Leita í fréttum mbl.is

Háar hugsjónir og ferskar í fyrirrúmi

xd17.jpgAuðvitað eru péníngapervertar landsins löngu búnir að koma sér saman um hvernig þeir eigi að skjóta sameignum þjóðarinnar undan og ofaní eigin vasa. Þessir þrjótar eru ekki auðvald og arðræningjar fyrir ekki neitt. Það síðasta sem fréttist af þessum sérplægnu óbótamönnum, fyrir utan að efna til einkavæðingarveislu með tvo ríkisbanka, er að nú hafa þeir sem hæstar hafa hugsjónirnar og ferskastar ákveðið að opna markað þar sem ömmur þeirra verða boðnar og seldar hæstbjóðanda; ef báðir aðilar hagnast á viðskiptunum með gömlu konurnar, þá er það af hinu góða, gefur góð tækifæri, eflir heilbrigða samkeppni, segja þeir.

Nokkrir frjálshyggjudrengir, aldir upp við góða og megna auðvaldshyggju og arðrán, mun nú þegar vera farnir að undirbúa ömmur sínar fyrir sölu á opnum markaði. Verulega verðmætar ömmur, munu samt ekki ætlaðar til kaups fyrir pétur og pál, heldur seldar flokksmönnum eftir forval og lokað útboð.

Þar eð amma frú Ingveldar er dauð fyrir mörgum árum síðan, hefir frú Inveldur afráðið, að reyna að selja móður sína. Sá hængur er þó á, að gamla Ingveldur, móðir frú Ingveldar, er viðskotaill ekki síður en dóttir hennar, römm af afli þrátt fyrir að hafa tvo um áttrætt, og herská svo af ber þegar uppá hana er abbast. Það verður því fróðlegt að sjá hvernig þeim mæðgum vegnar í stríði því er framundan er.


mbl.is „Bankinn tilbúinn um nokkurn tíma“
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband