÁ síðustu millimetrunum, áður en lagst var að bryggju, tóku þeir Gvöðna og köstuðu honum fyrir borð. Þeir í skuggaráðuneyti Framsóknarflokksins kváðust sem sé ekkert uppá það komir að lyfta einhverjum seppa úr fjarlægri sveit uppí efsta sæti í Reykjavík, honum væri hvort eð er ekki treystandi fyrir næsta húshorn. Auk þess að taka í hnakkdrambið á Gvöðna og mismuna honum út fyrir borðstokkinn á framboðslistanum förguðu þeir Jóni Gnarr af listanum. Þetta kalla þeir í skuggaráðuneyti Framsóknar ,,tímabæra hundahreinsun."

Í stað Gvöðna og Gnarrsins dró skuggaráuneytið uppúr pússi sínu dásamlegar heiðursskessur, sem bera svipmót gömlu Framsóknarmaddömunnar í hverjum andlitsdrætti. Önnur þeirra hefur að vísu legið í gröf sinni um hríð, en það gerir ekkert til því Framsókn er, ekki síður en Guði Almáttugum, allt mögulegt.

Nýjasta útgáfan af 11 efstu sætunum á lista Framsóknarflokksins fyrir borgarstjórnarkosningarnar í Reykjavík 2014 hljóðar því svo í Maddömunnar heilaga nafni:

1 Jónína Bjartmarz tengdamóðir
2 Ólafur Ólafsson bóndi og útgerðarmaður Miðhrauni I
3 Finnur Ingólfsson hitaveitumælaeigandi
4 Alfred Þorsteinsson snillingur
5 Halldór Ásgrímsson
6 Þórólfur Gíslason kaupfélagsstjóri
7 Valgerður Swerrisdaugther framsóknarkona
8 Páll Pétursson framsóknarmaður
9 Alfred Þorsteinsson orkuveitusérfræðingur
10 Björn Ingi Hrafnsson núllognix
11 Jónas Jónsson fyrrverandi ráðherra, þingmaður, ritstjóri, skólastjóri o.s.frv.
mbl.is Guðni gefur ekki kost á sér
Tilkynna um óviðeigandi tengingu við frétt

,,Róttæklingarnir" Sóley og freðýsurnar í Undanrennulandi

vgBlábjánarnir sem eftir eru í VG eiga auðvelt með að taka sér í mun orð eins ,,rótækur" og ,,ábyrgur" þegar þeir komast í stuð til að gorta af afrekum sínum og væntanlegum afrekum. Þessir vesölu undanrennuungar vita að sjálfsögðu ekki par hvað róttækni er og ábyrgð þeirra er vöðuð auðvirðilegum svikum og yfirstéttardekri, ógeðfelldu snobbi og pólitískri skítalykt á heimsmælikvarða.

Og nú veður Sóley Tomm fram á foraðið ásamt nokkrum freðýsum sem tákna framboðslista VG og með slepjulegri velþóknun Flokkseigendafélagsins og boðar einhvert undanrennugums, sem hún og hennar slekti kallar ,,róttækar" og ,,ábyrgar" tillögur fyrir borgarstjórnarkosningar í vor. En svo einkennilegt sem það er, þá liggur hreinlega ekkert eftir frú Tomm á kjörtímabilinu sem nú er að ljúka, hvorki róttækt né óróttækt. Það er því satt að segja aumkunarvert, en þó umfram allt hægilegt, þegar þessi lukkuriddari kemur skeiðandi með freðýsurnar sínar og boðar róttækni.

Vinstrihreyfingin grænt framboð er ekki vinstrisinnuð samtök eins og nafnið gefur til kynna, heldur tækifærissinnuð hægriklíka. Þessi óféti hafa hin síðustu ár lagt nótt við dag í að koma óorði á alla raunverulega vinstrimennsku, sósíalisma, og hefur því miður orðið vel ágengt í þeim efnum.
mbl.is Vinstri græn munu hugsa um börnin
Tilkynna um óviðeigandi tengingu við frétt

11 efstu sætin á listanum skipa ...

1 Gvöðne Ágústsson
2 Ólafur Ólafsson bóndi og útgerðarmaður Miðhrauni I
3 Finnur Ingólfsson péééníngamaður
4 Alferd Þorsteinsson snillingur
5 Halldór Ásgrímsson
6 Þórólfur Gíslason kaupfélagsstjóri
7 Valgerður Swerrisdaughter framsóknarkona
8 Páll Pétursson framsóknarmaður
9 Alfred Þorsteinsson hitaveitusérfræðingur
10 Björn Ingi Hrafnsson
11 Jón Gnarr framsóknarmaður

GlæpamennSvo sem sjá má af ellefu efstu sætunum, verður listi Framsóknar í Reykjavík svo firnasterkur að enginn mun standast honum snúning. Rauðhærður, digur og lattelepjandi stórspekingur úr 101 umdæminu lét eftir sér, þegar hann sá listann, að það að skipa Alfred Þorsteinsson bæði í fjórða og níunda sæti væri það eitursnjallasta sem sést hefði í íslenskri pólitík. Tvöfaldur Alfred í borgarstjórn Reykjavíkur væri ávísun á að minnsta kosti tvíellefta endurreisn höfuðborgarinnar og mörg og margföld heimsmet í góðæri borgarbúa.
mbl.is Segir niðurstöðuna liggja fyrir
Tilkynna um óviðeigandi tengingu við frétt

Misskilningurinn um Katrínu platstjórnmálamann

Etthvað virðast þeir sem tóku þátt í þessari skoðannakönnun vera úti á þekju varðandi platstjórnmálamanninn og platvinstrimanninn Katrínu Jakobsdóttur. Samkvæmt könnununni má skilja, að þátttakendurnir séu almennt á því að umrædd Katrín sé ógurlegur stjórnmálaskörungur, sem auðvitað er svo fjarri raunveruleikanum sem mest má vera.

flokkseigendur_786424Katrín Jakobsdóttir hefur aldrei verið annað en þægilegt gluggaskraut Flokkseigendafélgs VG, flotið eins og hálfsokkinn vatnssósa spýtukubbur með þeim straumum sem flokkseinendunum hefur þóknast í það og það skiftið. Sem varaformaður VG var hún handónýt, og þegar átökin voru sem mest í flokknum var hún verri en engin, þrátt fyrir að venjan sé að varaformaður flokks eigi að stilla til friðar órói er innanflokks og hafa í heiðri að sanngirni sé gætt. Og sem formaður flokksins er hún að sjáfsögðu handónýt líka.

Þá virðast þátttakendur í könnununni halda að Katrín þessi standi við eigin sannfæringu. Það er stórmerkilegt vegna þess að ,,eigin sannfæring" Katrínar hefur aldrei legið ljós fyrir. Mér er til efs að Katrín hafi heldur einhverja pólitíska sannfæringu, að minnsta kosti hefur hún þá gætt þess vel að halda henni leyndri; skoðannadeyfð og skoðannaleysi hefur fram til þessa einkennt stjórnmálaferil þessarar strengjabrúðu flokkseigendafélags VG og engar líkur sjáanlegar að það breytist nokkurntíma. Eitt sinn undanrenna, alltaf undanrenna! er kjörorð pólitískra vafstrara sem eru af sama loddarakalíberi og formaður VG. Það eina sem grillir sæmilega í varðandi Katrínu Jakobsdóttir, er að hún er hægrisinnuð, þó hún geri sér ekki grein fyrir því, og góður liðsmaður þeirra sem telja að ríghalda verði í kapítalismann því hann sé eilíft náttúrulögmál sem Drottinn hafi skapað um leið og hann blés lífsandanum í nasirnar á Adami karlinn og Evu konu hans.
mbl.is Katrín sterk og Jón Gnarr heiðarlegur
Tilkynna um óviðeigandi tengingu við frétt

Eðli þessara auðvaldsútibúa er eitt og hið sama í grunninn

au_vald_1061447.jpgÞað er afar traustvekjandi og fagnaðarvekjandi fyrir allan landslýð, að auðvaldstittir á borð við Svein Andra, Bénídíkt ESB Jóhannesson og Þorstein Pálsson ætli að stofna stjórnmálaflokk fyrir sjálfa sig. Þó maður hafi haldið að lyglega margir hægriflokkar væru að störfum nú þegar á Íslandi, virðist alltaf vera pláss fyrir einn slíkan enn. Hlægilegast er þó að sjá guðsvolaða einfeldninga rembast við að halda þeirri fíflsku fram, að óstofnaður flokkur Sveins Andra stjörnulögmanns verði gífurlegt byltingarafl, sem muni færa þjóðinni sannkallað himnaríkisástand til lands og sjávar.

Flokkar auðvaldsins hafa aldrei nema eitt markmið: að viðhalda núverandi stéttarskiftingu, standa vörð um hagsmuni þeirrar forréttindastéttar sem hefur tögl og hagldir í valdakerfinu í krafti peninga, og skiftir þá engu máli hvort viðkomandi auðvaldsflokkar eru gerðir út af Engeyjarættinni, Kaupfélagi Skagfirðinga, Árna Páli, Steingrími J., Gvendi Steingríms, Birgittu eða Sveini Andra. Eðli þessara auðvaldsútibúa er eitt og hið sama í grunninn.


mbl.is Sveinn Andri áfram í fótgönguliðinu
Tilkynna um óviðeigandi tengingu við frétt

Hinir siðlausu Bíbirfeðgar eru óalandi vágestir hvar sem þeir koma

kol41.jpgEkki ætlar að rætast beinlínis vel úr drengfjandanum honum Jústín Bíbir. Drengurinn er strax á unga aldri orðinn svaðblautur eins og gamall síðutogarasjóari og þar af leiðandi skiljanlegt að sómakært fólk í Bandaríkjunum vilji reka þetta rónasvín úr landi. Að sögn, þá er gamli Bíbir, faðir Jústíns, ekki skárri er sonurinn hvað varðar svall og sóðalíferni. Sá gamli er enda talinn hafa alið drenginn frá blautu barnsbeini upp til drykkjuskapar og kvennafars.

Á stuttum tíma hefur maður heyrt margar ljótar sögur af þeim Bíbirfeðgum, hverja aðra hroðalegri. Má af þeim sögum ætla, að þeir séu gjörsamlega siðlausir og í þokkabót nærbuxnalausari en góðu hófi gegnir.

Þegar undirskriftasöfununni um brottrekstur Bíbirs var hrundið úr vör í Bandaríkjunum orkti þjóðskáld Repúblíkanaflokksins eftirfarandi baráttuvísu:

Þú ungi útlifaði strákéttlingsfjandi:
Það ætti að reka þig srtax úr landi
og skvetta á eftir þér skít og hlandi.
mbl.is Vildu reka Bieber úr landi
Tilkynna um óviðeigandi tengingu við frétt

Ungt hæfileika- og hugsjónafólk

old.jpgGríðarlega er skemmtilegt að ungt hæfileika- og hugsjónafólk skuli hafa séð sér fært að slá upp tjaldi á Austurvelli í dag til að sýna hvað í því býr. Og helvítis börnin létu ekki sitja við orðin tóm og tóku til við að svæla kannabis þar til að þau stóðu á þambi, augun sukku á kaf inní hausinn, tungan lafði niður á bringu og botnar þeirra urðu leðjublautir. Að lokum lá allt unga hæfileika og hugsjónafólkið lamað í hægðum sínun þar á Austurvellinum með steikta heila og hor í nös; og pestin af dýrunum, jésús góður gvuð!

Ljóst er að flest hefur aflaga farið í uppeldi barnanna með hasshausana. Þau hafa ekki kynnst vendinum sem skildi í uppvextinum. Þó er ekki of seint, að taka bölvaða ormana og kaghýða þá, já og foreldra þeirra líka.
mbl.is Reyktu gras á Austurvelli
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband