Steingrímur mun uppskera eins og hann hefur til sáð

Það er því miður staðreynd, að Steingrímur J. Sigfússon, formaður VG, hefur ítrekað orðið uppvís að mjög óheiðarlegum vinnubrögðum gagnvart þingflokki VG og þá jafnframt öllum flokksmönnum og kjósendum flokksins í leiðinni. Ef það er eitthvað sem klofið hefur VG öðru fremur, þá er það hroki og óhreinlyndi formannsins hans og nánasta já-liðs gagnvart vinstriarmi VG. Það er ekki annað hægt að lesa út úr framgangsmáta Steingríms og félaga, en að þau eigi litla sem enga samleið með róttæku vinstrafólki; sósíalistunum og verkalýðssinnunum.

Það hefur t.d. verið siður Steingríms, eftir að hann náði markmiði sínu að fá ráðherrastól undir botninn á sér, að hunsa þann hluta þingflokks VG, sem hefur verið gagnrýninn á störf ríkisstjórnarinnar  og hafa í hótununum við það fólk. Dæmi um yfirgang og ólýðræðisleg vinnugrögð Steingríms og flokkseigendafélagsins sem gerir hann út, eru sláandi, en undir þau ósköp falla mjög stór mál eins og ESB, samstarfsyfirlýsing stjórnarflokkana, stöðugleikasáttmálinn kynlegi, Icesave-málið og AGS. Við þennan lista má svo bæta ótvíræð svik við stefnu VG í sjávarútvegsmálum, einkavæðingu banka og þjónkun við fjármangseigendur og ótrúlegt tómlæti gagnvart verkalýðsstéttinni í landinu.

Það er því eftir öðru, að ein heimskasta búrtíkin á heimili flokkseigenda VG, Björn Valu,r spili út skattahækkunartillögum frá húsbændum sínum í nefnd þeirri sem Lilja Mósesdóttir hefur nú sagt sig úr. Það kemur fram í máli Lilju, að umrædd nefnd hafi ekki átt að fjalla um skattahækkanir, aðeins niðurskurð í ríkisfjármálum, auk þess hafi þessar tillögur ekki verið ræddar innan ríkisstjórnarflokkana. 

Það er erfitt að sjá annað, en norræna velferðarstjórnin þeirra Jóhönnu og Steingríms sé að niðurlotum komin. Steingrímur mun t.d. ekki komast undan því að uppskera í samræmi við það sem hann hefur sáð innan flokksins sem hann er formaður fyrir. Sá góði maður skal ekki halda að hann komist upp með að gera vinstrisinnaðasta hóp íslenskra stjórnmálamanna og kjósenda að framsóknarmönnum. Allsherjaruppgjör innnan VG verður varla umflúið úr þessu, trúnaðarbresturinn milli armanna tveggja í flokknum er of mikill til að hann verði lagfærður, allar tilraunir til sátta eru dæmdar til að mistakast.        

Segir sig úr ríkisfjármálahópi

Athugasemdir

[Ragnhildur Kolka, 23.5.2010 kl. 23:07]

Svei mér þá, ef þú tekur bara ekki undir allt sem stjórnarandstaðan hefur verið að segja frá því í fyrra sumar.

Barnandi mönnum er best að lifa.

[Ragnhildur Kolka, 23.5.2010 kl. 23:08]

-batnandi - skal það vera

[Jóhannes Ragnarsson, 23.5.2010 kl. 23:31]

Alveg rétt hjá þér, Ragnhildur, ég er ekki einn af þessum körlum sem eru sí-barnandi.

Annars er ég ekki að taka undir eitt eða neitt með  stjórnarandstöðunni. Mínar skoðanir eru algjörlega óháðar öllu öðru en því sem ég sé að er að gerst í VG, flokknum sem ég tók þátt í að stofna og hef verið félagi í æ síðan.

[Baldur Hermannsson, 24.5.2010 kl. 02:32]

Batnandi mönnum er gott að lifa, en barnandi mönnum þó miklu betur. Sigmund Freud hringdi í mig áðan og kvaðst hafa hlegið sig máttlausan.

[Ragnhildur Kolka, 24.5.2010 kl. 15:31]

Auðvitað ertu ekki að taka undir með stjórnarandstöðunni, þú ert bara svolítið seinn að fatta. En betra seint en aldrei.

[Jóhannes Ragnarsson, 24.5.2010 kl. 20:26]

Svona okkar á milli sagt, Ragnhildur, þá er ég nú ekki býsna lengi að fatta. Auk þess þekki ég mitt heimafólk.