Leita í fréttum mbl.is

Bloggfærslur mánaðarins, september 2014

Ólafur Ingi hefur rangann Svavar í huga

svabbiJa nú hefir Óláfur Ingi forvörður aldeilis stungið fingri í rangan þumal með því að gruna að umrædd tvo grallaramálverk séu fölsuð; þau séu sem sagt ekki eftir Svavar heitinn Guðnason. Það hefir víst farið illa framhjá forverðinum, að umrædd verk eru sögð eftir Svavar Sendiherra en ekki Svavar Guðnason og þau eru þar af leiðandi alls ekki fölsuð. Með öðrum orðum: Enginn hefir haldið því fram að þessar uppteiknuðu skítaklessur í lit séu eftir Svaavar Guðnason listmálara. Óláfi Inga má þó virða til vorkunnar, að Svavar Sendiherra er ekki mjög kunnur fyrir listmálun, þrátt fyrir að hafa getið sér fremur íllt orð fyrir að draga málníngu á striga.

Málverkin tvö eftir Svavar Sendiherra, sem stóð til að bjóða upp hjá Brúni Rassmússen, eru tveggja ára gömul og heita Icesave I og Icesave II, eru eins og Óláfur Ingi segir, illa gerð og auk þess frámunalega klunnalega. Talið er að listamaðurinn hafi málað þau í illa grunduðu oflætiskasti og hafi jafnvel kastað upp á báðar myndirnar áður en málningin var þornuð. Síðan lágu þau í reiðileysi í einhverju kofaræxni á vegum Úlafars Þormóðssonar innanum brotnar og ryðgaðar sigðir og rauðleitar og fúnar tuskudruslur, uns hann rakst síðar á þessar furðulegu myndir fyrir tilviljun, þegar hann var að pissa þar inni, og ákvað að reyna að koma þeim í verð í Danmörku.
mbl.is Verk eftir Svavar sögð fölsuð
Tilkynna um óviðeigandi tengingu við frétt

En illgjarnir þeir sem betur mega

xv1.jpgHann ríður ekki við einteyming andskotans tvískinnungurinn (eða ölluheldur margskinnungurinn) í kratadraslinu, sem gerði sér hægt um vik og stal VG á sama hátt og ruddalegir kvótadólgar stálu fiskveiðiauðlindinni. Dettur virkilega einhverjum í hug, að hugur fylgi máli hjá loddurunum Ögmundi og Steingrími og þeirra afatíossum, þegar þeir berja sér á brjóst með tillögu um að þjóðin kjósi um aðildina að NATO? Ég get ekki ímyndað mér að ræflar, sem sviku kjósendur sína og flokksfélaga á jafn óforskammaðann hátt í ESB-málinu, hafi mikla sannfæringu fyrir því að afsegja hernaðararm ESB, sjálft Atlandshafsbandalagið.

Um hina óhrjálegu aplakálfa og platvinstrimenn, sem heyra til Flokkseigendafélagi og þingflokki VG, er vel viðeigandi að hafa orð Hjálmars Jónssonar frá Bólu: ,,eru þar flestir aumingjar en illgjarnir þeir sem betur mega." Hvað það er sem veldur því að þetta lið hefur gert það að hlutskifti sínu í lífinu að leika vinstrisinna er mér að mestu hulið, en veit þó, að þarna fara fremstir meðal jafningja, illa gerðir einstaklingar, ágjarnir, falskir og valdasjúkir.

Þeim, sem enn trúa því að VG sé vinstriflokkur, jafnvel róttækur og sósíalískur, vil ég vinsamlegast benda á að það er reginfirra og þvættingur. VG er í raun hægriflokkur, sem leggur kapítalískt hagkerfi til grundvallar í pólitík sinni, borinn uppi af sjúklegum valdastreðurum og óheilindagöltum, sem verja brambolt sitt með hundalógík á borð við þá, að þeir séu í pólitík til að hafa áhrif.


mbl.is Þjóðin kjósi um NATO
Tilkynna um óviðeigandi tengingu við frétt

Hvimleitt frekjukast ofdekraðs yfirstéttarkrakka

xs4_1046238.jpgÞað er varla héraðsbrestur þótt Steinunn Valdís segi sig úr einhverri stjórn og hverfi á braut, enda lítt fýsilegt fyrir nokkurn mann að hún komi að opinberum ákvarðanatökum. En nú hefur þessi háborgaralega glanspía semsagt sagt sig úr stjórn Íbúðalánasjóðs með fremur óskiljanlegu snakki um, að stórar ákvarðanir og raunveruleg stefnumótun sjóðsins fari fram annars staðar en á vettvangi stjórnar hans. Hinsvegar vantar alveg inní málflutning frú Steinunnar Valdísar, hvar hinar stóru ákvaðanir og raunveruleg stefnumótun Íbúðarlánasjóðs fer fram. Þess vegna lítur afsögn hennar út eins og hvimleitt frekjukast ofdekraðs yfirstéttarkrakka með krónískt harðlífi.

Svo mætir til leiks eitt af hinum undanrennublautu dekurdýrum Ögmundar Jónassonar og Steingríms Joð, Drífa Snædal, og kveðst taka undir ruglandina í þeirra háborgaralegu; slær úr og í tekst að þvæla málið enn betur inní umbúðir leyndarhyggjuþvættingsins. En auðvitað ætlar Drífa Snædal ekki að segja sig úr stjórn Íbúðarlánasjóðs, þrátt fyrir meinta annarlega stjórn hans, enda er stjórnarseta í Íbúðarlánasjóði sæmilega launaður pólitískur bitlingur.
 
Í raun og veru eiga apparöt eins og Steinunn Valdís og Drífa Snædal ekki eitt einasta erindi í pólitík af nokkru tagi, og þá allrasíst fyrir hönd stjórnmálaflokka, sem þykjast vinstrisinnaðir og eru sagðir byggja á arfleifð sósíalismans. Fénaður, sem aldrei getur komið hreint fram, er ekki treystandi fyrir einu eða neinu, nema þá helst að bralla með einhverja drullu á vettvangi samtryggingar svikulla atvinnustjórnmálamanna. En af svikulum atvinnustjórnmálamönnum eigum við svo mikið, að aðkallandi er að grisja rækilega í þeim hópi og helst að eyða honum alveg.
mbl.is Tekur undir orð Steinunnar
Tilkynna um óviðeigandi tengingu við frétt

Innilega til hamingju þjóð mín með torfhvelið og Framsóknarófreskjuna

xbbufuz.jpgÞað er full ástæða til að óska þjóðinni innilega til hamingju með að hafa komið sér upp þessu líka forláta torfhveli sem sjávarútvegs- og landbúnaðrráðherra. Þessi glæsilegi torfhvalur er svo gáfaður, að stórmenni í ríki andans, eins og t.d. Kristján Júlíusson, Guðlaugur ÞA Þórðarson, Hanna Birna og Sígmúndur Dávíð blikna við hliðina á honum og verða eins og hálfvankaðir sauðir í samanburði við þennan einstaka vitjöfur.

Með ákvörðun sinni um flutning Fiskistofu í kjördæmi Steingríms Joð, Stjána Möller, Kristjáns Júll og Símúnds Dávíðs, opinberaði torfhvalurinn vitsmuni í einum manni, sem ekki hafa sést síðan Einstein var á dögum. Hinvegar botnar heimskur skríllinn ekki par í flutningi Fiskistofu norður í eina skúffuna hjá Samherja á Akureyri, ekki fremur en hann hefur fengið botn í stjórnvisku og sullumbrugg fyrrnefndra þingmanna Norðausturkjördæmis, sem vaðið hafa eins og jólasveinar um kjördæmið, ausandi jólapökkum á kostnað skattgreiðenda í gapandi lýðinn, hverjir hafa innihaldið allskyns gæluverkefni.

Nú rétt áðan var ég að skoða myndband á Facebook af þremur draugfullum framsóknartruntum, sem fara þar á kostum í sama háskerpuvitsmunanda og stafar frá torfhvelinu góða. Þessar griðkonur gömlu Framsóknarmaddömunnar og gifturíka kaupfélagsstjórans á Sauðárkróki, sýna svo ekki verður um villst, að þær eru afar upp með sér af hlutdeild sinni í uppgangi múslimahaturs á Íslandi.

Að öllu samanlögðu má ljóst vera, að haldi sem horfir, þá verður að koma böndum á Framsóknarófreskjuna áður en stórbrotið gáfnafar hennar nær að æra almenning umfram það sem orðið er. En sem kunnugt er, þá mun gáfnafar af þessu tagi og í svo miklu magni, flokkast undir stórfellt og óbætanlegt heilsufarsvandamál og félagslegt mengunarslys.
mbl.is Skynsamlegt að flytja Fiskistofu
Tilkynna um óviðeigandi tengingu við frétt

Hin ógnarróttæka undanrennumenning á ,,vinstrivængnum"

xv11Það var mikið að haldinn var aðalfundur í félagi ungs undanrennufénaðar og dekurdýra í VG. Aðalfundir þessa merka félags hafa ævinlega vakið mikla athygli og kátínu meðal þjóðarinnar, sem dáðst hefur að snerpu og ógurlegri róttækni undanrennuunganna. Því miður hafa þessir skemmtilegu fundir fallið niður hin síðari ár af annarlegum ástæðum, en eru nú afturgengnir eins og Þorgeirsboli forðum.

Auðvitað er hinn uppvakti undanrennufélagsskapur tussufínn og skæslegur í eymd sinni og tilbúinn að þjóna ekki ómerkari platvinstritólum en Steingrími okkar hérna joð, Álfheiði, Ögmundi og Svavarsfjölskyldunni. Það er því mikil ábyrgð, sem blessuð börnin eru að taka að sér undir menntuðum starfsheitum á borð við ,,aðalritari" ,,talskona" ,,viðburðastýra" ,,innrastarfsfulltrúi." Að vísu minna starfsheitin atarna dálítið á titla starfsfólks í bankaútibúum, en það gerir ekkert til þar eð krakkagreyin eru svo helvíti kapítalísk í hugsun, að hreilega rýkur úr tálknunum á þeim.

Og ekki lætur róttækni undanrennulýðsins og dekurdýrana að sér hæða: Það kemur semsé fram, að unga fólkið, sem fær náðarsamlegast að kíkja uppúr buxnastrengjum Steingríms og félaga, vill endilega reka Hönnu Birnu úr embætti og hefir um það ljótan munnsöfnum, sem ekki hæfir fólki sem ekki er vaxið uppúr leikskólaþroska; ennfremur skilur það ekkert í því að Flokkeigendaklíka VG skuli ekki hafa drullast til að taka afstöðu gegn olíuvinnslu. Afturámóti virðist þessi rassvasasöfnuður Flokkseigendaklíkunnar eiga við umfangsmikinn trúaráttunarvanda að stríða og á erfitt með að gera upp við sig hvort hann sé múhámeðstrúar eða lífskounarfélagstrúar og kenna vissum framsóknarkéllínum um þetta vandamál sitt.

Nú er bara að bíða og sjá hvort undanrennuliðarnir fylgja hinni ógnarharðskeyttu róttækni eftir með því að boða sósíalisma, stéttarbaráttu og þjóðfrelsi, þjóðnýtingu framleiðslufyrirtækja, banka og tryggingafélaga, að ógleymdu afnámi kvótakerfis til lands og sjávar, einbeittrar andstöðu við inngöngu Íslands að auðvaldsbákninu ESB og úrsögn landsins úr NATO.
mbl.is Ný stjórn ungra Vinstri grænna
Tilkynna um óviðeigandi tengingu við frétt

Sjálfsagt og bráðnauðsynlegt afbrigð af sprúttsölu á teikniborðinu

ingv16_1240389.jpgFyrst að Daníel efnafræðingur ætlar að setja á laggirnar einhverskonar afbrigði af sprúttsölu, er greinilegt að hann hefir skaðmenntast þegar hann lagði stund á efnafræðinámið. Það er auðvitað til mikils hagræðis fyrir mann, eða konu, sem er á dúndrandi kojufylliríi að geta snúið sér til Daníels efnafræðings þegar farið er að lækka á kútnum. Þá er svona heimsendingarsprúttsala í vísindaskyni glæsilegt úrræði fyrir vammlausar gardínufyllibyttur. Reyndar man ég ekki betur en leigubílstjórar önnuðust svona heimsendingarþjónustu í gamla daga, en sennilega eru þeir hættir þessu fyrst efnafræðingurinn Daníel telur sig kjörinn til starfans.

Allt um það, þá er einkar gleðilegt að hinn hámenntaði Daníel sé þeirrar skoðunnar, að matvörukaupmenn sjái um að pranga út brennivíni, rétt eins og de la Gvendur Gúðmúndsen í Gúðmúndsensbúð gerði fyrir liðlega hundrað árum.

Á heimili frú Ingveldar og Kolbeins Kolbeinssonar var samþykkt með öllum atkvæðum, að allar matvöruverslanir tækju upp það fyrirkomulag, að hafa kétið, fiskinn og kálið í öðrum enda búðarinnar en brennivínið og bjórinn í hinum endanum. Ennfremur, að heimsendingarþjónusta á vínanda og öðru hressandi stöffi sé bæði bráðnauðsynleg og sjálfsögð, því að brennivínið verði að hafa sinn gang, eins og segir í samþykktinni. Að formlegum fundi loknum, skáluðu viðstaddir í kogara, nema Brynjar Vondalykt, hann skálaði í Admíralrakspíra. En því höfðu frú Ingveldur og Kolbeinn og gestir þeirra fyrrgreinda vökva í glösum sínum, að birgðir af viðurkenndum ríkisverslunarveigum voru á þrotum og þrjár klukkustundir þar til búðarholur ÁTVR væru opnaðar.
mbl.is Fólk fái áfengið heim að dyrum
Tilkynna um óviðeigandi tengingu við frétt

Bjóða fólki að hella það blindfullt í gegnum netið

reiðÞetta er eflaust ,,ótrúlega spennandi og skemmtileg" af þeim sökum, að sumum þykir alveg ótrúlega spennandi og skemmtilegt að spila með grandalaust fólk og reyta af því pénínga eins og fjaðrir af gæsum.

Dörtítrixin, sem allrahanda kínalífselexsírsbruggarar færa í búning ,,hugrænnar atferlismeðferðar" virðast ótæmandi og endalaus fyrir skapandi athafnafólk með prófgráður frá hinum og þessum pungaprófsháskólum og árangurinn náttúrúlega eftir því. En þegar ágengir péníngaplokkarar þykjast geta svæft norðmenn í gegnum netið er skörin farin að færæst allmikið um of uppí bekkinn. Ég er mest hissa á að þessir atferlismeðferðardólgar skuli ekki vera farnir að bjóða vínhneigðu fólki uppá að hella það auga-blindfullt í gegnum netið og lofa því timburmönnum og öllu tilheyrandi á eftir.
mbl.is Íslendingar hjálpa Norðmönnum að sofa
Tilkynna um óviðeigandi tengingu við frétt

Skepnutegundin ,,hægrimenn" geta ekki lært að hjóla

kona1Voðalegur þvættingur er í þessum Klaus formanni dönsku hjólreiðasamtakana. Heldur þetta mannkerti, að íslendingar séu svo nautheimskir og illa upplýstir, að hann geti komið hingað og logið hvaða dellu sem er að þeim? Telur hann virkilega, að við hér uppi á Íslandi gerum okkur ekki grein fyrir og höfum ekki tekið eftir því að hægrimenn hafa aldrei getað lært að hjóla? Því er nefnilega þannig varið með skepnutegundina ,,hægrimenn" að hana skortir bæði vit og jafnvægi til að geta hjólað, sökum efnabrenglunar í kvörnunum á þeim. Hægrimenn, sem hafa reynt hjólreiðar, hafa allir sem einn farið sér að voða, lent undir bílum, runnið á girðingar og stungist á hausinn inná lóðir eða hreinlega oltið á hliðina, við að komast á bak, og handleggs- eða höfuðkúpubrotnað.

Öllum mun vera í fersku minni þegara einn graðbeittasti hægrimaður landsins klifraði uppá hjólhest og rann stjórnlaust niður brekku þar til hann rakst á aldraða konu, sem því miður beið bana við höggið. Til stóð að vista umræddan hægrigæðing á vitlausraspítala eftir þetta asnaspark, en þá greip Flokksforystan til sinna ráða og afstýrði því; þeir gátu ómögulega sætt sig við að þessi gimbrarlegi blárass fengi kleppsstimpil á sig.
mbl.is Hjólreiðar ekki mál vinstri manna
Tilkynna um óviðeigandi tengingu við frétt

Ítarlegri frásögn af flugdólgnum og hyski hans

kol6_1223105.jpgÞeir kunna að segja fréttirnar þeir þarna á mbl.is. En þeim hefir víst skjátlast eilítið varðandi aldur hins drukkna og ógnandi flufarþega, sem er kominn yfir fimmtugt, að þess sem fréttin er ærðið þokukennd og villandi. Ekki vil ég gera að því skóna, að fréttamenn mbl. is hafi vísvitandi farið rangt með, heimildarmaður þeirra hafi til dæmis verið jafnölvaður og flugdólgurinn, eða fréttamennirnir breytt áherslum af tillitssemi við dólginn og frændgarð hans.

Hið rétta í málinu er í sem allra fæstum orðum á þá leið, að flugdólgurinn atarna var enginn annar er góðvinur þjóðarinnar, sjálfur Brynjar Vondalykt og með honum í slagtofi voru ekki minni persónur en Óli Apaköttur, Máría Borgargagn og Indriði Handreður. Þau höfðu nefnileg brugið sér í fylliríi vestur í Halifax til að taka púlsinn á menningarlífinu þar um slóðir og um leið að hvíla sig á grófum tiltektum og fólsku hjónanna frú Ingveldar og Kolbeins Kolbeinssonar.

Í Halífax hittu þau meðal annars fyrir hinn landflótta sjálfstæðismann og drulludela, Björn Kapílán og ferðuðust með honum um flesta lágmenningarafkima Halífaxborgar sem orð er á gerandi. Ferðalag um rangala og rottuholur með Birni Kapílán geta verið svæsnar og taugatrekkjandi, enda var Brynjar Vondalykt orðinn svo herskár, þegar til heimferðarinnar kom, að hann fann sig knúinn til að sýna farþegum flugvélarinnar í tvo heimana. Til að mynda meig hann yfir roskið fólk, sem vissi ekki hvað á sig stóð veðrið, og hafði í frammi sérlega dólgslega kynvillutilburði við væskilslegan eiginmann ungrar konu, sem vóru þar meðal farþega. Flugfreyjurnar fengu líka sinn skerf af villimennsku Vondulyktarinnar, því með harðfylgi tókst honum að svifta tvær þeirra fötum og troða þeim ofan í salerni, þ.e. fötunum. Þá var flugvélin stödd suðvestur af suðurodda Grænlands. Loks lokaði hann sig inni á salerninu með Máríu Borgargagni og sambýlingi hennar, Indriða Handreði og hófu þau strax eitthvað sem átti að heita samræði þar inni. Á meðan lá Óli Apaköttur steindauður af áfengisnautn og með buxurnar á hælunum í miðjum gangvegi farþegarrýmisins og varð ýmsum æðir starsýnt á manngarminn þar sem hann lá eins og skotinn mávur.
mbl.is Ölvaður og ógnandi flugfarþegi
Tilkynna um óviðeigandi tengingu við frétt

Á skilið innilokun, gapastokk og pólitíska útlegð

flokkseigendur_786424Það var sem ég hugði: Katrínu Jakk hugnast ekki að lenda með Hönnu Birnu í steininum, og lái henni hver sem vill.

Afturámóti væri meira viðeigandi kæra Katrínu þessa fyrir aflægishátt og óafsakanlegt tómlæti þegar hún sem varaformaður VG lét sem hún sæi ekki einelti og djöfulgang Steingríms formanns og Flokkseigendafélagsins gegn fólki eins og Jóni Bjarnasyni, Guðfríði Lilju, Lilju Mós, Atla Gísla og Ásmundi Einari og fjölda annarra flokksmanna. Fyrir þann ræxnishátt ætti náttúrulega að loka gardínuskrautið inni og hafa það í gapastokk.

Og ekki vænkast hagur Strympu þegar þátttaka hennar í gríðalegum svikum VG í mörgum stórum málum og smáum, á ríkisstjórnarárum VG, eru tekin með í reikninginn. Að þeim ósköpum meðtöldum væri hæfileg lágmarksrefsing Katrínar Jakobsdóttur pólitísk útlegð til lífstíðar. 
mbl.is Segir kæruna tilhæfulausa
Tilkynna um óviðeigandi tengingu við frétt

Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband