Leita í fréttum mbl.is

Hjaltastaðafjandinn í VG lætur til skarar skríða

bur1_1131583.jpgHann er gamansamur maður hann Þráinn Bertelsson, eiginlega forhertur æringi þegar honum tekst best upp. Í Silfri Egils í dag, sló Þráinn á sína alkunnu léttu framsóknarstrengi. Hann byrjaði á notalegu nótunum og smá-færði sig svo uppá skaptið með lítilfjörlegu fjasi um fólk sem gæti ekki starfað samað og því síður hlýtt foringjanum. En að lokum tókst honum spinna sig uppí að verða eins og ærsladraugur frá miðöldum þegar hann úrskurðaði að ekki væri nema rétt að reka Ögmundu úr ráðherraembætti og enn réttara væri að reka nefndan Ögmund úr VG ásamt eiturnöðrunum Guðfríði Lilju og Jóni Bjarnasyni sem Þráinn er nýbúinn að steypa af ráðherrastóli.

Eins og ég sagði, þá er Þráinn Bertelsson framúrskarandi grínaktugur náungi og minnir um margt á miðaldaafturgöngu af sömu tegund og Hjaltastaðarfjandinn. En nú vill svo illa til að ekki einn einasti kjósandi VG kaus nefndan Þráinn í síðustu kosningum, þannig að hann glamrar ekki í umboði nokkurs kjósanda Vinstri grænna þó svo hann hafi lagst svo lágt að gerast búrtík hinna hægrisinnuðu flokkseigenda VG.

Og nú berast þær fréttir að búið sé að ræsa með viðeigandi látum út flokksstjórn VG til að ganga milli bols og höfuðs á Ögmundi. Því að nú er komið blóðbragð í kjaftinn á Álfheiði fiskeldisdrottningu, Árna Þór, Birni Val, Sendiherrafjölskyldunni og íhaldsframsóknarkratanum Steingrími og fleira rusli á þeirra snærum. Þetta skikkanlega og hámenningarsinnaða fólk heldur nefnilega að Ögmundur hafi gert svo illilega í brækurnar í Gjeirsmálinu að nú verði öllum nákvæmlega andskotans sama þótt þau láti kné fylgja kviði og geri útaf við þennan hvimleiða Ögmund og hans hyski.

 

 


mbl.is Mikill hiti í landsdómsmáli
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ásthildur Cesil Þórðardóttir

Má ekki segja að það með sé þessi ríkisstjórn fallinn, því þó svo Birgitta, Þór og Margrét komi inn í apparatið þá dugar það varla til, því það er líka búið að koma Árna Páli á klakann. Þetta er alveg órúlega veruleikafyrrt lið. Og þau geta engum kennt um nema sjálfum sér og hatri og frekju sjálfs síns.

Ásthildur Cesil Þórðardóttir, 22.1.2012 kl. 21:00

2 Smámynd: Jóhannes Ragnarsson

Þetta er hárrétt hjá þér, Ásthildur. Það getur aldrei farið vel að ríkisstjórnarflokkur svíki stefnu sína og kosningaloforð að flestu leyti. Og þegar við bætist óþokkaskapur og einelti innan sama flokks gengur dæmið einfaldlega ekki upp.

Jóhannes Ragnarsson, 22.1.2012 kl. 21:17

3 Smámynd: Ásthildur Cesil Þórðardóttir

Nákvæmlega.

Ásthildur Cesil Þórðardóttir, 22.1.2012 kl. 21:52

4 Smámynd: hilmar  jónsson

Hvað ertu að röfla um Þráinn ? Hann stóð sig með prýði og túlkaði ágætlega þá ömurlegu stöðu hvernig svikarinn Ögmundur hefur fært okkur langt aftur í tímann hvað varðar uppgjör eða ný vinnubrögð á þingi.

hilmar jónsson, 23.1.2012 kl. 00:16

5 Smámynd: Ásthildur Cesil Þórðardóttir

Nei Hilmar, hann talaði tóma steypu.

Ásthildur Cesil Þórðardóttir, 23.1.2012 kl. 00:24

6 Smámynd: Jóhannes Ragnarsson

Ykkur ferst að tala um svikara, Hilmar, eða hitt þá heldur. Meint svik Ögmundar erun ansi hreint léttvæg í samanburði við svik Steingríms og hans samverkafólks.

Það er meira að segja tilefni til spyrja þig, Hilmar, hvað það er sem Ögmundur hefur svikið. Frá mínum bæjardyrum séð, felast ,,svik" Ögmundar einungis í óþarflegri fylgispekt hans við hina raunverulegu svikara, Steingrím og Jóhönnu.

Jóhannes Ragnarsson, 23.1.2012 kl. 07:25

7 Smámynd: hilmar  jónsson

Kannski ertu ekki að sjá og skilja málið í nógu víðu samhengi Jóhannes.

hilmar jónsson, 23.1.2012 kl. 12:00

8 Smámynd: Jóhannes Ragnarsson

Jú, það er einmitt það sem ég geri, Hilmar, ég skil málið í býsna víðu samhengi.

Jóhannes Ragnarsson, 23.1.2012 kl. 15:38

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband