Djöfullinn kaupir ekki hvað sem er

Þokkalegur óþrifagemlingur þessi Vilhjálmur Black (Villi Svart) sem Egill Helgason dró uppúr öskutunnu og inn í Silfrið sitt. Ekki nóg með að þessi karltrunta væri fúlskeggjaður eins og strætiróni, heldur hélt hann því fram, að jafnágætur maður og Tryggvi Herbertsson hefði veðdregið sig engri minni persónu en sjálfum Erki- Fjandanum í Helvíti. Svona hroðalegt orðbragð er sem betur fer næsta fátíitt, ef ekki óþekkt, í íslenskri fjölmiðlaumræðu. En það góða við þetta er, að engin hætta er á að nokkur maður trúi uppá Tryggva Herbertsson að hann hafi selt Djöflinum sál sína. Djöfullinn er nefnilega lunknari en svo, að hann kaupi hvað sem er.

Með því að færa subbulegan dólg eins og Villa Svarta fram fyrir alþjóð í Ríkissjónvarpinu, hefur Egill Helgason gert svo ofboðslega í buxurnar að varla verður undan því vikist að koma honum í umsjá læknis, helst öldrunarlæknis eða öldrunargeðlæknis, því maðuðrinn er orðin elliær eins og fallin torfbær.

En svona er nú komið fyrir aumingjanum honum Agla Helgasyni, sem hefur verið svo iðin við að koma alræmdum nöldurseggjum og öfundardraugum á framfæri við þjóðina. Auðvitað mátti búast við að þetta endaði einhvernveginn á þessa leið hjá honum, en sorglegt engu að síður þegar upp er staðið.

Black: Bankarnir sekir um glæpi

Athugasemdir

[Hrólfur Þ Hraundal, 2.5.2010 kl. 15:34]

Þekki ekki þennan Villa  Svarta, nenni enda ekki lengur að hlusta á andateppuna í Agli Helgasyni.  Tryggvi er hinsvegar alin upp í grennd við bryggjurnar á Norðfirði og lærði snemma eins og aðrir krakkar þar að detta ekki í sjóinn.  Það gerðu hinsvegar Reykjavíkur krakkar sem komu í heimsókn og duttu lóðbeint í sjóinn.  Norðfjarðar krakkarnir lönduðu þeim svo og studdu til síns heima.

[Jóhann Berg Þorbergsson, 2.5.2010 kl. 15:39]

Jóhannes, hvað fær þig til að halda að Tryggvi Þór Herbertsson sé góður í gegn, sé vængjalaus engill, maður orða sinna og hafi ekkert gert á hlut annara? Maðurinn er bara rassgat, hann bæði lítur þannig út og hagar sér verr.

[Kristján Hilmarsson, 2.5.2010 kl. 15:45]

Sjáið þið ekki húmorinn í þessu hjá Jóhannesi strákar ?

Annars var Black svosem ekki með neitt nýtt, þetta er allt þekkt og hefur verið lengi, spurningin er hvaða lögum  og hvernig beita á  á þessa kauða, Joly og ríkissaksóknari eru að vinna í því, en tekur auðvitað tíma.

[Rafn Haraldur Sigurðsson (IP-tala skráð) 2.5.2010 kl. 16:55]

ég var að skoða mynd af einum bloggara sem er fúlskeggjaður, en hvort hann sé strætisróni veit ég ekki. Mig grunar að hann eigi ættir að rekja á Snæfellsnesið.

[Tómas Waagfjörð, 2.5.2010 kl. 18:17]

Eftirlitsaðilar voru að passa upp á að fjárglæpamennirnir gætu komist upp með þetta, það er bara eina skýringin.

Ég hef líkt fjárglæpamönnum við B Madoff og hneykslast á því að ekkert skuli gert í því að koma lögum yfir þá.

En er við einhverju öðru að búast í svona litlu samfélagi eins og Ísland er? Auðvitað ekki, hér eru sterk ættartengsl og mikil ættarveldi sem hafa verið allsráðandi í, dirfist mér að segja, hundruð ára.

Því miður verður ekkert gert, jú, kannski einhverjum peðum fórnað til að draga athyglina frá stóru körlunum.

Meina, hvernig er það mögulegt að heilt land skuli vera alveg skuldlaust eina vikuna og svo skulda margfalda landsframleiðslu vikuna á eftir og ekkert er gert í að draga sökudólgana til saka, ekki einu sinni tekið af þeim þýfið.

Ísland er svo rotið að við erum ekki einu sinni með óháð innra eftirlit hjá lögreglu, alþingi eða dómsvaldi þannig að þetta fólk sem stjórnar VEIT að þeir eru hafnir yfir lög.

En hvað ég tel að það sé best fyrir þetta fólk að koma fram og játa segt sína og gangast við dóm og skila því sem stolið var ÁÐUR en almenningur springur af reiði, því þá er ekki aftur snúið. 

Það sem er verst í þessu er ekki það að landið okkar sem var eitt ríkasta landið í heimi heldur að ekkert sé gert í því að leiðrétta það að við séum núna eitt skuldugasta ríki heims. Spillingin og mannfyrirlytningin er svo mikil að maður er einfaldlega dofinnyfir þessu.

Íslendingar geta ekki tekið á þessu vegna tengsla og þess vegna þurfum við almenningur að byðja um aðstoð frá einhverju af nágrannalöndunum til að taka til hjá okkur.

[Jóhannes Ragnarsson, 2.5.2010 kl. 19:39]

Heyrðu mig nú, Jóhann minn Berg, ég hefi aldrei, segi og skrifa aldrei, haldið því fram að Tryggvi Þór sé vængjalaus engill. Ekkert er fjær sanni. Hinsvegar sagði, í samtali ið kunningja minn fyrr í vetur, að Tryggvi Þór sé vængjaður engill, og það sagði ég einfaldlega egna þess að ég hefi séð það sjálfur með eigin augum.

Og Rafn Harladur Sigurðsson: Hvaða bloggari er það sem er fúlskeggjaður og hugsanlega strætisróni og í ofanálag jafnvel Snæfellingur að ætt? Svona dylgjur jaðra við að kalla aðra manneskju homma, komma og gyðing, en það er eitthvert hræðilegasta fyrirbæri sem til er undir sólinni að mati bandarískra og íslenskra repúblíkana.  

[Rafn Haraldur Sigurðsson (IP-tala skráð) 2.5.2010 kl. 20:38]

Hafi ég móðgað þig, byðst ég afsökunar, ég var bara bera saman annan bloggara sem ég les stundum við lýsingu þína á manninum hans Egils. Ertu Repúblikani?

[Ingibjörg Friðriksdóttir, 3.5.2010 kl. 16:25]

Nú er ég aldeilis stein standandi hissa á þér Jóhannes.  Afhverju ertu að kasta perlum fyrir svín....   Þú ættir að velja þér betri bloggvini....

[Jóhannes Ragnarsson, 3.5.2010 kl. 18:56]

Nei, Rafn Haraldur, þú móðgaðir mig ekkert, enda er ég ekki sérlega móðgunargjarn. En repúblíkani er ég ekki þó Tryggvi Þór sé vængjaður engill; hann hefur meira að segja fjóra vængi eins og jötunuxi.

Ha, hvaða bloggvinur minn er svona vondur, Ingibjörg? Ég hef fram að þessu staðið í þeirri meiningu að allir mínir bloggarakammeratar væru gott fólk og sumir hverjir afbragðsfólk. 

[Ingibjörg Friðriksdóttir, 3.5.2010 kl. 19:03]

Kannski ég.

[Jóhannes Ragnarsson, 3.5.2010 kl. 19:33]

Ég trú ekki fyrr en ég tek á því, að þú sért verulega vondur bloggvinur og hættulegur. En máske siglir þú undir fölsku flaggi; ert úlfur í sauðargæru; og vargur í véum. Hvað veit ég???