Leita í fréttum mbl.is

Stjörnusýslumaðurinn veldur aðdáendum sínum vonbrigðum

Heldur þykir okkur aðdáendum stjörnusýslumannsins Stones sem okkar manni hafi fatast flugið með að varpa ekki þessu hroða ómenni í Vestmannaeyjum beint í dýflissuna þegar ljóst varð hvert skrímsli það hafði að geyma.

Fram til þessa hefur yfirvald Árnesinga verið ódeigt við að bjóða allslags glæpahundum og óráðsíufólum byrginn og jafnan haft sigur. Helgi eftir helgi hefur hinn hugprúði stjörnusýslumaður falið varðsveit sinni að berjast við vistola drykkjurafta, innbrotsþjófa, óða kvenvarga, auk hættulegs fólks í annarlegu ástandi. En á virkum dögum hefur hinn ósérhlífni stjörnusýslumaður og menn hans gert hvert strandhöggið öðru stærra í ranni kannabisbænda og annarra eiturbyrlara.

Það er von okkar, aðdáenda herra Stones, að hann finni rétta strikið aftur og láti engann óbótamann ganga lausan héðan í frá innan sinna vébanda heldur tjóðri þá strax í bak og fyrir um leið og hann hefur hödur í hári þeirra.

Vér viljum sem sé ekki, að glæpamenn gangi lausir eins og hverjir útrásarvíkingar.


mbl.is Hefði átt að krefjast gæsluvarðhalds
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Högni Jóhann Sigurjónsson

Ég er ekkert viss um að þessi lúðrasveitarforingi eigi neina aðdáendur.

Högni Jóhann Sigurjónsson, 28.6.2011 kl. 21:44

2 Smámynd: Vilhjálmur Stefánsson

Setti þessi Sýsli ekki upp þvaglegg í Konu forðum með fautaskap??

Vilhjálmur Stefánsson, 28.6.2011 kl. 21:47

3 Smámynd: Níels A. Ársælsson.

Hr. Stóns stjörnu og þvagleggs-sýslumaður er sá flottasti á landinu.

Níels A. Ársælsson., 29.6.2011 kl. 22:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband