Leita í fréttum mbl.is

Fjárfestingar fyrir peningaperverta og skemmdarvarga

kapital8Það er fátt sem vikapiltum auðvaldsins dettur ekki í hug. Nýlega búnir að keyra banka- og efnahagskerfið í þrot kemst ekkert fyrir í hausnum á þessum skemmdarvörgum annað en að mylja allt sem mulið verður undir peningageðsjúklinga hins ruddalega og úrkynjaða kapítalisma. Nú ætlar fyrirbærið Íbúðalánasjóður, að selja peningapervertum íbúðir í stórum kippum, í stað þess að leigja þær eða selja einstaklingum á hóflegu verði. Raunar er villandi að segja, að ,,nú ætli" Íbúðalánasjóður að selja peningapervertum íbúðir í kippum, því sjóðurinn er fyrir nokkru síðan hafið þessar sölur til vildarvina bófaflokkanna, sem eru í ríkisstjórn þessa stundina. Meðal annars hefur spurst, að ehf-félag í eigu forherts refsifanga, sem situr í steininum fyrir umfangsmikil afbrot og svik, hafi keypt myndarlegt fjölbýlishús norðanlands og fengið að auki þrjár íbúðir að auki fyrir slikk í kaupbæti. Það er afskaplega göfug hugsjón, að gera eina af grunnþörfum fólks, að hafa þak yfir höfuðið, að fjárfestingarleikfangi fyrir gráðuga dólga og dusilmenni.

Það er því ekki nema von, að þessa dagana sé glatt í döprum hjörtum frú Ingveldar og Kolbeins Kolbeinssonar skrifstofustjóra og framsóknarmanns og annarra af þeirra vandaða kalíberi. Í tvíelleftri svallveislu síðustu helgar að heimili þessara merku sæmdarhjóna var skálað vel og vandlega fyrir góðum fjárfestingum í íbúðabransanaum og Brynjar Vondalykt leyfði veislugestum að leiða sig eins og múlasna á bindinu og berrassaður neðan nafla kringum stofuborðið. Þá öskraði samkvæmið af ofsagleði vegna góðs gangs í einkavæðingu heilbrigðisherfisins og þá voru gleðilætin ekki minni, þegar Kolbeinn söng texta eftir sjálfan sig um velheppnaðan brottrekstur albanskra múslima úr landi. 


mbl.is Mun styrkja leigufélög á markaði
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband