Leita í fréttum mbl.is

Gleðjast nú smámennin á hjáleigunni og höfuðbólinu

au_vald_1061447.jpgÞá er fram komið að félagi Ólafur Ragnar ætlar ekki að bjóða sig fram við næstu forsetakosningar. Má ætla að þessi ákvörðun forsetans espi enn frekar upp sjúkdómseinkenni þeirra lítilmenna sem haldin eru hinu hvimleiða, að ég segi ekki alræmda, krataeðli og að þessari stundu öskri þeir og veini ,,gaman gaman" í hinni óhrjálegu falsettu sem þeir eru kunnir fyrir. Vart þar að efa, kratagægsnin munu nú leggja mikið kapp á að ljúga inná þjóðina forsetaræfli sem væri allt í senn: smámenni, ESB-sinni, Icesave vinur og auðvaldssinni.

Ekki síður er viðbúið að auðvaldströllin í Hrunflokkunum sem kenna sig við sjálfstæði og framsókn kætist líka þegar í sjónmáli er að losni við félaga Ólaf og hefji dauðaleit að einhverju áferðarfallegu gerpi til að planta niður á Bessastöðum.

Það er því allt útlit fyrir að íslenska þjóðin fái galli blandaða kosningabaráttu milli forsetaefna tveggja auðvaldssinnaðara stjórnmálaklíkublokka þar sem annar verður ESB-innlimunarsinni en hinn andstæðingur ESB innlimunar. Svo verða tínd til fáein atriði í viðbót til að sýna fram á tilhlýðilegan lágmarksmun á frambjóðendunum, sem verða þó báðir mjög hjartanlega sammála um að elska og virða hið kapítalíska þjóðskipulag; með öðrum orðum, tvær illgresisplöntur í sama blómavasanum. 


mbl.is Býður sig ekki fram til endurkjörs
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Anna Sigríður Guðmundsdóttir

Það er nú ekki útilokað að Dorit blessunin bjóðist til að verða forseti Íslands? Miss Dorit og miss Clinton?

Frekar vil ég Dorit sem forseta Íslands, heldur en "forsjálu" klíkuvitringa-spákonuna framsýnu frá því í gær, sem kölluð er Kata Jakk. Það tekur mörg ár að gleyma svikum Katrínar Jakobsdóttur og svika-VG-co við kjósendur og grunlausa flokksfélaga árið 2009!

Annars var hún Herdís Þorgeirsdóttir afskaplega víðsýn, reynslumikil, manneskjuleg og frambærileg í síðasta forsetaframboði, og ekki verra að fá hana aftur á framboðslistann.

En þetta er víst allt fyrirfram planað af valda-heimsmafíunni ó-lýðræðislegu, og fjölmiðlamafíunni, eins og venjulega.

Og eins gott að gera sér grein fyrir að kjörkassar á Íslandi eru ekki einu sinni innsiglaðir, né fluttir á milli staðar af siðmenntuðum eftirlitsþjónum. Og því síður eru vaktaðar atkvæðatalningar, með fingrafar hvers löglegs kjósanda á hverjum atkvæðaseðli!

Ögmundur Jónasson og Karl Garðarsson voru víst sendir til Úkraínu til að líta eftir "löglegum" atkvæðatalningum þar? En þeir geta víst varla litið sér nær í "heiðarlegu" löglega eftirlitinu?

M.b.kv.

Anna Sigríður Guðmundsdóttir, 1.1.2016 kl. 22:10

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband