Haaardý gaaardý man og sendiherrann í Kúagerði

Þeir eru gamansamir þarna í ríkisstjórninni, þó heldur sé gaman þeirra grátt og óþefinn leggi af því langar leiðir og enginn hafi til að bera svo mikið skopskyn að geta brosað að spauginu, hvað þá hlegið. En nú hefur ríkisstjórnin sem sé tekið undir sig stökk og gert herra Gjeir Haaardý að sendiherra og það sem meira er, Árna Þór Sigurðsson líka, en það er, hvað sem öðru líðu, óneitanlega býsna hægilegt.

Það er auðvitað skiljanlegt, að framsóknaríhaldið hafi viljað endurreisa Gjeir okkar hérna Haaardý á einhvern hátt, og hvað er betri endurreisn fyrir farlama stjórnmálajarmara en vera gerður að sendiherra. En að dubba endemið Árna Þór til sendiherra er blátt áfram hlægilegt, svo ekki sé fastar að orði kveðið. Hvar Haaardý verður sendiherra kemur ekki nokkrum lifandi manni við, enda er öllum fjandans sama um það. En Árni Þór verður vafalaust sendiherra í Kúagerði, sem ugglaust er vel við hæfi. Það er ennfremur vel við hæfi að þessi tannlausa búrtík Steingríms Joð sé skipuð í embættið af Erkiíhaldinu og Framsókn, alveg eins og Svavar Sendiherra. Alveg dásamlegir stórsósíalistar þeir Árni Þór og Svavar Sendiherra og einstaklega samkvæmir stefnu hins stórrótæka flokks VG.

En það verður víst að hafa það sem yfirstéttin gerir sér til skemmunar og dægrastyttingar, hvort heldur það verndum kvótagreifastofnsins eða gefa alþýðunni fokkmerki með því að skipa alónýta giljagaura í sendiherradjobb.

Geir Haarde sendiherra