Ó sú náð að eiga Álfheiði ...

Mikið mega Íslendingar vera þakklátir fyrir að eiga metfé eins og Álfheiði Ingadóttur flokkseiganda, pólitískan loddara og vandræðaskáld. Álfheiður má eiga það, að hún hefur margsinnis fyllt brjóst landsmanna af fölskvalausri gleði og tærri lífshamingju. Þá stundaði frú Álfheiður gifturíkt fiskeldi í Ólafsvík, það var fögur saga og fallegt vitni um hveskonar afburðarsósíalisti þessi stórmerka kona er.

Þá hefur innilegt hatur frú Álfheiðar í garð félaga Ólafs Ragnars Grímsonar lengi verið rómað, einnig á því plani hefur hún sannað yfirburði sína. Og nú er hún strax byrjuð að hlakka yfir því að skipt verði um forseta á næsta ári. Líklega ætlar hún sjálf að bjóða sig fram til forseta og velta hinum hataða Ó.R. Grímssyni úr sessi. - Og þó. - Það hefur nefnilega verið mjög í umræðunni hjá hinu jarðbundna flokkseigendafélagi VG að leiða frú Guðrúnu Ágústsdóttur, ektakvinnu Svavars Sendiherra, fram á völlinn í forsetaframboð, en frú Guðrún er að ýmsu leyti jafningi frú Álfheiðar að sálargáfum og atgerfi öllu.

Það má gera ráð fyrir að málefni forseta Íslands verði mikið rætt á landsfundi VG, sem háður verður um næstu helgi, af þeim fáu sem þar mæta. En helsta vandamál VG um þessar mundir eru hræðilegir erfiðleikar forystumanna flokksins að nudda kjörnum fulltrúum á fyrirhugaðan landsfund, en áhugi kjörinna flulltrúa er einhverra hluta vegna í algjöru lágmarki. 

Eigum kost á að skipta um forseta

Athugasemdir

[Anna Sigríður Guðmundsdóttir, 23.10.2011 kl. 21:29]

Það er ekki von til að Álfheiði líki við Ólaf Ragnar sem forseta, því hann vísaði jú Icesave-ráninu í þjóðaratkvæðagreiðslu (henni líkar ekki lýðurinn ráði neinu), og þar með fauk dágóður hluti af ESB-draumnum hennar og Steingríms J. út um gluggann.

Hún sagði í dag að hún styðji ekki inngöngu í ESB en getur ekki verið samkvæm sjálfri sér nema núna í augnablikinu, í beinni útsendingu, rétt fyrir landsfund. Þau ganga alveg ljómandi vel í takt, hún og Steingrímur J. Sigfússon, eftir kosninga-loforða-svikaveginum.

Verst að þau skulu vanvirða almenning svona, með því að ljúga svona upp í opið geðið á kjósendum sínum og öðrum landsmönnum í sambandi við ESB. Kannski þarf að setja Álfheiði Ingadóttur og Steingrími J. siðareglur, þannig að þau hætti að ljúga, vanvirða og svíkja sitt fólk svona gróflega.

Ég er ekki búin að gleyma því hvernig þessir tveir forsprakkar flokksins sem ég kaus, sviku loforðin án þess að finna fyrir nokkrum óþægindum, og er hrokinn alls ráðandi hjá þeim allar götur síðan.

En ég er að mörgu leyti ánægð með Ögmund og Guðfríði Lilju, sem eru í mínu kosningaumdæmi.

M.b.kv.