Jóhannes Ragnarsson

21.5.2014 | 11:24

Sérstakur ódráttur sem hefur ekki roð í landeyður og fáráðlingana í Tómhyggjuframtíðinni

Nú hafa íhaldsmelrakkarnir í Valhallargreninu loksins komist að því, að frambjóðandinn Halldór Halldórsson sé hvorki meira en né minna en handónýtt vogrek, sem fjarlægja verði frá augum almennings og það strax í dag. Þeir ætla sem sé að grípa pilt í hádeginu eins og hvern annan stagkálf með uppdráttarsýki og eyða honum. Þessi merka uppgötvun sjálfstæðismanna hefur átt þunga fæðiningu, miklar líkamlegar kvalir og sálarþrautir. En nú skal stagkálfurinn Halldór leiddur fram á blóðvöllinn og fargað.

Það sem gerði útslagið með hina erfiðu ákvörðun í Halldórsvandamálinu var heimsókn frú Ingveldar í Valhöll í gær, en það var heimsókn sem hægt er kalla heimsókn. Frú Ingveldur ruddist sem sagt inná skrifstofu Sjálfstæðisflokksins eins og fellibylur og réðist með óbótaskömmum, svívirðingum og barsmíðum á þá er fyrir voru og tókst að lokum með fádæma harðfengi að koma því inní massíva íhaldshausana á þeim, að Halldór Halldórsson væri þvílíkt himpigimpi að aldrei myndi af hljótast annað en óbætandi slys að hafa hann fyrsta sæti XD-listans í borginni; það myndi bókstaflega ríða Flokknum að fullu ef ekkert væri að gert og Halldór Halldórsson fengi að tróna á litanum fram á kjördag. Við þetta einstæða tækifæri lýsti frú Ingveldur því yfir, að það mætti heita sérstakur ódráttur, sem ekki hefði roð í landeyðu á borð við Dag bé Eggertsson og fáráðlingana í Tómhyggjuframtíðinni hans herra Steingrímsson.

	Ræða hvort Halldór stígi til hliðar
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Þetta er nú meiri fíflagangurinn í fullorðnu fólki, sem telja sig vera ábyrgir stjórnendur flokks.

Er ekki best að setja bara grímur á alla frambjóðendur, og líma fyrir munninn á þeim?

M.b.kv.

Anna Sigríður Guðmundsdóttir, 21.5.2014 kl. 11:46

Jú, Anna Sigríður, næst ættu þeir að muna að setja grímur á alla frambjóðendur sína og passa vandlega að úfseyrun á þeim sjáist ekki.

Jóhannes Ragnarsson, 21.5.2014 kl. 11:51

Fyndinn og hittinn Jóhannes, vað HH varðar! -- Ég rita um þetta mál hér:

Já, burt með Halldór Halldórsson, og standið einbeittir með flugvellinum, sjálfstæðismenn!

Jón Valur Jensson, 21.5.2014 kl. 12:07

Er það ekki gæðastimpill fyrir manninn að Jón Valur fari offari gegn honum ?

Jón Ingi Cæsarsson, 21.5.2014 kl. 12:36

Ekki veit ég það, Jón Ingi, hvort það er gæðastimpill fyrir Halldór Halldórsson hvort Jón Valur segir eitthvað um hann eða ekki. Hinsvegar virðast sjálfstæðismenn lítið spenntir fyrir honum, hvað þá aðrir. Og þótt þeir fari með þennan misheppnaða oddvita sinn útí ruslatunn þá tekur ekkert betra við á listanum þeirra. Kanske er þetta upphafið að endalokum Sjálfstæðisflokksins sem þess valdaflokks sem við þekkjum - Guð láti á gott vita.

Jóhannes Ragnarsson, 21.5.2014 kl. 14:04