Er það ekki dásamlegt?

Það er mjög mikilvægt að uppskafningahyskið og menningarskrípalingarnir láti sig ekki vanta á Töfraflautuna í Hörpunni. Af myndunum að dæma, sem fylgja þessari frétt, er ekki annað að sjá en fyrrnefndir þjóðfélagshópar hafi svarað kallinu af skörungsskap með því að fjölmenna á óperuöskrin, sem Diddú og hennar nótar ætla að bjóða uppá í kvöld.

Er það ekki annars dásamlegt, hve úrkynjuð borgarastéttin hefur mikið dálæti á andstyggilegri hljóðmengun og fávitaskap eins og óperum? En óperur eru sem kunnugt er jafn nytsamar mannkyninu og krabbamein. Svo kórónar þessi lýður andlega fátækt sína og undirmálsheilastarfsemi með því að klappa saman lófum, blístra og bravóa fyrir óperulátunum og láta með því líta út að hann hafi ómælda ánægju af kattarbreimi og útburðarkveini lánleysingjanna á sviðinu.

En eitt er víst: Kolbeinn Kolbeinsson skrifstofustjóri og frú Ingveldur eiginkona hans voru mætt tímanlega til að hlýða á frumflutning Íslensku óperunnar á Töfraflautunnni eptir Mósart. Með þeim heiðurshjónum eru sambýlingarnir Máría borgargagn og Indriði handreður, öll frábærir fulltrúar borgarastéttarinnar í Reykjavík. Ef ég þekki þetta hrífandi fólk rétt, mun það láta að sér kveða að leik loknum, þegar gestirnir fara að kryfja sýninguna til mergjar eftir menntuðum kúnstarinnar reglum.

Mikið um að vera í Hörpu

Athugasemdir

[Rafn Haraldur Sigurðsson (IP-tala skráð) 22.10.2011 kl. 21:43]

  Það þarf ekkert tónlistargagnrýnenda þegar maður hefur svona stórkostlegan rýni eins og þig.

[Anna Sigríður Guðmundsdóttir, 22.10.2011 kl. 22:16]

Var ekki Jóhanna blessunin látin segja að árangur í jöfnuði hafi náðst á þessum tveimur árum? Mér heyrðist það hafa verið í upptalningunni hennar.

Ætli almennir skattborgarar, sem ekki eru ríkis-ómaga-bótaþegar, hafi þá ekki efni á að fylgja með í Hörpuna?

Eða verður það kannski ekki fyrr en árið 3000? Það er kannski plan Ö hjá "jafnaðarmanna-liðinu"? Mikið geta barna-barna-barna-börnin átt von á góðu jafnaðar-samfélagi á nýja Íslandi.

Ja, það er ekki amalegt að hafa svona ábyrga og láns-saman-saumaða landsstjórnendur á þessum síðustu og verstu tímum sveltandi banka. Þetta er alveg 110% lánssamur jöfnuður, þarna í Hörpunni, eins og annarsstaðar á Íslandi í dag!

Með sama jafnaðar-árangursríka áframhaldinu getur maður átt von á að sjá Jóhönnu Sigurðardóttur og fleiri gæðablóð sækja sér mat í Fjölskylduhjálpina. Ég sé það alveg fyrir mér, þegar Hrannar (sið)blindi leiðir blessaða gömlu höltu konuna þangað inn.

M.b.kv.

[Jóhannes Ragnarsson, 22.10.2011 kl. 22:33]

Það hefði farið betur ef þessi kumbaldi hans Björgólfs og brjálæðinganna hefði verið notuð undir loðnubræðslu og þorskhausaþurkun, eins og góðir menn lögðu til, eða bara látinn standa hálfkaraður sem minnismerki um úrkynjun kapítalismans og íhaldsframsóknarkratamafíuna.

[Sigurður Haraldsson, 22.10.2011 kl. 22:34]

Þetta er klárlega ekki það land sem ég vil búa og því er það þjóðfélags skylda mín að mótmæla þessu hrópandi óréttlæti sem yfir okkur gengur!

[Sigurður Haraldsson, 22.10.2011 kl. 22:35]

Góður Jóhannes.

[Rafn Haraldur Sigurðsson (IP-tala skráð) 22.10.2011 kl. 22:47]

Tek undir með þér Jóhannes með  loðnubræðsluna og hausaþurkunina. Best hefð verið að fá að njóta söng sjófuglanna þarna í fjörunni og skilja húsið eftir hálf karað eins og sést hér

[Björn Emilsson, 23.10.2011 kl. 01:36]

Væri ekki upplagt að láta kinverjunum eftir þennan ryðhjall. Kofinn er  upplagt pakkhús í orðsins fyllstu merkingu. Myndi nýtast fyrir þessa stórkostlegu fyrirhugaða vöruflutninga kínverja um íslaust norður íshaf.  Svo væri hægt að gefa Grímstaða lopapeysugreifanum einstakt  tækifæri að reisa hótel á Björgúlfs grunninum.  Bara að hann eyðileggi ekki pulsuskúrinn við Ellingsen.

[Björn Emilsson, 23.10.2011 kl. 01:47]

Var að skoða bloggið hans Rafns Haraldar um bygginguna. Aður fyrr þurfti engar hallir til að dynja þessari beituskúramúsik yfir landsmenn. Rikisútvarpið sá um það.  Beituskúramúsik og hótanir frá ´yfirvöldunum´eins og það hét flýtti ábyggilega fyrir dauða margra landsmanna. Nógu erfiðð var lífsbaráttan.  Er ekki vert að gefa gaum af ´launamismun´ frá 130 þúsundum uppí milljón króna+, beituskúra musik yfirstéttarinnar.

[Bergljót Gunnarsdóttir, 23.10.2011 kl. 01:51]

Ég get ekki að því gert, hversu mjög ég vorkenni svona gjörsamlega menningarfirrtum samborgurum mínum.

Það þýðir ekkert að agnúast út í Hörpu lengur, hún er staðreynd, og eins gott að gera allt sem hægt er til að hala inn peninga upp í kostnaðinn. Hún er víst rekin með gróða í dag.

Í guðanna bænum strákar, snúið ykkur að einhverju nýju til að fárast yfir.

[Eyþór Örn Óskarsson, 23.10.2011 kl. 04:12]

Ég tek undir með henni Bergljót - Harpan er komin og allt of dýrt að rífa hana, þannig að við skulum vona að hún verði rekin með bullandi gróða......

Þá kanski skapast grundvöllur til að lækka miðaverðið svo við getum öll fengið að njóta..........

[Sigurður Haraldsson, 23.10.2011 kl. 07:12]

Umræðan er komin í annan farveg eða réttara vísar okkur til framtíðar það er að segja Harpan er komin og við eigum að halda kjafti næst kemur 40 milljarða sjúkrahús og við eigum að halda kjafti! Með sama áframhaldi þá verður barna barna barna börnum okkar ekki vært á Íslandi vegna gríðarlegra skuldasöfnunar forfeðra sinna!