Leita í fréttum mbl.is

Skólprottur telja Jóhönnu lygalaup

Nú er gjörsamlega uppi títan á bræðrum og systrum í syndlausu náhirðarsamfélaginu. Af alkunnri sannleiksást reiða náhirðingar hátt til höggs í dag og saka Jóhönnu forsætisráðherra um að vera blygðunarlausan og forhertan lygalaup; hún hafi sem sé logið því blákalt uppí saklaust geðið á þjóð sinni, að hún hafi aldrei rætt við hinn gráðuga Má Guðmundsson um væntanlega þénustu hans í Seðlabankanum.

Við sem þekkjum afturámóti gjörla til málsins, vitum að Jóhanna hefur aldrei talað aukatekið orð við þennan Má og allrasíst mundi henni til hugar koma að eyða orðum við þann mann um launakjör hans. Þeir sem halda gagnstæðu fram eru náttúrlega (eða ,,nottlega" eins og sjálfstæðismenn orða það) ekkert minna en sverir óþokkar og hvers manns níðingar. Að bregða forsætisráðherra þjóðarinnar um lýgimál er alvarlegt tilræði við þjóðarsálina og lýðræðisskipulagið. En fyrst hælbítarnir í náhirðarsamfélaginu kjósa að haga sér með þessum hætti, verða þeir að sætta sig við að taka afleiðingum gjörða sinna.

Ég býst við að Jóhanna forsætisráðherra Sigurðardóttir mæti þessari aðför af festu og kæri lygaáburðinn til sérstaks saksóknara, sem mun láta hneppa náhirðarsamfélagið í gæsluvarðhald til loka kjörtímabilsins.  


mbl.is Már og Jóhanna ræddu launin
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Gestur Guðjónsson

Verður athyglisvert að sjá hvort Jóhanna bregðist við með þeim hætti sem þú lýsir. Það myndi sýna að það væri sá töggur í henni sem hún hefur ekki sýnt við stjórn efnahagsmálanna.

Gestur Guðjónsson, 5.6.2010 kl. 22:23

2 Smámynd: Anna Sigríður Guðmundsdóttir

Mér er sama hvað hver segir um Jóhönnu Sigurðardóttur! Ég hef og mun alltaf hafa þá skoðun á henni að hún sé heiðarleg!

En þeir eru ekki hátt skrifaðir né heiðarlegir í mínum huga sem nota hana og reyna allt til að koma höggi á hana! M.b.kv.

Anna Sigríður Guðmundsdóttir, 5.6.2010 kl. 22:45

3 Smámynd: Ásdís Helga Jóhannesdóttir

Pabbi, ég verð að bæta smá í bloggið þitt orðið "nottlega" er ekki bara Sjálfstæðisflokksmál heldur líka ólsneska

Ásdís Helga Jóhannesdóttir, 6.6.2010 kl. 00:05

4 Smámynd: Sigurður Haraldsson

Þetta snýst um heiðarleika ekki flokkadrætti!

Sigurður Haraldsson, 6.6.2010 kl. 01:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband